عنوان الموضوع : يا كبره من مصيبة حياة اسرية
مقدم من طرف منتديات نساء الجزائر

يا كبره من مصيبة






مساء الخير اخواتى العزيزات

أتمنى تسمعون مشكلتي مع زوجي أبي اخذ من نصيحتكم
اناالزوجه الثانيه والاول كبيره وعندها عياله ومايقصر معهم في شي
وزوجي كبير مو صغيربس حبيته من كل قلبي ولا عمري حرمته
من حقه الشرعي والحمدله نظيفه في بيتي وفي شكلي وكشخ له
بس المصيبه تزوج علي وانا الي معه 4 سنوات وصبرت علشان بناتي
الثنتين المصيبه تغير علي في كل شي علي انا الثالثه مو حلوه مره
مو مدح فيني بس شهاده الجميع ويشتري لها كل الي تبيه واذا قالت له
وانا ليش ماتعطيني نفس ما تعطيهايزعل ويقوال يعجبك ولا روحي لا هلك
وش اسوي انا يتيمه وين اروح
ويغلط علي عندها وعند زوجته الاول وعند عياله
وشيالها في قلبي وسكت
واذا جين نطلع المكان يقوالي الكبيره قدام والصغيره ورا
صارت اخلي الاول تركب قدام ماعمري خليتها وراي
والحين الثالثه الي هي فوقي اذا جين نطلع يمرها اول وهي الي تركب قدام وانا الي ورا
؟والحين يقوالي انا بسافر خارج المملكه وبخذها معي
وانتي اسفرك جو المملكه وش ارايكم اسمع كلامه اروح معه ولا؟
علي انها اول ماخذته راحت وكملت درستها في الجامعه طبعا با فلوس دخلت نسبتها مو با الحيل زينه وهي مو صغيره اصغر مني 3 سنوات

صارت تجلس عند اهلها وقت الدرسه وتجي الاربعاء والخميس والجمعه ترجع
بس يطلعه السوق ويشتري لها الي تبيه
وانا اجلس عنده با الاشهر ولا عمره طلعني والا خالني اروح عند اخواني
علي انهم نفس المكان الي فيه اهل بيت زوجته
علموني وش اسوي اسكت على ظلمه ولا اسمع كلمه اذا ماعجبك روح عند اخوانك؟ وش رايكم اخذ بناتي وروح عند اخواني ولا اجلس في بيت يهيني فيه؟

>>>>> ردود الأعضـــــــــــــــــــاء على الموضوع <<<<<
==================================


والله مشكلتك مشكله الله يكون في عونك
انصحك ابعدي عنك فكرة الطلاق وادري ان اخوانك مراح يقصرون معاك بس الى متى
تحملي لوجه الله احتسبي الاجر
حاولي تتقربين منه من جديد جددي في نفسك وفي بيتك حسسيه انه لما يدخل عندك كنه في جنة
والله ياختي الغالية مابيك تخربين حياتك بنفسك انتي عارفه يوم تتزوجينه انه متزوج ويمكن يتزوج عليك
وهذا هو سواها ادعي له بالصلاح وان ربي يفرج همك
اتمنى اكون ساعدتك
تقبلي مروري


__________________________________________________ __________

الله يعينك
انا حاسه بمعاناتك
لان انا الزوجه الثانيه
لكن ما تزوج علي
بس انا بقول الك نصيحه من اخت لاختها
اتركي عنك الغيره
لا تغاارين ولا تبينين اله انك تغارين منها
او تقارنين نفسك فيها
ولمن تبين تطلبين منه شيء اطلبيه انك محتاجته ولا تقووولين لانك جبت لفلانه
وعطيت فلانه انا ابي
كذا غلط
اسمعيها مني
ترى الرجال ما يحب انك تقارنين بينك وبين اي حرمه حتى لو زوجته

وتثيقلي عليه

ولمن يقووول لك روحي لاخوانك قولي له بدلع
ليش انت تقدر تفارقني
اذا انت تتركني انا ما تركك وراك وراك والزمن طوووويل
قوليها بضحك ومزح
واضحكي
نرى والله الدنيا ما تسوووى من يشيل همها
اسفه طولت عليج
بس حبيت انصحج

والله يهديه ويوفقج


__________________________________________________ __________

الله يحييك ياعزوف في المنتدى
وحبيت اقولك عليك بالصبر والله يعينك على مابلاك
وحاولي تغيرين في شكلك وبيتك علشان مايمل ويرو ح للثالثه
واقري في المنتدى ترى المواضيع مررررره مفيده
والله يكون معك وماانصحك بالزعل او الطلاق لانك بتروحين عند اخوانك مو عند امك وابوك
تقبلي مروري وصداااقتي لك


__________________________________________________ __________

احمدي ربك انك عند زوج اللي غيرك يتمنون الزوج واصبري والعاقبه للصابرين و بعض الاخوان مهم اكان اذا كانو متزوجين تصير عليهم ثقيله الاخت
وبناتك يبي يتشتتن في الطلاق


__________________________________________________ __________

ماشاء الله البنات ماقصرووو معك وكلامهم صحيح

اتركي عنك الغيرة وحاولي تتقبالي حياتك

وجددي في نفسك وبيتك اذا جاء عندك حاولي ماتتكلمي معه عن اي زوجه من زوجته حاولي تتمتعي وتبسطيه معك

ودمتي بكل الخير