عنوان الموضوع : قصة ولادتي بأميري بندر لكل بكر
مقدم من طرف منتديات نساء الجزائر

قصة ولادتي بأميري بندر لكل بكر



السلام عليكم ورحمة الله وبركاته
شخباركم صبايا
وحشتوني اووي
اليوم بحكيلكم قصة ولادتي بأميري بندر
اولا حملي كان طبيعي جدامافيه شي يخوف الحمدلله كل مره اروح فيها للمراجعه ارجع متطمنه لمااوصلت الشهر الثامن بدأت احس زي المويا خفيفه تنزل مني اذا ضحكت او عطست او حتى سادحه تنزل بكميات بسيطه لمدة ثلاث مرات تنزل مني المويا وانا اقول خيال والمره الرابعه كنت في بيتي وطالعه على عزيمه والبس البنطلون الا واحس شي نزل اشوف ف البنطلون الا هو غرقان ع خفيف وادق ع امي ع طول
يمه :المويااللي كلمتك عنها نزلت امي:ياحبيتي عادي هذي خيال حتى لو بكميه بسيطه طبيعي اذا نزلت مره ثانيه علميني
واتطمن وقتها واليوم الثاني الصباح رحت السوق وخلصت الظهر رجعناالبيت وتغدينا ونمت وصحيت المغرب والبيبي ماتحرك من الصبح واعلم زوجي وطيران ع المستشفى >طبعازوجي ماصدق يحب المستشفى اممزح دخلت المستشفى واسوي اشاعه طلع المويا ناقصه بكميه خفيفه هذا الكلام ف اخر اسبوع ف الثامن
المهم جلست ع ذي الحال لمدة اسبوعين ف التاسع وانا من مستشفى لمستشفى اللي يقول ولادتك عمليه واللي يقول البيبي نبظه يضعف واللي يخوفنا واللي يهدينا وانا وزوجي حايسين وامي بعد كل مااقول لها أييي بكت 😂تقول حاسه فيك ياقلبي عليها
المهم اخذت ثلاث اسابيع ف التاسع بالظبط
ف الاسبوع الثالث مابقيت شبر ف منطقتنا مامشيته ولاحديقه ومازرتها والبحر شبرته تخيلوا لدرجة اني كنت اصحى من النوم وزوجي فوق راسي يلا نروح نمشي والله مشيت كثير لدرجة ان بطني نززل بس كل يوم انتظر الولاده ومافيه خبر
اخرمره حاولت اقنع زوجي بالخروع واخذلي واحط ملعقتين مع عصير برتقال واشربه وامشي لمدة 3ساعات ورجعناالبيت مافيه اي بوادر ولاده ونمت اليوم الثاني صحيت من النوم احس فيه شي غريب فيني ادخل الحمام الله يكرمكم واشوف الا خيوط بيظا وخيوط دم افرازات تنزل مني ع شكل خيوط انا عرفت ان ذي سدادة الرحم وادق ع امي قالت روحي امشي وبعدها تعالي عندنا ع طول
واسمع النصيحه واصحي زوجي واعلمه وبعد ماخلصنا ع المغرب رجعت بيت اهلي وادخل ع طول الحمام الله يكرمكم الا والافرازات مستمره بشكل وامي مسكينه كل دقيقتين تسألني هاه تحسي بشيءهاه شفتي شي مسكينه والله كانت خايفه العشا جائو خالاتي يتطمنون علي وكل وحده تقول الولاده ف عيونك الساعه 1الليل كنت سادحه ف الصاله ع الكنب اتفرج مع اخواتي وفجأه حسيت بشي انفجر في بطني ونزلت مويا دافيه مره وكثيره لدجة غرقت ملابسي والكنب كلها تبللت وانا من الخووف بكيت بكل صوتي والله كل مااتذكر امووت ضحك كني بزر وتجي امي تجري وتقومني وتدخلني الحمام اتروش وهي راحت تجهز شنطة المستشفى وتسويلي حليب بالقرف تخيلوا يابنات تروشت ولبست وطلعت والمويا تنزل مني لسا امشي وهي تنزل والله تخوف
واجلس امشي ف الحوش شوي واشرب حليب واكل تمر وعسل واستغفر واخواني وخواتي يمشون معي ههه
بعد ساعتين حسيت بالم في ظهري خفيف يروح ويجي وانتظر ساعه ويرجع الالم اقوى وكل مايجيله يزيد وادق ع زوجي واعلمه مسكين ارتبك وجاني ع طول وجلس يقرى علي ويحظني ويهديني وانا ابكي
جلست حتى بعد صلاة الفجر وانا اصارع الالم بعدها خلاص مافيني ونمشي على المستشفى انا وامي وزوجي والله يابنات كان اذا جاني الالم امسك حزام الامان واسحبه لدرجة انقطع من مكانه ماصدقت ونوصل المستشفى وندخل اول ماكشفت الدكتوره قالت 1سم
ذا كله وواحد بس ياربي
جلست اتألم حتى الساعة 6وتكشف مره ثانيه قالت 2سم بس
وانتظر حتى الساعه 7وتجي تكشف قالت 4سم
الساعه 8فتح 5سم
لما وصل خمسه سانتي خلاص شقت الموت الم موطبيعي والله كأن احد في يده فاس ويظربني في ظهري الم عجيب تخيلوا ف البدايه كنت مااصارخ وبس كل مايجي الالم اقول استغفرالله ولااله الا الله بس لما وصل خمسه كنت اصرخ بصوتي كله الساعه 8ونص كشفت لقته 6سم
وانا وقتها خلاص طلعت روحي بعد الكشف قالت الدكتوره يلا معي غرفة الولاده خلاص ماينفع تجلسي بغرفتك الولاده قربت تخيلوا اول ماوقفت اغمى علي خلاص حيلي انهد من الطلق وماحسيت بنفسي الا وانا سادحه ف غرفة الولاده والتخطيط ع بطني ويرجع الالم الفظيع ياالله شيء عذاب الحمدلله
واجلس شوي تجيني امي وحماتي وخالتي يهدوني ويقرون علي وتجي الدكتوره تطلعهم وتشوف انفتح بين السته والسبعه وقتها حسيت الالم انتشر ف فخوذي واحس شي بيطلع مني واقوم اوخر التخطيط من على بطني وارميه بقوه ف الجدار واجلس اصيح واقوم ويرجع يغمى علي مره ثانيه ومااصحى الاوالدكتور يقيس تخيلوا قال باقي بين السته والسبعه واقوم بأمشي شوي اول ماوقفت اغمى علي للمره الثالثه ومااصحى الا الدكتور يسألني ياناعمه موافقه ع العمليه قلت ليش قال البيبي تعب وانتي نبظك يضعف ؟قلت له موافقه اهم شي ارتاح من ذا العذاب ويرجع يغمى علي للمره الرابعه تخيلوا جهزوني للعملية وانا فاقده وعيي صحيت وانا عند باب غرفة العمليات واهلي وزوجي يبكون وانا اطالع فيهم اقول ليش يبكون معقوله انا بأموت لاني حسيت بالموت والله وادخل غرفة العمليات وانا اصرخ واه يابنات الم مو طبيعي عذاب وجالسه اترجاهم يعطوني بنج بسرعه والدكتور يقولي طيب دقايق وجالس يقلب ف اشياء مدري وش هي واني اعطيه بكس ع صدره واقوله عطني بنج ماتفهم انت تبيني امووت ويجون ثنتين ممرضات فلبينيات ويمسكون ايدي وبعدها ماحسيت بنفسي الا وانا احاول الفتح عيوني والدكتور ع راسي يقول الحمدلله ع سلامتك قبتي ولد زي الأمر ع قولته تخيلوا من كثر ماعلقت ع كلمة مسكن قلت له طيب عطني مسكن وهو انفجر ضحك مسكن ع ايش منتي ولدتي بالسلامه وارتحتي قلت وقتها والله كنت ابغى انام او شي يلهيني لان احساس بعد العمليه كأني غمضت عيني وفتحتها احسني مومستوعبه يااربي لك الحمد والله العمليه رحمه
المهم اكمل لكم
بعد مامسح لي الدكتور شي مدري وشو ف عيوني وفتحتها تمام الا اشوف زوجي حبيبي الله لايحرمني منه وامي الغاليه وخالتي وحماتي الله يخليهم لي اللي يمسح ع راسي ويبكي واللي يحط يده ع بطني ويقرا قرءان وزوجي ماسك ايدي ويقرا علي ووجهه وارم واحمر واضح عليه البكى والله لحظه دراما ههه واقولهم جيبولي بندر ابغى اشوفه وتجيبه الممرضه وانا لسى ع كرسي العمليه وتحطه عن خشمي واشم ريحته وابوسه واقوله ف اذنه احبك ياماما وتشيله واي احساس روعه رووعه مااقدر اوصفه مدري وشو اقول بس وربي احلى شعوور ف الكون
وبعدها طلعوني من غرفة العمليات لغرفتي وامسك جوالي وافتحه الا المكالمات مالها عدد والرسايل والتبريكات وافتح الواتس اب كللله مزخرف بأسمي والحمدلله على السلامه ومدري وشو مرهحلوو لما تحسي الكل مهتم فيك ويحبك وفرحان لك وخايف عليك 😍
هذي كانت قصة ولادتي بالتفصيل واحب اقولكم يابنات شغله عن العمليه والطبيعي والله العمليه رحمه بس بعدها تجلسي اسبوع كامل زي المشلوله لازم احد يقومك يسدحك وهذا غير الاكل والشرب اربع ايام ينشف حلقك والغازات تموت بعد العمليه بس انا كنت كل شوي اطلب مسكن وارتاح الحمدلله
والطبيعي الم موت بس كلها ساعات وتولد الوحده وتنسى الالم كله وتقدر تمارس حياتها طبيعي على طول يعني لو اخذتي ابرة الظهر وولدتي ياحظك ولااسهل
وحابه اقولكم لاالمشي ولاالخروع ولاشي يجيب الولاده الطبيعيه كله من عند ربنا كفاايه بالمشي اللي مشيته وسبحان الله ماولدت طبيعي بس نزل بطني تحت تخيلوا بنت اخو زوجي حامل معي بنفس الشهر وحملنا يتشابه سبحان الله بس انا قبلها بأسبوع كانت تجيني بيتي ونطلع الحديقه انا امشي مااقعد وهي تجلس تاكل اوريو وتطالع فيه حتى اخلص لانها توحمت ع الاوريو ههه
وولدت بعدي بأسبوعين طبيعي وهي مامشت حتى كيلوا واحد
وادعولي الله يخليلي بندوري وبابته ويخلينا لبعض
محبتكم ناعمه

>>>>> ردود الأعضـــــــــــــــــــاء على الموضوع <<<<<
==================================


معقوله 18 مشاهده ولاوحده قالت الحمدلله ع السلامه


__________________________________________________ __________

ألف ألف الحمد لله ع سلامتك و سلامة بندر إن شاء الله مبروك عليك و ربي يجعله من الذرية الصالحة
أنا ما جربت الوجع بولادتي الأولى و لا أعرفه عملت عملية ببنج نصفى مثل ما تحكي ولا أسهل شوي تعذبت باليومين اللي بعد العملية بسبب البنج و الغازات و بعدين عادي
و بحملي هذا نفسي أولد طبيعي لحتى أقوم بسرعة لإبني يعني أنت ما تنصحي بالخروع كنت مفكرة أجربه


__________________________________________________ __________

والله ماادري وش اقولك بس انا جربته وماجابلي الولاده الطبيعيه يعني كله بامر ربي الله ييسر لك ويعطيك الواتده الطبيعيه السهله


__________________________________________________ __________

ما شاء الله عنك حبيبتي

الحمد لله على سلامتك وربي يخليلك بندورك يا رب

طرحك للقصة مشوق كتير وأسلوبك رائع أكتر

عقبال كل المنتظرات يا رب

يقيم ويزين بالنجوم


__________________________________________________ __________

الحمد لله ع سلامتك وسلامة بندر والله يحفظه لك ويحفظ لك زوجك ياااارب

والف الف مبروووك

ماشاء الله عليك كان عندك وجع الولادة وكانت عندك القوة للضرب ههههههه