عنوان الموضوع : انتبهوا من محل حذاء الطفل !! -للأطفال
مقدم من طرف منتديات نساء الجزائر

انتبهوا من محل حذاء الطفل !!




من المحلات اللي لازم أمرها لما أروح سوق الأندلس بالرياض ( طبعا معروووف ) محل حذاء الطفل ( محل رقم )312 بالساحة الخارجية . مرات أشتري ومرات ما أشتري لما أحصل نفس البضاعه . أنا برأي أنه مميز .
المهم !!!!!
تعرضت للنصب ثلاث مرات من قبل الهندي الواقف على الكاشير ، وتراه من سنوات موجود . بس انتبهت لحيلته ،، لكن في الماضي أتوقع أنه لعب علي وكنت (...... )
طريقة نصبه فضيعه وهي كالتالي :
لما تجين تحاسبينه على اللي اشتريتيه يعطيك الباقي وهو يتكلم مع زميله أو يكلمك أنتي عن الجزم وغير كذا ( يسوي كذا عشان تركيزك على الفلوس يكون أقل ، أو لما تكتشفي خدعته يقول لك أه أه أه معليش ويرد الباقي لك ، ليش يرده علشان ما تسوين شوشره وينبلش أما إذا مشت عليك فهو كسبان )
أنا في المره الأولى اللي انتبهت له فيها بس ما انتبهت الا بعد ما طلعت للمحل وجيت بدخلها للمحفظة لقيتها ناقصة وكنت دفعت 500 ريال وحسابه 150 . والمره الثانيه وأنا في المحل رد لي الباقي ناقص وقلت لا حسابك غلط ؟؟ وعلطول رجع 50 بدون نقاش أو بدون ما يقول طيب اشوف اللي معك ( كان معي ولدي عمره 12 سنه ). والثالثة تكررت تكررت نفس الطريقة منه ، وقبل دخولي للمحل قلت لبناتي انتبهوا بتشوفوا الهندي كيف يخدع . اخذنا الصندل لابني الصغير وجيت احاسب ، كان العامل الثاني ع الكاشير واول ماشافني طلعت ال 500 وابحاسب عن صندل واحد 50ريال ، الهندي المكار سحب خويه وابعده عن الكاشير وحاسبني . والبنات يراقبون ورجع لي 300فئة 100 و100 فئة 50
طيب ال 50 وينها ، انا مديت يدي فاتحه الفلوس اوريه الباقي واسوي بيدي الثانية هات الباقي . هو افتشل وخاف . وطلع خمسين ، عاد انا والبنات طلعنا نتكلم قريب من المحل جنب كشك الألعاب وترددنا نبلغ عنه ، وكنا ننتظر السيارة خفنا الموضوع يطول وحنا ورانا مشوار ثاني ، هذا الهندي ظل يطالعنا من وراء زجاج المحل وهو قلقان ..
المهم لما رحنا للبيت ، قلنا اذا هو يسوي الطريقة مع كم زبون باليوم كم بيكسب ها النصاب .. من ماااال حرام ، قلت للبنات مافيه غير النت نفضحهو نقطع رزقه الحرام هالنصاب ، وينتبه راعي المحل إذا هو مسؤول عن حلاله .

>>>>> ردود الأعضـــــــــــــــــــاء على الموضوع <<<<<
==================================


وش رأيكم يا بنات تجربون لما ترحون للأندلس ؟!


__________________________________________________ __________

حسبي الله عليهم


__________________________________________________ __________

حسبي الله عليه نصاااااب


__________________________________________________ __________

مشكوره اختي على المعلومه
وحسبي الله ونعم الوكيل


__________________________________________________ __________

حسبي الله عليه انا احب اشتري لاطفالي من بيليس