عنوان الموضوع : قصتي في الحياه . -تم الرد
مقدم من طرف منتديات نساء الجزائر

قصتي في الحياه .



السلام عليكم ورحمة الله وبركاته

شخباركم بنات ؟

من زمان ناويه أكتب قصة حياتي تقريبا
بس كل مره اخلي آجل الموضوع!.

بشوف إذآ فيه أحد بيقراا قصتي ,

>>>>> ردود الأعضـــــــــــــــــــاء على الموضوع <<<<<
==================================


اكتبي قصتك..نسمعك عزيزتي♥


__________________________________________________ __________

تفضلي حبيبتي


__________________________________________________ __________

انا وحيدة امي واابوي

امي جابت 5 اطفال بس كلما تولدهم يموتون .
عشنا انا وامي وابوي اول شي مع جدتي الله يرحمها وعماتي وعمامي
وكآنت امي ما تتجاوز ال19 سنه ,
وكآنت تصير مشآآآآآآآآآآآآآآآآآآآآآآآآآآآآآكل كثير بين عمتي وامي -والحين الحمدلله خلاص مافيه شي-
بعدين عشنا بيت بروحنا كان عمري ما يتجاوز ال4او5 سنين
آبوي يشرب . عشنا انا وامي آسوأ ايام ماضنتي فيه بنت بعمري تشوف
اهلها جذي
كانوا كلما تصير هواشه امي تسحبني من ايدي وابوي من اييييدي الثانيه
كان ابوي يشرب باليل ويرجع متأخر ولما نقوم ولا كأنه مسوي شي
يا اما سافرنا وتركنا البيت بس ابوي يرجع يتأسف ويوعد امي انه ما يشرب
لكن لا حياة لمن تنادي وابوي عباله اني ما اعرف
كانت امي تروح الحمام ولا اي مكان تشوف خمر جدامها تصصصصصصصصارخ
وتصب الخمر قدامه تقول شوه هذا؟؟؟وتصصارخ وانا ميته خوف

كنت اعيش بحاله رعب -بس والله ما ابين لاحد -

بعدين انتقلنا بيت يدتي -كانوا عماتي وعمامي مسافرين ما بقى لنا الا عمي واحد-

وهو يحبننننننننننني واييييد

فيه مره كان راح يصلي وانا قاعده على قناة سبيستون فالصاله -اتذكر والله-
قامت امي يمكن غلطت عليه او على اهله-بشي بسيط-
قام رفسها على ويها لين طااااااح الدم منها و ورمت عيونهااا
وانا اصيح اشوف امي تنزف دم من خشمها وعيونها متورمه !!
قامت امي شالت اغراضنا و رجع عمي من الصاله تفاجأ لما شاف المنظظر
ورحنا بيت بنت عمة امي .

ورحنا مره ثانيه لبيت جدتي نجيب اغراضنا الباقيه مسكني ابوي وانا ميته من الخوف
يقول ما تبيني؟ ما تحبيني؟ وانا خايفه ورحنا بعدين

المهم ومرت الايام ابوي تأسف لامي ورجعنا ورحنا لبيت جديد
وقعدنا فيه 6 سنين من انا صف 1 لين 6

وقعدنا كآن آبوي دايما يسكر باليل ويرجع على الساعه 2 او3
وكنت وقتها صف اول كنت رآجعه من المدرسه
رجع ابوي كان سكران وقام يمشي بمشيه غريبه وانا مستغربه
ودخلنا انا وامي الغرفه وقام يدق الباب بققققققققققققققققققققوة
وانا قلبي يدق يدق شوي ويوقف وارجججف ارججف
شفيه ابوي؟ ليش جذي؟ابوي مينون.؟

قال فتحي الباب .قالت امي بنتك خايفه مابفتح بس روح يلا روح
قال بس بعطيج فلوس . قام عطاها فلوسس كثثثثثثثار
بعدين قال خليها تتغدى معاي قالت امي لالا بس روح

المهم اليوم الثاني سافرنا لبيت جدتي -ام امي -





........يتبع


__________________________________________________ __________

حبيبتي اذا ما ودك تقرين قصتي لاتقرينها .
انا قصدي اني راح اكتبها اذا شفت احد منكم بيتابعني وانا ما جبرتج آسفه


__________________________________________________ __________

اكملي عزيزتي