عنوان الموضوع : صار لنا حادث حياة زوجية
مقدم من طرف منتديات نساء الجزائر

صار لنا حادث












يارب لك الحمد على ماتعطينا وتقسم لنا فقد رضينا به
حمدلله يارب ان سلمتني وحفظتني من الحادث الشنيع

ابشركم حمدلله ربي نجاني وجنيني من حادث خطير والله المتضرر صراحة زوجي .. انكسر خشمه وانفك التقويم حقه ونزف دم والله محتاج دم كثير ..
السالفه إنه امس العصر سيرت على خالتي وحطني زوجي وراح مع خوياه .. انتظرته لآخر الليل قال عالواتس نامي عند خالتك انا باالاستراحه وتعبان مافيني اجيك قلت اوك.
جا الصبح وقمت اخذت لي شور وكلمته قلت تعال ودن المدرسة اليوم من زمان مارحت فاتتن دورس ككثار .. وكان باللياله يتكلم واضح انه نايم

قعدت انتظره يجي واثاريه جا رقد المستر بسيارة وانا ملطوعه بالبرد
يوم شفته فتحت باب السيارة جلست اهاوشه وعصبت احس تعبت وحمل ووقفه
شوي يوم سكت عن الهوشة بدى الرجال يغمض
والسيارة يمين يسار
وانا معي مخده تحت رقبتي ... اخذتها وحذفتها عليه وقالت سالم بصوت عالي
فز المسكين وصدمنا بسرعه وفجأه بدون سابق انذار
انا حمدلله طلعت هذيك الاسفنجات اللي حقت النجاه وصكيت كرشتي ووجهي فيها وسلمت .. بس ابو العيال ضرب وجهه بالدركسون ورجع عالمرتبه ورجع ضرب وجهه بس المرة الثالثه يوم جا يصفق مسكته يمي جريته وانا انزفففف
معد قدرت اتحرك .. سدحت المرتبه واحس اسفل ظهري بينكسر
صرت اصيح وراس سالم طايح بيم مرتبتي ومرتبته من بعد ماجريته
ياربي احس اني باولد
وامسك نفسي ابي اتنفس ماقدر احس خلاص الموت .. مرتبتي امتلت دم
ابي اساعد زوجي ماني قادرة .. لكن شديت حيلي وطلعت الموية من شنطتي واكبها على راس سالم وابكككي . وهو يون تقول روحه طالعه
صرت اصيح واسمي عليه وادعي ان ربي ياخذ عمري قبل لاشوف زوجي يموت او جنيني يطيح
هاللحظة حسيت ان احب جنيني فعلأ
شوي جو ناس قليلين بس .. حاولو يساعدونا بس كنت اصيح لحد يقرب مننا .. معي شنطة مليانه ذهب من بعد روحتي لخالتي وعساس ياخذها زوجي للبيت ويحطني بالمدرسة
شالونا االاسعاف وقعدو يفغصون كرشتي اللي يفغص كرشهم
قال انتي حامل ؟ (سعودي) قلت إيه . ولو سمحت شيل يدك ذي ترى بوه روح واحساس .. قال بسم الله االرحمن الرحيم


وصلنا المستشفى؟ اخر عهدي بزوجي يوم حطوه بسرير ولفو يمين وانا لفو بي يسار .. طبعآ حلفت مانسدح على سرير فشله
انا وكرشتي ذي
.. وحطوني بعربية وبغيت اموت من الوجع
سدحوني بغرفة وزحلقو بي لقسم الاشعه يشوفون الجنين
وطلع الجنين ؟ حي ولا ميت ؟







































حمدلله حي ابو راس
وكنت اسأل عن زوجي ومايعطوني وجه
هالكلام تقريبا الساعه 8 او 8 ونص
.. يوم صليت الظهر دخلت علي ممرضة حطت لي غدا .. يوم شفته **قعدت ارجع الله يكرمكم يع يع يع ياريحته
استغفرالله
وانا اقوم من السرير واشرب موية والحقها
تكفين تكفين تكفين سالم الشمري وش صار عليه ماتعلموني قلقانه على زوجي
قالت تبين تشوفينه امشي وراي
ويالله امشي انا لأن في مغذيه برجولي
ماقدرت امشي للأسف بنشرت بالسيب
فكئت المغذي وسط السيب وقعدت امشي وراها
طالعت فيني قالت المغذي وين
قلت شوفيه طايح بالسيب معد ابيه
سوت نفسها تبكي ) اهههههههههههئئئئ( الله يصبرني عليك . قلت آمين
دخلت عند زوجي قلت وشق شق شق وكلبببببوووشي انا وقغغغغغه .. فز من نومته ذيك وقعد يطالعنيييي يتأمل في الكرشة
قاعد يتكلم ومافهمتمه للأن عليه اوكسجين ووجهه كله مغطى وابيض
(بطبطبطبطبطبطب بطيطي بط بط ) >> هذا للي فهمته من كلامه .. شلت الاكسجين قلت هاه ؟
قال الجنين مات؟
قلت احسنك بتسأل عني الله يضيمني بس
قال روحي عني مقدر اتكلم كثير فمي مكسر
قلت احسن تستاهل قال اتفاهم معك بعدين كله منك اللحاث ذا
والله عصءت وانا ماعنيه وجاية له اتطمن عليه وهو يهددني .. طلعت ورجعت غرفتي وجمبي حرمه االله يلوع كبدها لوعت كبدي ياعالم تطرش كل شوي الله يكرمكم .. اقولها لو سمحتي اطرشي بدون حماس لاتتطلعين اصوات
وتع
اند التسلبه ...


وبس والله اسولف لكم من المستشفى محتريه امي تجيني تاخخذني عندها الخبر (يارب يوافق زوجي) هذا ان عاش خخخخخ


داتكم لنا بالسلامه :*

>>>>> ردود الأعضـــــــــــــــــــاء على الموضوع <<<<<
==================================


الف الحمد لله على السلامة يا اختي

والله انك صنف نادر

حادث وزوجك حالته حالة وتنكتين وتضحكين

الله يهنيك ويهدي سرك ويقومك بالسلامة




__________________________________________________ __________

!!
صآحيـه بجد ؟ هآلكلآم صدق ؟ الصور إذآ مآخآبني ظني شفتهآ بجوجل !
ههههههههههـ على العموم الله يسعدكِ يآرب قد مآأسعدني موضوعـكِ ، وَ أحب أقولكِ الصدق منجـآة
موفقـه يآرب ^^


__________________________________________________ __________

[QUOTE=مرام البسمة;12649341]
الف الحمد لله على السلامة يا اختي

والله انك صنف نادر

حادث وزوجك حالته حالة وتنكتين وتضحكين

الله يهنيك ويهدي سرك ويقومك بالسلامة


[/QUOTE

امين يارب .. الله يسلمك


والله حمدلله شفت زوجي مافيه شي بس خشمه مكسور ههههههههه لا يغرك والله اني تقطع قلبي.
**]


__________________________________________________ __________

المشاركة الأصلية كتبت بواسطة litchi
!!
صآحيـه بجد ؟ هآلكلآم صدق ؟ الصور إذآ مآخآبني ظني شفتهآ بجوجل !
ههههههههههـ على العموم الله يسعدكِ يآرب قد مآأسعدني موضوعـكِ ، وَ أحب أقولكِ الصدق منجـآة
موفقـه يآرب ^^



لاطبعا مقدر احط صور لي يشنقني زوجي
بس دعم للموضوع


__________________________________________________ __________

المشاركة الأصلية كتبت بواسطة litchi
!!
صآحيـه بجد ؟ هآلكلآم صدق ؟ الصور إذآ مآخآبني ظني شفتهآ بجوجل !
ههههههههههـ على العموم الله يسعدكِ يآرب قد مآأسعدني موضوعـكِ ، وَ أحب أقولكِ الصدق منجـآة
موفقـه يآرب ^^

الصدق منجاة اجل ؟

مستعده اعطيك رقم المستشفى وتسألين عن اسمي واقابلك بعد تشوفين كرشتي