عنوان الموضوع : انجرحتي انكسرتي انذليتي ادخلي وباذن الله ماتندمي -مجابة
مقدم من طرف منتديات نساء الجزائر

انجرحتي انكسرتي انذليتي ادخلي وباذن الله ماتندمي









الكل هنا يعاني
مجروح
يصرخ بآهاااته
*انتهت حياتة لانه خلاها لعيون شخص واحد...او مقهور لنكران الجميل..


من هنا اناديك..

انا محبتكم المخالصه ..
أمد لك يد العون والقلب الحنون واللمسه الحانية..

أنا مستعدة أوقف معك وآخذ بيدك بس تساعديني بنفسك وتسمعين كلامي وتقرين كلامي مره واثنين وثلاث حتى تفهمين المضمون*_*

أوعديني تسمعين كلامي وتفهمينه وتقرينه للأخير..
أو اسمحي لي اقول لك هذا مو مكانك..إلا اذا وثقتي بربي وثم مديتي لي يدك

( إن الله لا يغير ما بقوم حتى يغيروا ما بأنفسهم )

اول شي بالنسبه للصدمة النفسية والتجربه القاسيه إلي مريتي فيها ..



ابي اقول لك ترا مافيه اي انسان ع وجه الارض ما مر بتجربه قاسية فاشله اليمه موجعه..

وياما بتسمعين وتشوفين والله مافيه اي انسان ع وجه الارض مامر بتجربه اليمه كسرت اشياء كثيره داخله وتحطمت احلامه بزمن قاسي وناس اقسى مافيه احد مرتاح بحياته هذي الدنيا كذا ماتسوى عند ربي جناح بعوضه .. ولاتسوى الدنيا تنزل من عيونك الحلوة دمعه وحده ع اشياء ماتسوى ابد

ريحي قلبك وارحمي نفسك إلي صار صار وإلي انهد انهد وإلي انكسر انكسر قضاء الله وقدره .. ماتدرين وين الخير فيه

معقووله ياقلبي من اول صدمة نفسيه تنهارين وتعيشين نفسك بقهر طول هالسنه!!

ليه..؟

حرام عليك ؟

تذبلين وانتي بعمر الزهور


إلي قاعده تسوينه غلط في غلط وحرام عليك مايجوز ترمين نفسك بيدك بالتهلكه !

عشان شي انتهى بس لاتخلين الماضي يأثر ع حياتك لانه راااح للأبد ومستحيل يرجع لو اجتمعت الامه ع انهم يرجعون الماضي مستحيل يرجع

خلاص انتهى راح ارميه بزنزانة النسيان
لاتخافين من شي صدقيني اذا لك حق بتاخذينه
اذا كانت تجربتك المريرة وصدمتك انك فقدتي احد تحبينه صدقيني ماهو خير لك ولو كان خير لك كان ربي جمعك معه غصب عن كل الي يرضى والي مايرضى
وان كان ظلم ريحي قلبك ونامي قريرة العين اقسم لك بجلال الله بتاخذين حقك الظلم الشي الوحيد الي مستحيل تموتين الا وانتي شفتي حقك بعيونك بالدينا قبل الاخره



انفضي عنك غبار الهم والقلق والماضي ترا الي يفكر بالماضي حمق وجنون ومضيعة وقت

خلاص انسي الماضي لاتقولين مااقدر..!!

وش استفدتي من الماضي؟

لازم ايمانك بالله يكون اقوى من كذا
اعتبريها تجربه مرت عليك واستفدتي منها
ياما حتشوفي لازم تكوني قويه
بكره بيكون عندك زوج وبيت
وين القوة هنا!
وين الام الي كلها قوة ويعتمد عليها !!
بكره بتشوفين اكثر وبتنصدمين اكثر
لازم تكونين قوية وايمانك بالله كبير وتثقين برب العالمين
عشان تكونين ام قويه تخاف ربها وواثقه من نفسها يعتمد عليها وحكيمه ماتخاف الا من خالقها وبس

تؤمن بأن الله تعالى كتب مقادير الخلائق قبل أن يخلق السموات والأرض بخمسين ألف سنة .والحديث رواه مسلم



حبيبتي عيشي حياتك تراااها قصيرة مرره
وربي ماراح تحسين بنفسك الا عمرك كبير وانتي ما انجزتي شي ولاصار اي شي و من الي انتي كنتي خايفه منه
ترا 99% من الاشياء الي تخافين منها غير صحيحه..

حبيبتي اذا كان الماضي هو السبب خلاص من اليوم انسيه
وتوكلي ع ربك
اذا كان حب وعندك ذكريات من الي تحبينه ارمي كل شي يذكرك فيه ..اذا كان اي حق بتاخذينه ياقلبي وربي وربي بتاخذينه

لازم تكوني اقوى من كذا لاتتعثرين من اول صدمة..


من اليوم الماضي خلاص لازم ننساه ونتوكل ع ربي ونثق فيه ان ربي بيعوضنا خير وبنعيش حياة حلوة
إلي يرضى بالمكتوب له الرضى من رب العالمين
وإلي مايرضى بالمكتوب ويسخط له السخط من رب العالمين وعيشه ضنك وكدر..

ابدآلاتخافين من الماضي ولا من اي احد ..

تأملي معي::

ومن ترك الخوف من غير الله وإفراد الله وحده بالخوف سلم من الأوهام وأمنه الله من كل شيء فصارت مخاوفه أمنا وبردا وسلاما
لاتخافين من شي ماله اي وجود ولا اي اساس نهائي..
فليطمئن قلبك بذكر الله سبحانه ولاتخافين من شي وعيشي بحدود يومك واقري قران وابكي لربي بنيه انه يسترك ويرحمك برحمته


من ناحية خوفك من المستقبل//

لااازم تكونين واثقه من ربي ,

قال تعالى
( إنه لا يياس من روح الله إلا القوم الكافرون )



لاتيأسين من روح الله وستره ورحمته ومغفرته ماهو بعزيز ع الله انه يسترك ويسعدك ويهنيك..
لاتخافين الا من رب العالمين وبس
ترا الخوف من البشر ومن الناس تراه لان قلبك مافيه ذكر لربي ولافيه خوف من ربي
خافي ربك وبس
,

وعدك الله ان يخلف لك بمصيبتك خيرآ.. ماذا تريدين اكثر من هذا!!
وعدك الله ان يعوضك خيرآ مما اخذ منك.. ماذا تريدين اكثر من ذلك!

ومن يتق الله يجعل له مخرجأ
واذا وثقتي بربي وتوكلتي عليه كفاك شر من به شر..
لاتفكرين بالمستقبل وش بيصيرفيه


إحساسك بالخوف من المستقبل ..//

سببه يمكن لضغووط عشتيها
يمكن لصدمات نفسيه او عائليه اوعاطفيه
بس لازم نعرف ان هالدنيا ماتسوى عند الله جناح بعوضه وان هذا كله الى الزوال ..
لازم تثقين بربك وتتوكلين عليه مااحد يضمن عمره الحين كيف بعد كم سنه!
عيشي حدود يومك ترا الشيطان هو الي يوسوس لك بالمخاوف بالماضي عشان يكدر عليك عيشتك والا ترا كله وهم لانه لايعلم الغيب ولانه وعد الله الى قيام الساعه انه يوسوس المؤمنين ويعيشهم بضنك ووعده الله بأنه يقبل مغفرة عبده ويرحمه برحمته الى قيام الساعه
ليش تخافين!
وكل شي مكتوب عند ربك..




يامن سكنت قلبي و وجداني..
يعلم الله وحده لا سواه..
محبتي لكم يا عضوات سيدتي.. والخير إلي اتمناه لكم من كل قلبي..

عزيزتي وغاليتي ..


أوصيك بهذي الوصايا..
فوالله الذي لا اله الا هو انها خير معين لك ع طريق سعادتك وع بداية جديدة لحياتك..


// تمعني معي..

ليه تمرضين نفسك ع الالم إلي سببه لك الطرف الآخر.. بخيانته وهجرانه ونذالته..
فوضي امرك لخالقك وتوكلي عليه حق توكله
لاتنشغلين فيه ابد ابد انسيه كل ماتذكرتي إلي جرحك وباعك تذكري انه ربي موجود وبياخذ حقك وبنصرك
انتي إلي بتمرضين وتتعبين وهو عايش حياة بالطول والعرض

انها منادة من رب عزيز مليك مقتدر
ان حقك والله الذي لا اله الا هو محفوظ عند ربي..

* لازم تلجأين لربك الاستغفار باليوم 100 مره
* والصلاه تحافظين عليها بأوقاتها
* اذكار الصباح والمساء..

والأهم من هذا كله..

ألجأي الى الله بكل صدق وثقه وتوكل بدعاء صادق خاضع ذليل بثقه انه ناصرك وحافظك فهو رب مليك مقتدر ع كل شي حق العباد محفوظ عنده..
من استغفل عباد الله وظلمهم فله عذاب اليم بالدنيا قبل الاخره فوضيه الى الجبار الكبير المتعال..

ثقي بإستجابة دعائك.. بالتوكل ع الله حق توكله فهو عند حسن ظنك به ..


الين تاخذين وقت وتستقر نفسك
ترا بيكون صعب كم يوم بعدين لتقربتي من ربي وبكيتي انه يشرح صدرك بدليل قبول رحمته ومغفرته وعوض خير لك بتعيشين حياه سعيده رضيه هنيه ..
واخر نقطه احب انوه لها//
ترا هالافكار الي تجيك من وسوسه الشيطان ترا سببها الفراااااااااااااااااااااااااا اااااااااغ
الجأي لربك واشغلي نفسك بأشياء مفيده
انتبهي لدراستك لوظيفتك لقراءة الكتب وعيشي حياتك يومها بيوم
لاتخافين من البشر تراهم من ترااااااااااااااااااااب
واخراتهم تحت التراااااااااااااااب
والي فيه شر ربي بيرده بوجهه والشر يعود ع اصحابه مو عليك انتي بس في حاله كنتي محاافظه ع صلاتك وع دينك وع بر والدينك




من ناحية زواجك..

لازم اول شي تثقين بربي انه مايعجزة شي ابد
وتتوكلين عليه وانه بيده ملكوت كل شي وانه مايعجزه شي وانك صابره وماراح تستعجلين الاجابه

الدعاء من كل قلبك
افرشي سجادتك بقيام الليل وتحري اوقات الاجابه وابكي بدل الدموع دم
لو مره وحده
ادعي ربي وانتي حاسه بقربه وانه هو الوحيد العالم بحالك والي قادر ع كل شي
ابكي بحرقه ادعيه بألم بخشيه برجاء
ربي يقبل دعوة الضعيف والمضطر
استغفري باليوم بما لايقل عن 100 مره بنية ربي يشرح صدرك ويزوجك اطلبي من ربي يزوجك الزوج الصالح لاتشترطي ع ربك اطلبيه زوج بعطيت ربي الخير

عجبني فنقلته لكم

>>>>> ردود الأعضـــــــــــــــــــاء على الموضوع <<<<<
==================================


سلمت يمناك اخيتي على كلامك الاجمل من روعة من جد الحياة لم تنتهي اهم شي قوة الايمان والعزيمة


__________________________________________________ __________

والله الكلام جاء على الجرح كأن كل اللي مكتوب فيني انا انخطبت للانسان اللي كنت اموت فيه ووقتها حسيت اني اسعد انسانه بالدنيا وتفاجأت بلحظه انه باعني وضحى فيني عشان اهله لأن امه رافضتني من البدايه من يومها حاسه ان بداخلي الم لو توزع على العالم يغرقه بس الحمدلله على كل حال الله يعوضني ويسترني ويستر بنات المسلمين


__________________________________________________ __________

مشكوره ويعطيكي العافيه


__________________________________________________ __________

الله كلام جميل ومريح
عن جد محتاجين مثل هالمواضيع
اللي تشرح الصدر
الله يفرج لك كل هم ويرفع قدرك


__________________________________________________ __________

يعطيك الف عافية حبيبتي الموضوع اكثر من رائع لاتحرمينا من مواضيعك الجميلة