عنوان الموضوع : استشاره جزاكم الله خير -للحوامل
مقدم من طرف منتديات نساء الجزائر

استشاره جزاكم الله خير



السلام عليكم
صباح ومساء الساعده بالقرب من الله
حبيباتي يعلم الله اني احبكم في الله

عندي مشكله متعبتني اتمنى منكم ما تطنشوني وتساعدوني
انا حامل بالشهر الثاني وبكريه
يجيني صداع قوي مرره مااقدر اتحمله ومايجيني الا بالليل لين بعد الفجر اكل فيفادول بس بعد مايسوي شئ واخاف يضرني لاني كل يوم اكله وبس ابي انسدح مااقدر اجلس اتعب علما ان اخر مره قالتلي الدكتوره عندك انخفاض بالضغط وانا مأشتهي الاكل وهذا ترى من قبل الحمل الشهيه عندي صفر وسمنة مع الحمل ومثل ماقلتلكم مااكل هل هذا طبيعي واذا فيه علاج ممكن يخفف الصداع
وهل المشي الكثير يضر الحامل لان اختي بتزوج وتبيني اساعدها باغراض الزواج والتجهيزات وبعد بنقل شقه جديده وبااثثها يضر ولا عادي ويمكن اسافر سياحه خارجيه وتحتاج اني امشي وهذي كلها بشهر عشره بعد العيد ان شاءالله ان الله عطانا عمر
ودعولي بتمام حملي وتيسير ولدتي
تكفون خواتي لا طنشوني مالي غيركم بعد الله سبحانه اعتبروها صدقه
اسفه خواتي بس مواضيعي اللي قبل ماتجاوب معي الا القليل
وكله في ميزان حسناتكم
وشاكره لكم الله لا يحرمني منكم

>>>>> ردود الأعضـــــــــــــــــــاء على الموضوع <<<<<
==================================


يسعدني اكون اول وحده ترد ,,
اول شي مبروك الحمل والله يتمملك على خير وتقومين بالسلامه على الصداع حاولي ترتاحين ويمكن يكون ضغط تفكير بس نصيحه لاتاخذين فيفادول وانتي اللي الان بالشهور الثلاثه الاولى ,,,واختك مافي احد يساعدها لانك بتعزلين لشقه وتبغين بعد تسافرين وكثر المشي مو زين لك وانتي بدري عليك امشي بس بالمعقول والله يعينك ويصبرك واي خدمه انا حاضره ادعيلي الله يرزقني الحمل بالولد الصالح المتعافي وشكرااااا ,,,,


__________________________________________________ __________

مشكوره حبيبتي
اختي عندها غيري بس انا الكبيره ومعتمدين علي وهي ما تثق الا في
والسفره اذا ممكن تضرني بكنسلها
الله يرزقك بالطفل سليم الخلق والخلقه الصالح المصلح عاجلا غير اجل ويقر عينك بشوفته


__________________________________________________ __________

مبروك الحمل والله يثبته والصداع عادي الانك بكريه وعليكي بالمره احسن من الفيفادول والسفر حاولي تكنسلينه لانك راح تتعبين
وادعيلي باذريه الصالحه


__________________________________________________ __________

هي كل و حدة وطبيعة جسمها بس لازم تسالي الدكتوره قبل اي شي
انا كان عندي صداع كل يوم والحمد لله الان وكنت اخذ بندول تقريبا كل يوم
والحمد لله والدكتوره قالت عادي
اما المشي والتنقل الدكتوره تفيدك
الله يثبت حملك ويرزقك الولد الصالح حبيبتي


__________________________________________________ __________

الله يقومك بسلامه انشالله وهذي امور عاديه في اول الحمل