عنوان الموضوع : هل ظلمت زوجة اخي؟
مقدم من طرف منتديات نساء الجزائر

هل ظلمت زوجة اخي؟



السلام عليكم
حبيت اطرح موضوعي
زوجة اخي الله يهديها كانت عم تذوق المرار بشتى الطرق والافعال لأمي
وهي ساكتة ما تحكي لاخي اي شيء
وبعد ما تكلمت مع امي وصارت تبكي وهي تحكي لي شو عم تعمل زوجة اخي عصبت منها
وكلمت اخي وحكيت له شو عم تعمل زوجته بامي وقلت له ما رح اسكت على الي عم تعملو زوجتك بامي
اخي عصب وراح لعند امي وطلب منها تحكي له شو عم تعمل فيها زوجته
وبعد ما حكت له راح عند زوجته وصرخ بوجهها بس هي صارت تتهم امي انها هي التي تملأ
راس اخي ضدها والحقيقة هي انا يالي بلشت لما حكيت لاخي
وهي صارت تصرخ بوجه اخي وشوي كانت رح ضربتو
بس هو صفعها وحملت حالها وراحت لبيت اهلها وهي تبكي وتتوعد ما رح ترجع للبيت
وقال لها اخي اذا خرجتي ما رح ترجعي ابدا
بس هي طنشت وراحت لبيت اهلها
انا الآن عم حس بالذنب ملي حصل وآكلة همهم
حاسة اني خربت بيت اخي بيدي
بس والله ما قدرت اسمع من امي وهي عم تبكي وتحكي لي شو عم تعمل فيها
يا ريت اخواتي قولو لي هل انا غلطانة لما حكيت له لان امي من المستحيل انها تحكي له اي شيء
ارجوكن صارحنني هل انا غلطانة في حق زوجة اخي؟

>>>>> ردود الأعضـــــــــــــــــــاء على الموضوع <<<<<
==================================


وعليكم السلام ورحمة الله وبركاته
اي وحدة مكانك مابترضى تشوف دموع أمها وإنها تنهان وهي مكتفة يديها وإن كانت زوجة أخيك غلطت بحق أمك ﻻزم تلقى أحد يأدبهاويوقفها عند حدها لكن تمنيت لو واجهتيها انت ممكن يكون أفضل عموما الله يصلح اﻷحوال


__________________________________________________ __________

لااااااااا مو غلطانه ربي يمهل ولا يهمل والله يجعلها خيره لكم والله يهديهاااااا وترجع لبيت زوجها وتاااااخذ عبره


__________________________________________________ __________

لا لا لا يا روحي انتي مانك غلطانة

انا لو كنت مكانك كنت اعمل نفس شئ لأن ام غالي ومو لا زم نستهين فيها

موفقة


__________________________________________________ __________

الله يفرج همك


__________________________________________________ __________

كان انتي كلمتيها......
لو انا مكانك كان انا كلمتها ونصحتها ومااكبر المشكله
الله يرجعهم لبعض ان شاء الله
بس مهما صار الام تبقى غاليه