عنوان الموضوع : تجربتي مع ابره الظهر
مقدم من طرف منتديات نساء الجزائر

تجربتي مع ابره الظهر



سلام ياحلوت حبيت اكتب لكم تجربتي الاخيره في ولادتي ببنتي قبل 7 شهور انا بطبعي تتعسر ولاداتي يجيني طلق بس ماينفتح الرحم الا 4 سانتني عاد ببنتي الاخيره نفس الحاله انفتح الرحم 3 سانتي وكان عندي طللق ذبحني لدرجه ان لوني صار ازررق خفت على بنتي رحت المستشفى وقالو لازم طلق صناعي عاد انا بديت اهز هز من الخوف لان اللي اعرفه ا الصناعي يعور قلت اتكلت على الله يوم طلعت للولاده جاتني دكتوره التخدير قالت ليش ماتاخذين ابره الظهر قلت يادكتوره يقولون مو زينه قالت مين قال لك والله مافيها شي وانها رحمه من الله بهالحريم اللي يموتون الف موته وقت الولاده ويمكن تعيش ويمكن تموت وتترك وراها كم طفل ايتام عاد خفت قلت لها طيب على مسؤليتك قالت على مسؤليتي ولو صار لك اي شي انا المحاسبه قلت اوكي وطلبتها ودفعت قيمتها وجات تسويها لي والله والله والله اني ماحسيت بها وان الم ابره المغذي اكبر من المها ! قلت لها خلاص ؟ ! قالت خلاص قلت الله يجزاك الجنه وانا انتظر الالم قالت والله مافيها ولا الم بس انتو تسمعون من هنا وهناك وتتخوفون من الشي قبل تجربوه والله بعدها جات السستر وعطتني الطلق الصناعي واختكم في الله بعد ماكنت بكل ولاده المستشفى كله يعرف اني اولد واسب والعن واهاوش ويغمى علي والله ان بيدي مجله جالسه اقرا طبعا مجله الدعوه كل شوي تدخل علي الدكتوره تسأل تحسين بشي ؟ اقول لا قالت كويس اذا حسيتي بشي بيطلع قولي لنا قلت طيب وشوي احس بماء ينزل كثييييير ناديتهم قالت السستر خلاص مدام ولاده قربت هاذي مويه الراس انفكت والرحم توسع قلت يارحمه الله والله اني مااحس بشي احس كأن عندي بول الله يكرمكم بسسسس وشوي بعد والا احس بنفسي ادف قلت دكتووووره قالت طيب طيب اكيد ولاده وكشفت علي قالت برافووووو 9 سانتي وانا اضححححك واقول مااحس شي مااحس شييييي قالت الحمدلله المهم نقلوني غرفه الولاده وانا اناظر فيهم واسولف ويسألوني وش بتسمينها المهم قالت الدكتوره مدام خلاص جا وقت الجد يالله دفيي ودفيت الا وهي تقول يالله ابكيييييي اثاريها تكلم البنت وتوريني اياها وهي تبكي وحطتها على بطني انا اناظر مو مصدققه !!!! قلت نزلت ؟ !! قسما بالله يابنات ان دمعتي وقفت بنص حلقي لاقدرت ابكي ولا اسكت انذهلت وحمدت الله على هالنعمه اللي تبطرنا عليها كثير وحلفت بالله لو سعرها 9 الاف اني لاجمع كل شهر الف تسع شهور واخذها وارتاح وربي خيطتني ونقلوني غرفتي وانا مبسووووطه وكلمت اهلي واهل زوج وانا اضحححححك قالت ام زوجي يابنتي انتي ماتعبتي ؟ شكل ولادتك كانت مريحه قلت اي والله الحمد لله ياربي لك الحمد والله يابنات مامنها مضر ولا اوجاع وليومي هاذا اتذكر ولادتها فديتها وانا وهي في اتم الصحه ربي لك الحمد نصيحتي لكل حامل اذا حسيتي بوجع خفيف يعني الابره ماتصلح اذا كان عندك الم قوي لازم يكون الم بسيط تقدرين تثبتين نفسك وقت ماتضربها لك وعادي جدا كل ماحسيتي وجع تزيد لك الدكتوره البنج اعذروني عالاطاله بس والله حبيت افيد الحوامل والمقبلات على الولاده انهم ياخذونها وللمعلوميه سويت خياط تجميل يعني شغل واجد خياط كثير كل ذا وانا اضحك واسولف مع الدكتوره تحياتي للجميع ودمتم برعايه الله واسفه عالاطاله مره ثانيه

>>>>> ردود الأعضـــــــــــــــــــاء على الموضوع <<<<<
==================================


الحمدلله على سلامتك اختي
فعلا انا مجربتها ابره الظهر بطفلي الاول والله لا الم ولا شي كنت زيك اتكلم مع الممرضه وامازجها

الف الحمدلله على هالنعمه


__________________________________________________ __________

الحمدلله على سلامتك وسلامه طفتك الحلوه

الله يجزاكي خير بصراحه كنت خايفه من الابره والحين افدتيني

وان شاء الله مثل ماصارت ولادتك سهله تصير ولادتي سهله

يعطيك العافيه يالغلا


__________________________________________________ __________

ندى الورد اشكر مرورك العطر والله يخليهم لنا ان شاءالله
هنوف 11 ان شاءالله ياقلبي تجربينها وتقومين بالسلامه ويمتعك الله بشووفه ضناك من غير تعب يارب اشكر مروركم ودمتم في رعايه الله


__________________________________________________ __________

معك حق ،،، مجربتها بولادتي ببنتي ،، وتجنن وبصراحه هاذي معجزه ،،،

الحمدلله ،،، على كل حال


__________________________________________________ __________

وانا كمان مجربتها ببنتيني الثنتين تهبل
بس انا تصعب وتعسر ولادتي لان دفعي ضعيف ولازم مع ابرة الظهر يشفطون البيبي
او يسحبونه........
والا لك الحمد الله والشكر نعمه من الله.......
بس بعض الحريم يقولون نبي ناخذ اجر
وانا اشوف فيها اجر كذا او كذا والله اعلم