عنوان الموضوع : بالله عليكم ابي مساعده طلبتكم
مقدم من طرف منتديات نساء الجزائر

بالله عليكم ابي مساعده طلبتكم






بنات مشكلتي كانت يوم الخميس الستعه 6 الصبح قعدني زوجي للدوام لانه مواصل مو نايم قالي البسي قبل السبع القاج خالصهعلشان يوديني الدوام ؟؟؟ انا دايم اقوله ان الساعه 7 مبجر حيييل ودوامي شفتات الساعه 7 يكون دوام رجال مايطلعون الا 7
المهم لبست صارت الساعه 7وخمس دقايق دش الشقه لقاني البس دلاغاتي والا يقول خلاص روحي مع السايق قلتله انا خلصت والسايق يودي عيال خوانه للمدارس مايخلص الا عال8 الا دوامي طاف قال بالطقاق وينزل ويروح الدوانيه نزلت وراه طقيت الباب مارد صعدت الشقتي دقيت على نقاله مارد دقيت مره ثانيه والا يصارخ ويصك التليفون بوجههي ماخلاني اتكلم بعدها دقيت بكلمه الا يصعد فوق ويمسك تليفوني ويضربه بالطوف ليما تكسر ويمسكني يبي يضربني ويدخلني الغرفه قلتله لا تقرب اخاف فيني شي لاني اعالج للحمال قعد يصارخ ويمسك ايدي وكتفي يقولي مو عاجبجج خوذي اغراضج وروحي بيت اهلج انا زهقت منج
وتهدديني بالحمال يعني شنو تبين تجيبين لي
للعلم ماعندي الا ولد ومعاق
يعايرني بولدي وفوق هذا قال يوم الاحد نروح الدوام وتقدمين استقالتج ودزني وطلع انا ذبحنب البجي كليت منوم مابي اتذكر شي انهرت صليت ونمت جاني الساعه 6 المغرب يقولي انقلعي قومي ليش للحين نايمه روحي اطلعي قلتله مابي اطلع بنام طالعني بنظره وطلع
بعدها رد لي الساعه 11 بالليل يقولي قومي ماابيج تنامين جنبي
وطلعت نمت بالصاله انا وولدي بعدها اشرق يوم الجمعه من قعد من النوم نزل تحت للعلم انا ساكنه مع اهله وانا رحت لاهلي رديت بالليل واشرق يوم السبت نفس الشي واشرق يوم الاحد ماداومت وماجاني ولا كلمني والحين كنت انوم اولدي بالغرفه لان الصاله برد والا زوجي يدخل علي ويسكر الباب وراه ماقال اطلعي برا ساكت بس انا من شفته غطيت اولدي وطلعت للصاله وسكرت الباب وراي كنت اكلم امي ((((لما كسر التليفون خذيت شريحتي وركبتها بجهاز قديم عندي )))) وماتكلم ساكت الحين انا بالصاله مو عارفه اشلون اتعامل معاه زوجي قلبه طيب وينسى بسرعه بس ان مقصر جدا يعني انا بمعاشي لولاه علوم يعني ماكلة البيت مايجيبها مراجعات اولدي مايوديه انا مايوديني ولا يجيبني مايسوي شي ولا يصرف عالبيت لي 4سنوات متزوجه ومريت بمشاكل كثيره بداية حياتي ووصلت لحدوود الطلاق وابوي ماكان يبيني ارجع له بس انا رديت تسنع كم شهر ويرجع الطبعه ........ بس هو مو مقصر على نفسه تليفونات احدث الاجهزه ولازم جهازين او اكثر

>>>>> ردود الأعضـــــــــــــــــــاء على الموضوع <<<<<
==================================


والله مدري ايش اقولك اختي ليش يجلس لحاله وبعدين يطلع من الغرفه معصب ولا ايش الحكايه عالعموم انتي طنشيه انا اتوقع انو ما يبغاكي تروحي الدوام اذا جات على الدوام انو ما يبغاكي تروحي انا اقولك لا تخربي بيتك بنفسك اتركي الشغل بس حاولي شوفي ايش يبغى منك ليش كذا يعاملك حازلي تناقشيه والله يسر اموركم


__________________________________________________ __________

المشاركة الأصلية كتبت بواسطة ندى الجووري
والله مدري ايش اقولك اختي ليش يجلس لحاله وبعدين يطلع من الغرفه معصب ولا ايش الحكايه عالعموم انتي طنشيه انا اتوقع انو ما يبغاكي تروحي الدوام اذا جات على الدوام انو ما يبغاكي تروحي انا اقولك لا تخربي بيتك بنفسك اتركي الشغل بس حاولي شوفي ايش يبغى منك ليش كذا يعاملك حازلي تناقشيه والله يسر اموركم

اختي ندى هي تقول عايشه بمعاشها يعني مايصرف عليها او على ولدها
كيف تترك دوامها؟؟؟
والله مدري وش اقول بس لا تلومي حالك انتي مو غلطانه بشي
بس حاولي ماتقصري معاه بشي عشان مايلاقي حجه عليك
ومرده يرجع لك
ولا تضايقي حالك اكثر رجالنا كذا
الله يصبر قلبك ويفرج همك ويكتب لك كل خير يارب...


__________________________________________________ __________

يمكن زوجك زعلان دك اليوم
بس نصيحه اتركيا الدوم وخليه يهتم فيكم شوى
علشان يحس انه متزوج ويصرف عليكم


__________________________________________________ __________

الله يصبرك
ما الك الا الصبر وتفرج ان شاء الله


__________________________________________________ __________

الله يفرج همك ما ليك الا الصبر لان الازواج هيك الله يهديهم و انشاء الله يجيك و يعتدر