عنوان الموضوع : عاملوني كابنت خاله لاتعاملوني كامرة اخوكم
مقدم من طرف منتديات نساء الجزائر

عاملوني كابنت خاله لاتعاملوني كامرة اخوكم






انا اول مره اكتب موضوع في المنتدى وهالموضوع كتبته لاني لفيت ودورت مالقيلت احد افضفض له الا انتم واتمنى تعطوني نصائحكم الي تبرد القلب
انا متزوجه وصار لي سنتين متزوجه ولد خالتي انا مرتاحه مع زوجي وامه وابوه الحمد الله وزجي يشتغل في الدمام مايجي الا في الاوف
بس المشكله مع حماوتي اللي ينقال اهم بنات خالتي
ثنتين متزوجين ووحده بنت مخلصه دراسه واحده من الي متزوجين والبنت يسون تصرفات والله تحرق القلب
بقولكم بعض التصرفات وانت حكمو اذا كان انا غلطانه في الي اقوله ولا لا
اوقات نجلس مع بعض ويسلفون سوالف بروحهم ماقدر اشاركهم لان موجهين السوالف لبعض
ومره صار في جمعه ولا قالو لي مادريت الا من اخوهم الصغير
وهي كانت جالسه معاي طول الوقت ولاقالت شي وقت مارحت شفت البنات والي توهم متزوجين متفقين يلبسون لبس موحد وانا الي معه في اليت ماقالت لي وقت مارحت انصدمت بقوه
وساعات اعطيه ولدي اقوله مسكيه اشوي بروح فوق واجي والله اني ماخذت5دقايق اشوفه جايبينا لي
واذا رحت معاهم المجمع تخيلو يروحون يمشون قدام بمسافات بعيده
ولاكان احد وراهم ماسكه عربيه فيه ولدي
واوقات اذا انشغلت ورحت اي مكان ولدي يبكي بكي ولايفكرون يشلونه لاني اجي انا واخذاه
واوقات يطلعون علي كلام والله حتى الا في الافلام مايسونه
وكل شي يسونه يحطون الكلام علي انا ويقولون لامهم
احس بوحده لاني انا اجلس في بيت اهل زوجي
واوقات اروح بيت اهلي بس الاكثر بيت اهل زوجي
ودي يعاملوني كاخت اوعالاقل كابنت خاله ودي يشاركوني في كل شي
على الاقل البنت الي مقاربه لسني تصير قريبه مني بس والله لوتشوفنا كان كل وحده في غرفه جالسه لحاله
ماتتكلم ولاشي واذا تكلمت وسولفت ترد بدون نفس
مع ذلك يقولون لي حاولي تتقربين منهم وحاولي وحاولي
مفروض هالشي يصير من الطريفين
مستحيل يكون من طرف واحد
لامتى بصير حياتي كذا احس اني مضغوطه ودي اني استقر مع زوجي ودي اني اخلص دراستي ودي تصير علاقتي حلوه معاهم ودي ودي
وغير كذا ساعات خالتي تبقاني اجلس 24 ساعه معاهم
اذا بس تميت فوق واهم موجودين تحت
تقولي انت كل قاعده فوق ماتجلسين معنا كل حابسه نفسك في الغرفه
حتى اذا جاء زوجي يجلسونا علشان نتغدى معاهم وانا معارض على هالشي بس اذا جاء ودي اتغدى معاه بروحنا واذا جاء زوجي مثلا وقت العصري والمغرب ودي اقعد معاه سوالف وشاي وقهوه حتى ودي البس له على كفي تنانير شورتات قصيره ملابس غير قمصان النوم
احواتي امانه عطوني ردودكم تريح القلب مش تضايق ابقاكم تقدرون مشاعري وعذروني اذا طولت عليكم

>>>>> ردود الأعضـــــــــــــــــــاء على الموضوع <<<<<
==================================


طيب حبيبتي اذا زوجك بالاووف الجاي
روحي معااه فندددق
من الحين ززززننني فوق راسه
قولي مشتااقه لك مشتااقه نبعد شوووي عن الناااس
ومن هالكلاام خليه يحس انك موو تبغين النوم معاه بسس
قوليله ودددي نكوون لوحدنااا شووي موبس بالليل

قولي انا متحمله ظروووفك وتعبت
قولي احب اهلك وماشفت منهم شي
بس محتااااااااجتلك حبيبي وصديقي ووروحي
ابي بس يومين لوحدنااا ابي اعيش معاك
ومن هالكلاام اللي اكيد من قلبكـ

وكل مايكلمك قولي اشتقت اسوي كذا والبس كذااا
وهووو بيحس


اما << على بنات خالتك <<
الله يعينك يارب
وخليك من الاشغال اللي مالها داعي
وولدددك يوم مايساعدونك عليه
اذا جاء يووم يبونه قولي بنومه او باكله
يعني موو بكيفهم يوم يبونه ياخذووونه ويوم تكوني محتاجه حدد يمسكه ماتلاقين

والله يعينك
وخلي منك الاشغال اللي مالها داعي وحاولي تشتغلي ووقت ولدك نايم

والله يجمع بينك ووزوجك على خير يااااااااارب يارب
وبعدين تعالي الدمام منها نتزاور انا وانتي هههههه

ربي يسعدكم ياااااااااااااااااارب

<<<<<<<<<<<<<<<<<<<<<<<<<<<<<<<<<
اذا مانفع معك النصااايح كلهااا


اطلبي من زوجك تسكنين ببيت لوحدك ولا تكملي دراستك عند اهلك


لكي ودددي ..
دعواتك


__________________________________________________ __________

حبيبتي الله يكون بعونك ان كنت اعاني نفس حالتك بس وقت مانقلت بيت لحالي ارتحت كثير
وكنت ازورهم كل اسبوع اخد حلا اواي شي معاي وللمناسبات اخد لهم هدايا حتى خليتهم يحبوني غصب
والحين ادا غبت عنهم يسالون ويدقون عليه وصارو يحبوني وانا والله احبهم والحمدلله
اهم شي زوجي مبسوط مني
انتي اصبري وادا ماتغيرو طنشيهم اهم شي زوجك وامه وابوه والباقي ماعليك منهم ياقلبي
وان شاء الله ربي يسعدك مع زوجك


__________________________________________________ __________

تقريبا انا اوافق قمر الزمان في الرأي ..... حاولي نقل البيت ,,,بس بدون مشاكل وبدون زعل ....
الله يصبرك,,,,مفتاح الفرج(( الصبر)) الله يعينك....


__________________________________________________ __________

حبيبتي الله يعينك شوفي
خليكي بحالك ولا تعطيهم وجه ولا تعبريهم
ولا كأنهم موجودات
وخلي شخصيتك قويه اي وحده تتصرف معك تصرف غير لايق
ردي علها ولا تخافي
مو لازم يجلسو معك
اهتمي بزوجك واحترمي خالتك بس


__________________________________________________ __________

الله يسعدك وتنتقلين لبيت بروحك وترتاحين الوحده بدون بيت مستقر احس انها ضايعه مهما كانت حمولتها طيبه بس خلي شخصيتك قويه لان الطيبه في هالزمن ماتنفع صدقيني وحاولي تبتعدين عن المشاكل وانا اعرف وحده نفس حالتك بالضبط مع ان لها شقه فوقهم بس نفس المعاناه وزوجها كان رافض النقل واصبرت والحين طلعت في بيت بروحها وعوضها ربي انتي اهم شي اكسبي رضى زوجك ياقلبي وحاولي تقنعينه ولاتقولين اهلك قالو وخواتك قالو ترى الرجال حتى لو هم حليوين ويحبونا بس عند الاهل وقفي هههههههه خليه هو يشوف بعينه والله يسخره لك ويكفيك شرهم ويسخر لنا ازواجنا يارب