عنوان الموضوع : انا يديدة وابغي مشورتكم في موضوع مهم مجابة
مقدم من طرف منتديات نساء الجزائر

انا يديدة وابغي مشورتكم في موضوع مهم



السلام عليكم ورحمة الله وبركاته ،،،

كيف حالكم اخواتي ،،،

اولاً يشرفني اسجل في منتديات نساء الجزائر ، وما سجلت إلا لاني احتاجكم نصيحتكم واخذ مشورتكم كأخوات وصديقات، في امر يهمني وايد ،،،

موضوعي يتعلق في اخو زوج اختي ، ( اخو نسيبي ) تقدملي رسمي عند اهلي واهلي شاوروني في الموضوع وعطوني سلبياته وايجابياته ، وانا الحين محتارة في الامر وصليت الاستخارة اكثر من 10 مرات احس نفسي مرتاحه ونفس الوقت خايفة ،،
طبعا انا عمري 24 سنة ، والي تقدملي مطلق وسبب طلاقه خيانة من زوجته الاولى ، كانت تخونه وكشفها بالرغم انه هو ما قصر معاها وكان يدلعها ويعطيها فلوس سيارة هدايا ورحلات وسفر كل شي وفالاخير جازته بالخيانه ، وبعد طلاقه ب9 شهور قرر يتقدملي طبعا اختي وزوجها مدحوني وايد عنده ،

اخواتي شو بتتوقعون معاملته بتكون معاي ؟ هل راح يعاملني نفس زوجته الاولى يدلعني ويطلعني ويونسني ، او راح يكون حازم وجاد معاي وتساوره شكوك علي خصوصا انه انهدم ثقته فاتوقع صعب يمكن يثق فيني !!! ،،،

الشي الثاني هل تنصحوني بهذا الزواج خصوصا اني بسكن مع اختي في بيت واحد ، ونحن صح متفاهمين وهي تعرف كل صغيرة وكبيرة في حياتي وهي من نوع اللي لسانه يزل بسرعه !! وانا خايفه تصيرلي مشاكل بسبب هالشي !!

اخواتي وايد محتاجة نصيحتكم ،،،

وفي شي ثالث قبل لا يتقدملي هذا الشخص كان يدور له عروسة وانا اقترحت لاختي أنه يتقدم لصديقتي وتوأم روحي ، وكلمتها في الموضوع وهي شاورت اهلها وقالولها خله يتقدم بس الصدمة انه رفض وكان يبغيني انا ، والحين ماعرف كيف افاتح الموضوع لصديقتي احس انها بتزعل وااايد


احس وايد تعقيدات صارت في هالموضوع شو رايكم خواتي هل اتوكل او شو اسوي محتارة وايد فالموضوع وماعندي حد اشاوره سامحوووووني لو طولت عليكم

>>>>> ردود الأعضـــــــــــــــــــاء على الموضوع <<<<<
==================================


السلام عليكم ورحمة الله وبركاته
نورتي حبيبتي نتمنى لكي قضاء وقت ممتع ومفيد
معانا في منتدى سيدتي
حبيبتي مادام قرر يتقدم لك انتي بذات هذا يعني أنه شاريج
وبالنسبة لصديقتج تقدرين تقولين له أنه هو تقدم لج
واكيد راح تفهم موقفج دام كل شئ قسمة ونصيب
وبالنسبة لاستخارة استخيري مرة و2 و3
وانا حسب توقعي هو اكيد راح يدلعك ويونسك
خصوصا انتي عازبة بس اكيد مل راح يقدر ينسى خيانة زوجته
وراح يكون شديد معاج بعض مرات
لأنه الخيانة الزوجية شئ صعب له كرجل
وهذا ما يمنعه من أن يتعامل معاج بحنيه لا بلعكس
راح يكون متفهم معاج لكن اكيد اخذ درس من خيانة زوجته الأولى
اما بالنسبة لإقامة مع اختك
ما أنصحك ابدا من حقك يكون لك بيت مستقل دام انتي بكر
وخصوصا راح تتزوجين واحد متزوج من قبل ومطلق
البيت أبسط حقوقك وخاصة تقولين انه اختك تزل لسانها
واستخيري أولا وآخر والله يكتب لج الي فيه خير
وبتوفيق


__________________________________________________ __________

السلام عليكم
كيفك اختي
نورتي بتسجيلك
امم انتي تقدرين تكسبين ثقته
اقبلي واتوكلي ع الله
وان شاءالله يدلعك اتوقع في البدايه بيكون حازم شوي
لكن انتي اكسبي ثقته بنفسك
وبالتوفيق لك < مااقدر اكثر كلام اخاف اقول شيء غلط >


__________________________________________________ __________

دام من صوب اختك فأكيد هي الأدرى بسلوكياته
و لكن مهما كان في اشاياء تبان مع العشره و محد
راح يكتشفها غيرك طالما بتكوني زوجته لو ربك كتب
وشي طيب بتكونوا خوات بنفس البيت..
بس اكيد راح تكون فترة خطوبه و طلبي تواصل بينكم
هذا حقك و حقه طبعا عشان تتعرفوا ع بعض..

ما ريد اخوفك: بس تأكدي ان ما انزرع فيه الشك بداخله
من بعد تجربه زوجيه فاشله، لان الاغلب لا إرادي يتولد
معاهم الشك.. بس انصحك بالاحتواء ساعتها (كوني ملاكه)..

بخصوص صديقتك: فعلا موقف محرج جدا خاصه انها فاتحت
أهلها بالموضوع و بإنتظاره ، لكن اتمنى تتفهم وضعك و ان الشي
تم بخارج عن إرادتك و اطلبي منها العذر بكونها صديقتك و توأمك..

بالنهايه اتمنى لك حياه سعيده ... و أهلا بيك وسط خواتك

نووورتي



__________________________________________________ __________

المشاركة الأصلية كتبت بواسطة فراولة دبي
بالرغم انه هو ما قصر معاها وكان يدلعها ويعطيها فلوس سيارة هدايا ورحلات وسفر كل شي وفالاخير جازته بالخيانه

انتي متاكده انه ماقصر معها؟ عشتي معهم ؟ شفتي حياتهم؟ عرفتي اسباب خيانتها.؟! والاهم من ذا كله متاكده انها خانته ؟ شفتي بعيونك .؟! انتي بس تتكلمين بكلام انتقل بين السنة الناس لكن يمكن مايكون له صحة من الحقيقة! فـ عشآن كذآ لاتتكلمين فيهآ لانك بتآخذين ذنبهآ ولاتقولين جازته بآلخيانة وكان مدلعها وكان طيب معهاا انتي ماتعرفين وش عاشت هي والا ليه سوت كذآ ثاني شيء صديقتك لو انها تحببكك صدق وتعزكك مآبتزعل ولابتبيعك عشآن رجال بالاخير آلزوااج قسمةة ونصيب ثآني شيء آنك تعيشين مع آختكك ذآ شيء مرآآ حلوو اتمنى اني اعيش مع اختي وانا متزوجة كذآ مابتحسين بآلغربة ولا بتحسين بفرآق اهلك ولابتحسسين آن حياتك تغييرت بتكون آختك معك بكل شيء وتطلعون مع بعض وتنبسطون بس لاتقولين لهاا عن الاشياء الخاصة بينك وبين زوجك مهما ماكانت قريبة منك فيه خصوصية لكل شخص اما معاملة زوجك لك تعتمد عليك بـ امكانك تثبتين له آنك مو مثل زوجته الاولى وتثبتين له آنك الانسانة اللي تنآسبه وتعاملينه معاملة حلوه وطيبة وتخلينه يثق بخوفك من الله مثلا صلي قداامهه داييماا وحسسيه انك انسانة فيك خير بس طبعاا مو بس تسوين كذا عشان زوجك يحسبك كويسة سوي كذآ بنية خالصة لرب العالمين اما اذا حسيتي بالراحة من الاستخاره ف ان شاء الله انه خير الخوف طبيعي جداا اي بنت بتخاف لان الزوااج شيء مصيري لاتشيلين همم شيء استخيري اكثثر وطولي فتره الخطوبة وتعرفي عليه اكثر وقتها حددي مصيرك معهه

ولو انه متاخر ولكن اهلالا فييك بيناا ولو صار معك اي شيء آكتبيلناا وبنكون مثل الاخوات ب اذن الله


__________________________________________________ __________

اهلين اختي..
انا بعد تقريبا مثلك بموضوع صديقتي اخترتها له وكذا بس سبحان الله هو اختارني انا وهي تفهمت....
ماكان تصيبها بس كان نصيبي ... ماتعرفين وش ربي مرتب لك
اما بموضوع كان متزوج ومطلق وخيانه.... انتي ما تدرين اش صار بينهم بس لو وافقتي عليهم لازم تنسي ماضيه ولا تذكريه فيه.. صح ممكن يكون حذر معك بسبب الي صار معاه بس انتي خليه يحبك ويثق فيكي بطريقتك..
كلميه في الخطوبه من باب التعارف ولما تحسي نفسك في التعارف وصلتي مرحله حلوه قوليله انا سمعت بالي صار بزواجك الاولاني الله يسامحها انت ما تستاهل وتذكر انها ماكانت نصيبك وانشالله تلقى ابسعاده معي
اما البيت اذا مايقدر يجيبلك بيت او انتي ما عندك مانع انا ما اشوفه سبب رفض بس خلي حياتك خصوصيه لا تعلي اختك اي شي. .
ولا تخلي حياة اختك ومشاكلها تاثر عليكم لانكم كلكم ماخذين اخوان!
وبالتوفيق