عنوان الموضوع : خطيبى عاوزنى أشجعه.... حياة اسرية
مقدم من طرف منتديات نساء الجزائر

خطيبى عاوزنى أشجعه....






السلام عليكم يا اخواتى الغاليات..

ان شاء الله مش هطول عليكم بس لى عندكم سؤال وعايزة أستفيد من آرائكم الحلوة ..
وفيه هنا أخوات ما شاء الله عليهم أفكارهم بتسعف وبتدل على تفتح عقلهم ..ما شاء الله..
المهم اللى هتفيدنى بجد هدعيلها من كل قلبى..
أدخل فى الموضوع عارفة إنى زهقتكم..

أنا خطيبى جنوبى...والمفروض بيعمل دراسات عليا علشان يحسن مستواه وسقط فيها سنة قبل ما يخطبنى ..والسنة دى امتحاناته فى شهر اتنين وبيقولى انه سقط بسبب ظروفه النفسية الغير مستقرة قبل الخطوبة وان مكنش فيه حد بيشجعه من اهله على المذاكرة وانه محتاج التشجيع وبيقولى انا محملك مسؤولية كبيرة فى تغييرى لان حالى ملخبط وانك تقفى جنبى وتساعدينى وتشجعينى وتهيأيلى الجو النفسى المريح عشان انجح السنة دي ومعتمد عليكى جامد..

المهم انا قلقت انه بيحملنى المسؤولية ديه وخايفة مكنش قد المسؤولية وأخذله..
ونفسي انجح فى كدة واكون عند حسن ظنه..

فعاوزة منكم افكار اعملها معاه تخليه منبهر بأسلوبى معاه واشجعه بها..مع العلم احنا مكتوب كتابنا وهيجيب كتبه وييجى يذاكر عندى اثناء زيارته لى ..لانه اهله مش مشجعينه ودايما فى مشكلات مع اخواته وامه..
يالا عاوزة افكاركم..تفتكروا اشجعه ازاى بفن ودلع...انا واثقة انى اكيد هلاقى افكار مبدعة منكم كالعادة وهدعيلكم من قلبى..لاى عاوزة ابقى عند حسن ظنه..

واللى هترد عليا اول واحدة هدعيلها بالتلت الاخير من الليل باللى تطلبه ...وعد والله

والسلام عليكم

>>>>> ردود الأعضـــــــــــــــــــاء على الموضوع <<<<<
==================================


السلام عليكم وبعدين على فكرة سؤالك سهل جدا بصى ياستى انتى تحاولى تقراى معاه واحدة واحدة ولو فيه حاجة مش فاهمها حاولى انتى تركزى فيها وتدورى فيها على النت عشان تفهميها وتفهيماله وبعدين حكاية انه حملك المسئولية فانتى عليكى وعلى ربنا وتدعى ان ربنا يقدرك وخاصة فى السجود وصدقينى هتلاقى ربنا جنبك وبعدين حاولى ان انتى تتبعيه فى كل حاجة بيذاكرها ولو بالتليفون بعد مايمشى من عندك ويارب اكون افدتك 0
ادعولى بالذرية الصالحة وجزاكم الله كل خير


__________________________________________________ __________

المشاركة الأصلية كتبت بواسطة totopop
السلام عليكم وبعدين على فكرة سؤالك سهل جدا بصى ياستى انتى تحاولى تقراى معاه واحدة واحدة ولو فيه حاجة مش فاهمها حاولى انتى تركزى فيها وتدورى فيها على النت عشان تفهميها وتفهيماله وبعدين حكاية انه حملك المسئولية فانتى عليكى وعلى ربنا وتدعى ان ربنا يقدرك وخاصة فى السجود وصدقينى هتلاقى ربنا جنبك وبعدين حاولى ان انتى تتبعيه فى كل حاجة بيذاكرها ولو بالتليفون بعد مايمشى من عندك ويارب اكون افدتك 0
ادعولى بالذرية الصالحة وجزاكم الله كل خير


جزاكى الله كل خير


__________________________________________________ __________


__________________________________________________ __________


__________________________________________________ __________