انصحوني يا بنات

[aksachli]

عنوان الموضوع : انصحوني يا بنات
مقدم من طرف منتديات نساء الجزائر

انصحوني يا بنات



السلام عليكم و رحمة الله و بركاته

صديقاتي انا مشكلتي اني ما بعرف اجاوب الناس
يعني بصير الموقف قدامي و بس يخلص بقول بنفسي يا ريت لو قلت كذا و رديت بكذا

احيانا بكون في مشكلة مع حدا و بسكت او بجاوب بشيء قليل و بحس دائما انو حقي يضيع

هلأ مثلا في وحدة حاشاكم فاجرة كتير و لسانها طويل معي في نفس الشركة و قاعدة عمتسمعني حكي بشكل غير مباشر
طبعا انا ما بحاكيها صرلي فترة لأنها غلطت معي بالحكي و انا من عندي تجنبتها..
واليوم صارت مشكلة مع شاب سوري في الشركة و من وقتها و هي قاعدة تحكي ع السوريين و تجي لقدام مكتبي و تحكي و انا رح انفجر منها و زميلتي عمتقلي خليكي احسن منها
وانا حاطة في بالي اروح اشتكيها للمدير
لأن لسانها طويل و ما بدي اعلق معاها

و بنفس الوقت حابة ألقنها درس كويس لأن الأمور زادت عن حدها
انتو لو مكاني بشو تنصحوني ؟؟

وحدة فاجرة كيف لازم ارد عليها و افهمها اني ماني ملطشة لإلها و حربتي مش قصيرة

اتمنى تردوا علي ..

>>>>> ردود الأعضـــــــــــــــــــاء على الموضوع <<<<<
==================================

هذا لانك كتير طيبة حبيبتي
لا تجاوبيها خليكي احسن منها هي وحدة ما تستحي وفاجرة فلازم تكوني احسن منها
فيكي تشتكي عليها للمدير وهو يتصرف احسن ما تعلقي معها يمكن رح تعمل لك مشاكل تخلي الكل ينظر لك بطريقة مش جميلة لهيك خلي المدير يتصرف احسن
وهيك تكوني قهرتيها بدون ما تنطقي بكلمة وتنزلي لمستواها النجس
الله يستر عليكي منها ويبعدها عن طريقك
يا اختي كل ما تكوني تريدي تروحي للشغل اقراي آية الكرسي والمعوذتين لتحميكي منها وفوضي امرك لله وادعي الله انه يعميها عنك
ما تزعلي هي عندها لسانها طويل
وانت عندك الله تتوكلي عليه ورح تشوفي كيف رح يقهرها الله
بالتوفيق حبيبتي وانا رح ادعي الله يبعدها عنك هي وامثالها
الله يسترك دنيا وآخرة

__________________________________________________ __________

المشاركة الأصلية كتبت بواسطة نبيلة النبيلة هذا لانك كتير طيبة حبيبتي لا تجاوبيها خليكي احسن منها هي وحدة ما تستحي وفاجرة فلازم تكوني احسن منها فيكي تشتكي عليها للمدير وهو يتصرف احسن ما تعلقي معها يمكن رح تعمل لك مشاكل تخلي الكل ينظر لك بطريقة مش جميلة لهيك خلي المدير يتصرف احسن وهيك تكوني قهرتيها بدون ما تنطقي بكلمة وتنزلي لمستواها النجس الله يستر عليكي منها ويبعدها عن طريقك يا اختي كل ما تكوني تريدي تروحي للشغل اقراي آية الكرسي والمعوذتين لتحميكي منها وفوضي امرك لله وادعي الله انه يعميها عنك ما تزعلي هي عندها لسانها طويل وانت عندك الله تتوكلي عليه ورح تشوفي كيف رح يقهرها الله بالتوفيق حبيبتي وانا رح ادعي الله يبعدها عنك هي وامثالها الله يسترك دنيا وآخرة

آااااااه يا نبيلة كلامك ريحني كتير
الله يجزيكي الخير يا أختي
بتعرفي كنت بكره نفسي لأنني ضعيفة و بحس حالي ما بقدر رد ع حدا

بس كلامك خلاني اثق بنفسي اكتر

الله يجزيكي كل خير و يفرج همك متل ما خففتي عني

__________________________________________________ __________

المشاركة الأصلية كتبت بواسطة سوريا يا حبيبتي آااااااه يا نبيلة كلامك ريحني كتير الله يجزيكي الخير يا أختي بتعرفي كنت بكره نفسي لأنني ضعيفة و بحس حالي ما بقدر رد ع حدا بس كلامك خلاني اثق بنفسي اكتر الله يجزيكي كل خير و يفرج همك متل ما خففتي عني

حبيبتي لهيك نحن اخوات في الله ويشهد علي الله اني معتبرتك مثل اختي
الله يسعدك يا رب

__________________________________________________ __________

انا كمان عندي نفس مشكلتكــ

بس اوقات ربنا بيوفقني وبرد

واوقات بسكت ومش بعرف انطق بكلمة

وبعد الموقف مايعدي اقول دا انا كان لازم اقول كذا وكذا واعمل كذا وكذا


يلا ربنا يوفقك واحسن لك تتجنبيها طالما هي مش محترمة كدا وخليكي انتي الافضل وحافظي علي مظهرك وسمعتك في الشركة

واكيد الكل شايف وعارف انها مش اخلاق خالص وانتي الاحسن


ربنا يوفقك ويبعدها هي وشرها عنك ياحبيبتي

__________________________________________________ __________

مممممممم يمكن حلي غريب، لكن يمكنلك ترتبي جواب بالبيت على كل شي تقوله
انا مثلك سورية و لو حدا حكا على سوريا و ناسها اقوم اعطيه كف دون تردد
بعرف ان الصح هو انك تتماسكي و ما تقولي شي بشع، طبعا ما اقلك سبيها اعوذ بالله
بس بالعقل ردي عليها بنبرة هادية
او اشتكي عليها
الله يكون بعونك