عنوان الموضوع : كل وحده متزوجه وتستخدم مانع الحمل تدخل
مقدم من طرف منتديات نساء الجزائر

كل وحده متزوجه وتستخدم مانع الحمل تدخل



السلام عليكم ورحمة الله وبركاته

كيفكم حبايبي اليوم بطرح موضوع واتمنى من الكل المشاركه فيه للاستفاده وهو عن انواع المانع اللي تستخدمها كل متزوجه والعوارض اللي تحس فيها ووش النوع الثاني اذا كانت غيرتها وايش رايكم في ابر المانع هل تنصحون بها
عني انا اول شي كنت استخدم سيرزنت مانع رضاعه طبعن الدكتوره مافهمتني عليه انو يستخدم ع طول حتى ايام الدوره وان نسبه مفعوله لمنع الحمل 50بالميه وممكن يكون حمل مع استخدامه واخذته ولمن جتني الدوره وقفته وبعدين رجعت استخدمه ونسيته يوم وحملت ع طول وجبت تؤمطبعن ع طول حملت وولدي لسى عمره 4شهور عشان كذا تعبت وللحين تعبانه معاهم كلهم صغار حسبي الله عليها من دكتوره والحين استخدم الياسمين طبعن لمن وقفته جاني نزيف والحين احس باوجاع مثل المغص والصداع ونفسيتي مرررره حساسه مااتحمل كلمه قالتلي الدكتوره اغيرها بس انا رفضت لاني اعرف ان الياسمين اقوى مانع باذن الله وماعاد وثقة باي دكتوره بعد الدكتوره الفاشله الاولياتمنى التفاعل مع الموضوع للاهميه وتقبلوخالص دعواتي للي ترد ان ربي يسعد قلبها ويصلح عيالها ويخليلها زوجها

>>>>> ردود الأعضـــــــــــــــــــاء على الموضوع <<<<<
==================================


والله انا زيك حملت على بنتي وتعذبت وكنت بولد في نهاية الشهر السادس لانه كان رمضان عاد تخيلي طبخ ونفخ وطفله صغيره وحمل وصيام يعني عذاب كرهة الحمل وطارية وقلت بحط للولب بس اختي حملت على اللولب قلت ابره زوجي رفض طبعن عشان التعب مو عليه وانا استخدم حاليان حبوب جينيرا حلوه بس اتعبتني بس تخليني اعصب وبس
بالله عليك اذا اخذتي الابره ارسليلي على الخاص وقاوللي رايك


__________________________________________________ __________

كتبت في قوقل ابرة منع الحمل وطاعلي هذا
بسم الله الرحمن الرحيم


حبيت اكتب موضوع عن ابرة منع الحمل واضرارها عشان اللي تبي تاخذها تعرف عن عيوبها وبلاويها


اول شي بكتب لكم معلومات عنها...




ابر منع الحمل هي تعتبر وسيلة فعالة لمنع الحمل تساوي فعالية حبوب منع الحمل المركبة، ويستمر تأثيرها لمدة ثلاثة أشهر، ومنها انواع تستمر لستة اشهر... غير أنه لا يصح استخدامها إلا بوصفة طبية بعد فحص شامل.

وينصح باستخدام هذه الوسيلة في حالة الرغبة في منع الحمل لفترة مؤقتة ، مثلاً :

- بعد تطعيم الحصبة الألمانية .
- أو لدى النساء اللاتي لا يحسن استخدام الطرق الأخرى لمنع الحمل .
- أو للنساء اللاتي لديهن موانع لاستعمال حبوب منع الحمل المركبة ، أو أنهن تعرضن في السابق لبعض آثارها الجانبية .

وهي عبارة عنPROGESTOGEN INJECTION اى ارسال لبروجسترون على المدى الطويل ولكن بشكل بطيء وهو ينفع في حالة المراة الكثير النسيان لاخذ حبوب منع الحمل في وقتها وتعمل هذه الابرة على منع الاباضة عن طريق رفع مستويات هرمون البروجسترون

علما انها اكثر من نوع :
نوع يحتوي على البروجسترون على شكل Depot medroxyprogesterone acetateوهو يعطى عن طريق حقنة في العضل ومدة صلاحيته تصل الى 12اسبوع ..

نوع يحتوي على البروجسترون على شكل Norethisterone enanthateويعطى عن طريق العضل ومدته تصل الى 8 اسابيع ..

نوع يحتوي على البروجسترون على شكل Etonogestrel implantوهو يزرع تحت الجلد تحت التخدير ويوضع في الجزء الداخلي للذراع وتصل مدة فاعليته الى 3-5 سنوات ويعمل هذا ايضا على منع الحمل عن طريق زيادة سماكة افرازات عنق الرحم لاعاقة الحيوانات المنوية للوصول الى البويضة ..

اما عن مميزات هذا النوع من اساليب منع الحمل :
ذوفعالية عاليه جدا
يقلل فقدان الدم من الدورة .

ومن عيوبه :

- عدم عودة الخصوبة إلى المرأة بعد انتهاء مفعول الإبرة مباشرة : و الدورة قد تتوقف تماما ولكنها قد تعود بانتظام خلال 6اشهر من ازالته او وقف الحقن ..
-امكانية حدوث نزيف غير متوقع لبعض النساء او حدوث توقف تام لدورة ولكنها تعود بمجرد التوقف عن الحقن او ازالته ..
- عدم انتظام الدورة الشهرية، ونزول نقاط من الدم بين الدورتين .
- زيادة في الوزن .
- عصبية زائدة .
- صداع و غثيان ودوخة .
- يجب قياس ضغط الدم قبل كل إبرة عضلية .

علما ان الاثار الجانبية نسبية وتعتمد على استعداد كل جسم لاخر وتجربتك لها هى التى ستظهر هل تحدث لك الاثار الجانبية ام لها كلها او بعض منها ....





والحين اتكلم عن تجربتي وتجارب اللي اعرفهم والتجارب اللي لقيتها في منتديات ثانية


اول شي بقولكم تجربتي طبعا انا ماكنت اعرف اضرارها الا عقب ماخذتها على بالي بتمنع الحمل لمدة 3 شهور وخلاص وعقب احمل عادي..المهم خذيت الابرة بداية شهر 6 ومن اول ماخذتها وانا تنزل علي بقع دم لمدة كم يوم وعقب وقف لين شهر 10 نزل علي دم لمدة 10 ايام ومن يومها ولا نقطة دم لين قبل فترة رحت عند الدكتور ابي اتطمن سوا لي سونار وقالي بطانة الرحم ضعيفة والبويضة حجمها 10 وكل هاي من الابرة وعطاني كلوميد وقالي اذا البويضة كبرت يعني مفعول الابرة راح واذا ماكبرت بعطيج ابر منشطة ....

انا خذيت الابرة بـ27 ريال ..بس تعالي عقب حق علاج بلاويها بيطلع عليج اكثر من آلاف الريالات تخيلو كل اسبوع او اسبوعين اراجع الدكتور وكل مرة ياخذ مني مبلغ وقدره...آه من الابرة بس

هاي تجربتي وابتدي بتجارب الناس اللي اعرفهم


1- تجربة مرت اخوي:

خذت ابرة المانع معاي في نفس اليوم وقبل فترة راحت العيادة قالت لها الدكتورة ان البويضة مب دائرة قالت لها شلون تقول صايرة مخربطة يعني جنها ((بويضة مشوهه)) وبطانة الرحم ضعيفة طبعا ولحد الحين ماجاتها الدورة من اول يوم خذت الابرة بس بقع دم لين الحين.

2- تجربة خالتي:

خذت ابرة المانع لمدة سنتين وعقب ارتفع عندها الضغط وقالو لها انها ماراح تقدر تحمل لين عقب سنتني لان الابرة سببت لها عقم قالوا لها ضمان ماراح تحملين اقل شي سنتين عقب شهر او شهرين خالتي حملت.

3-تجربة رفيجتي:
عندها ولد وخذت الابرة مرة وحده والحين لها 4 سنين ماحملت.

4- تجربة رفيجتي 2 :
خذت ابرة المانع بداية شهر 12 ومن اول ماخذتها نزل عليها دم (نزيف) وماوقف الا لما خذت حبوب توقف النزيف وكانت تحس بنفس اعراض الوحم.

5- تجربة رفيجت رفيجتي:
تقول ان عندها 4 اولاد وخذت الابرة والحين لها 7 سنوات ماحملت.

6- تجربة رفيجت رفيجتي 2:
خذت الابرة والحين لها سنتين ماحملت.



والحين تجارب البنات اللي في هالمنتدى ومنتديات ثانية

1-اختي ما انصحك ابدا فيها لان اضرارها اكثر من نفعها وهي تسبب في تاخير الدورة على الاقل مدة سنة وتاخير الحمل وزيادة في الحرارة كل اللي استعملوها ندمو جدا جدا ..

2- تسبب هشاشه في العضام.

3-اسمعي مني وانا اختك انا استخدمتها اخذت ابرة منع الحمل الي مدتها ثلاثة شهور قلت بجرب لان فية ثلاثة شهور وفية ستة شهور وفية سنة المهم ما كنت اعرف ولا شي عنها بس قلت يالله مغامرة
المهم دقيتها في اليوسف بالخبر اول شي عادي مافية اي اثر بعد كذا انتظرت الدورة تنزل بس مافية امل شهر شهرين ثلاثة مافية امل قعدت على ذا الحال 7 شهور والله بطني صار مثل الحصاة الي يشوفني يقول حامل في السادس
بعد كذا تعب في ظهري والم في بطني حتى اني رحت مرة المستشفى الساعه 4 الفجر يحسبون عندي ولادة مبكرة
وزاد وزني 10 كيلو خلال 3 شهور بغيت انجن بعد كذا عطتني شغالتي لهومات وخرابيط نزلت لي الدورة وتعبت حيييل وندمت اشد الندم
ومن ذاك اليوم الين قبل الحمل الحمد لله ودورتي غير منتظمة وهرموناتي خطا بس ربي اراد اني احمل
وتوبة توبة توبة ان شاء الله وبحاول بعد ما اولد انزل وزني وارجع مثل قبل كلن يضرب المثل بجسمي الي عدمتة الابر.

4- الابرة الي تتكلمي عنها استعملتها جارتي صدقيني مو قادره تمشي من عظامها كانها عجوز تقول انها محتاجه عصا وحرمت تاخذها مره ثانيه واناا انصحك بعدم استعمالها لما فيها من مضره وهذي الابره كل ثلاث شهور تاخذهالاكن بطلت تاخذها بعد ماشافت عاقبتها.

5- انا لاانصح بالابرة ابدا ساقتصر لك في بعض النسوان تسبب لهن في النزيف وفي بعض النسوان تسبب لهن في العقم
ولهذا يجب ان تستعملين اي مانع الا الابرة هذه هي نصيحتي وانتي حرة.

6-ابر منع الحمل تسبب انقطاع الطمث والاستسقاء او الانتفاخ في الجسم.

7- ياربي انا اخدت الابر يوم السبت الي فات ومدتها تلات شهور وحاسه تعبانه مابقدر اشتغل بطاقه متل زمان من اقل شي بتعب.

8-نصيحه لا تجربينها انا اخذتها الله لا يعيدها ما صدقت انتهى مفعولها جننتني غير العصبيه طاح شعري بشكل فضيع وصرت هيكل عظمي وحسيت بآلام في المبايض والنوع اللي اخذته مدته 3 شهور.



وبس تعبت انشـاء لله مرة ثانية احط لكم تجارب ثانية..

واحب اقولكم ان الابرة مثل ماهي مانسبتني وماناسبت كل الناس اللي قريتوا تجاربهم يمكن نفعت ناس غيرنا..
بس الاغلبية يذمونها

وفي النهاية اتمنى من كل وحدة تبي تاخذ الابرة تفكر في اضرارها اللي اكثر من منافعها وانا ماأنصح اي وحدة وبالذات اللي عندها اقل من طفلين انها تاخذها ..هي تنفع للي عمرها فوق الثلاثين واللي ماتبي عيال..


__________________________________________________ __________

اه حبوب منع الحمل وما ادراك ما حبوب منع الحمل ما اقول غير حسبي الله على اللي صنعها واللي يروجها واللي يوصفها للخلق

انا استخدمت مرفلون عقب جبت الثالث اثناء ولادته مرة تعبت وحسيت اني بموت شفت الموت بعيني بس الحمد لله تيسرت باخر اللحظات بسبب الاهوال اللي شفتها اثناء الولادة صار فيني رعب من اني احمل مرة ثانية فقلت للدكتورة ابي حبوب منع حمل تكون قوية وحده بوحده ما ابي احمل حاليا من غير شر راحت وصفت لي مرفلون ولو ان امي حذرتني <<<<اسمعوا كلام امهاتكم
انا اخذتها من هنا ولعبة في حسبة هرموناتي من هنا

ست شهور بس استخدمتها وبعدها قطيتها باقرب زبالة وانتم الكرامة والله ياهي لعبة فيني لعب نفسيا وصحيا
1- نفسيتي صارت بطرف خشمي كثرت الهوشات بيني وبين زوجي
2- سببت لي ضيق نفس عقب اللياقة والرشاقة صرت لما اطلع درج البيت اطيح عند الباب مقدر اتنفس
3- زاد وزني بشكل مو طبيعي رغم الدايت كل شهر اثنين ثلالة كيلوا اقل شي الين صرت بطة
4- تساقط شعري وصار باهت وتعبان ومنظره يكسر الخاطر عقب النعومة والغزارة
6- اظطراب في الدورة دورتي استخفت عقب الانظباط زي الساعة صارت يا تغيب شهر وتخليني اشك بنفسي اني حامل او تجي مرتين او اذا جات تجي كنها نزيف غزيره مرة وتحرجني
7- احساس بالتعب باقل مجهود اسويه احس اني دقيت بجبل
لما رحت لامي بالاجازة وشافتي على هالحالة هزأتني وقالت هذا بسبب السم اللي تبلعينه كل يوم وفعلا قمت اخذتها من شنطتي ورميتها بالزبالة وانتو الكرامة وعليها جلست سنتين اعاني بس من اثارها وامي قالت لي لا تروحن عند دكتورات ولا شي هرموناتك بتتعدل من لحالها او بعد حملك مرة ثانية بتنضبط بس ابعدي عن الحبوب وفعلا جلست سنتين يالله ان دورتي انظبطت ولما كملت بنتي ثلاث سنين حملت بالرابع
طبعا عقب رجعت دورتي لوضعها الطبيعي بس المشكلة فضلت في الوزن على كثر ما اسوي دايت ماش يادوب يثبت مكانه بس عندي امل ان عقب الولادة تتعدل هرموناتي مثل ما قالت امي

وبس هذه تجربتي وحكايتي المريرة مع حبوب منع الحمل


__________________________________________________ __________

انا مااناسبني
اتعبني حيل


__________________________________________________ __________

السلام عليكم
اللي عندها معلومه تفيدني
انا يا اخوات ولدي له اربع شهور وهذا اول طفل لي وبعد الاربعين الى يومك هذا ماجتني دورة مع
اني رضعته طبيعي شهرين بس وبعدها صناعي وزوجي يسوي عزل
ومافيه حمل