عنوان الموضوع : يــوم زواجــي الــعالــمي ....
مقدم من طرف منتديات نساء الجزائر

يــوم زواجــي الــعالــمي ....






السلام عليكم ورحمة الله وبركاته ..

مرحبا حبايبي ..

كل وحده فيكم اكيد تحتفل بيوم زواجها العالمي حتى انا قلت يله يابنت الحلال سوي زي الناس واحتفلي بيوم زواجك
لي متزوجه اكثر من ثمان سنوات قولو ماشاء الله .. وفي اتم السعاده والهناء
المهم شريت لي شيفون وسويته طرحه طبعا مترين المتر بثلاثه ريال وعندي تاج فضي .. وطلعت فستان زواجي وغسلته والله كان رووووعه ومازال
وسويت لي زفه من النت وجيت لي كيك وعصير من سنابل السلام ..وسويت لوحه طبعا من صحيفه ولزقت فيها كرت زواجي .. ولزقت حواليها قلوب .. وكتبت فوق الكرت بخط كبير ..
ماذا يعني لك هذا اليوم ..؟؟؟
وكتبت تحت الكرت ..
كل عام وانت بخير .. زواج سعيد ..
ولزقت بالونات ملونه على الجدران ..

وطبعا خليت زوجي يلبس ويكشخ من العصر وطلبت منه يطلع ويجي المغرب .. طبعا هو استغرب الحركه .. بس ماجا على باله انه يوم زواجنا وقلتله لازم تجي المغرب مسسويه لك مفاجئه ..
قلي اوكي
صلحت لي تسريحه بسيطه ومكياج حلوووو .. عاد انا فنانه مايحتاج ..
بسم الله علي
وجبت القنابل اللي تتفجر بالورد والاوراق .. طبعا من تتوقعون مشترك معنا في الحفله .. اكيد اطفالي احبابي .. وطبعا بنتي الكبيره ساعدي الايمن .. الله يخليها لي ..
جا زوجي بعد المغرب .. وشاف البالونات وطبعا شاف اللوحه اللي كنت ملزقتها على باب الفله لاني ماابغاه يدخل زي الاطرش في الزفه ابغاه يكون عارف .. وبالفعل عرف السالفه ..وانا كنت بغرفتي وشغلت بنتي الزفه ودخل عليه واتفاجاء الرجال .. مدري انفجع مدري وش سالفته ..
المهم جلس يضحك ورحنا الصاله على الزفه .. ويوم وصلت بدا الطق وجلسنا شوي وبعدين قمنا ورقصنا احنا وعيالنا وقطعنا الكيك وشربنا العصير .. وكانت ليله ولا احلى ليله ..
بس تصدقون .. حركتي كانت غلط انا ماندمت عليها بس ماافكر اكرررها ابدا .. اكيد عارفين ليه .. السبب ان الحركه ذي تفتح ذهن الرجال على الزواج من وحده ثانيه هو والله ماقلي شي بس والله خفت .. مو تقولون لي احنا واثقين في ازواجنا .. احنا ازواجنا يحبونا .. بقولكم حتى ولو .. الحذر الحذر ..
الرجال والله مالهم امان ..وترا مو كل رجال تزوج على زوجته معنات انه مايحبها لا بالعكس .. والخوض في هذا الموضوع مارح ينتهي انا طلعت عن محور الموضوع اللي هو حفلتي ..هاه وش رايكم فيها ..
واسفه على الاطاله ..

>>>>> ردود الأعضـــــــــــــــــــاء على الموضوع <<<<<
==================================


مآشآء آلله عليييك حلوووه آلفكر و آلآحلى منهآ آن آطفآآآلك معك
يآرب يهنيك ويسعدك مع زوجك وجعله مآيتزوج عليك ولآيشوف غيرك يآآآآآآآآآآآآآرب


__________________________________________________ __________

هههههههههههه عروسة وعريسها وعيالهم والله جمييييييييييييييييييل
وما تحطى الافكار الوحشة فى راسك ليه تفكرى انه يفكر فى زواج تانى دا الشيطان لما يلاقى ابنم ادم فرحان يهدم عليه فرحته وان شاء الله خير
مبروك يا عروسة


__________________________________________________ __________

يسعدكم ربي ويسخرلك زوووجك ويصلح عيااالك يااارب

تسلمي علي الفكره الحلوووه

تحيتي لك


__________________________________________________ __________

جدا رائع وافكار رائعه
الله يديم المحبه بينكم

ألف شكر لكِ

الله لايحرمنا منك


__________________________________________________ __________

الله يسعدك يارب ويسخرلك زوجك ويخليلك عيالك