عنوان الموضوع : يابنات احذروا لا يصير لكم زيها -لحياة سعيدة
مقدم من طرف منتديات نساء الجزائر

يابنات احذروا لا يصير لكم زيها






--------------------------------------------------------------------------------

اسمعو يابنات هذي قصة سمعتها قبل فترة ..
بس مادري وش اسميها لأنها صدق محرجة ومضحكة ومحزنة وتفشل بعد...
يقول لكم هذي وحدة متزوجة تسمع دايما الحريم يتكلمون عن ذكرى الزواج وايش يسوون فيها ..
عاد قالت ليش ماسوي ذكرى زواجنا انا وزوجي..وانبسط مثل هالبنات ..
ويوم جاء موعد ذكرى زواجهم استعدت وزبطت الشعر والتسريحة والمكياج ..تقولون كنها بتروح لعرس..
وراحت وجهزت العشاء السنع ..ونظفت بيتها ...وخلصت اشغالها..
طبعا كل هذا وزوجها مايدري عن شيء وطبعا ماكان موجود بالبيت وهي ناوية تسويها مفا جأة ..
واخيرا مابقى غير انها تنوم عيالها وعيالها ماعندهم نية ينامون قامت وجلدتهم وصيحتهم الين نامو..
والحين عاد جاء وقت لبس الفستان ..وطبعا الفستان كان ضيق وبالعذاب الين سكرت السحاب..
وبعد هذا كلة راحت وانتظرت زوجها في المجلس ..وزوجها تأخر ونامت المسكينة وهي جالسة في المجلس تنتظرة ..
ويووم جاء ابو الشباب وطبعا متأخر دخل الغرفة بينام ولا لقى زوجتة ..وراح لغرفة عيالة ولا لقاهاوراح المطبخ ولا لقاها ..ووقتها بغى ينجن..وراح اتصل على اهلها اخر الليل وسألهم عنها وقالو ماجتنا ولا شفناها..
وبعدين قال ابنتظر شوي واروح ابلغ الشرطة ..وابوها واخوها راحو عندة البيت وهم مرتاعين ومفجوعين ولا يدرون وين بنتهم؟؟
والحرمة في سابع نومة..
المهم حست الحرمة بصوت وصحت من النوم ..
وطلعت من المجلس وهي بفستانها وتسريحتها ومكياجها وتفاجأت بأبوها واخوها وزوجها في وجهها مخبوصين..
وتقول صاحبة القصة انا يوم شفت ابوي واخوي وزوجي عرفت وش القصة..وابوي يوم شافني بفستاني يحسبني انهبلت..ولا عرفت وش اسوي ..وانحرجت مرة ولا عاد قدرت احط عيني في عيونهم الله لا يعيدها من ذكرى زواج وحلفت ماعاد تسويها مرة ثانية..

الحين عاد كل وحدة تقول لي وش رايها بالقصة؟؟

>>>>> ردود الأعضـــــــــــــــــــاء على الموضوع <<<<<
==================================


ياعمري عليها هذي ينطبق عليها المثل بغتها طرب صارت نشب ههههههه الله يسعدك على هالقصه


__________________________________________________ __________

شكلها اول مره تدخل المجلس

عشان كذا يحسبها ضاعت

تسلمين


__________________________________________________ __________

هههههههههههههههههه
جد احراج الله يكون بعونها بحكي المثل اجت الحزينه تفرح ما لقت مطرح


__________________________________________________ __________

هههههههههههههههههههههههههههههههههههههههههههههههههه هههههههههههههههههه


__________________________________________________ __________

هههههههههههههههههههههههههه
الله يعينها
بس قصة حلوة
علقة تفوت ولا حد يموت
هههههههه