عنوان الموضوع : استشارة من اخواتى فى الله
مقدم من طرف منتديات نساء الجزائر

استشارة من اخواتى فى الله



السلام عليكم ورحمة الله وبركاته
ازيكم حبيباتى فى الله
حصل معايا موقف وعاوزة استشيركم فيه عندى فى المعهد أستاذ هو بيعطينى فى الفصل أدب ونصوص فاحنا عندنا فى اولى ثانوى قصيدة فى الغزل لأبو صخر الهذلى يصف حبيبته ليلى العامرية الأستاذ أول ما دخل كتب فى أعلى السبورة (( ملحوظة مهمة للعلم لا للعمل)) يعنى مفيش حد يجرب وبعدين بدأ يشرح ففى بيت فى القصيدة بيقول :
تكاد يدى تندى إذا ما لمستها وينبت فى أطرافها الورق الخضر
فالأستاذ شرحه بطريقة مش حلوة وعذرا هقول اللفظ (( البنت أول ما ايديها تتلمس)) بالله عليكم مين اللى هيلمس ايديها ويحصل ليها كده غير حبيبها عذرا فى القول وأنا واتنين من أصحابى قعدنا نتكلم مع بعض عشان مش عاوزين نسمع الكلام ومش اتنين هما اللى هيعترضوا والفصل كله راضى وكمان عاجبهم الموضوع ومبسوطين فالأستاذ بص ليا وقالى يعنى انتى معترضة على الحصة ولا على الأستاذ فسكت هقوله ايه يعنى وبعدين صحبتى كانت بتكلمينى وأنا بسمعها فقالى أنا وهى اطلعوا بره فطلعت عادى خالص وكنت فرحانة اللى أنا خلصت من الحصة والأستاذ كان واخد الموضوع ضحك وعادى وبعد الحصة قال لبنات الفصل أنا مش داخل الفصل تانى إلا لما تنزلوا أسماء البنتين لمدير المعهد فأنا وصحبتى نزلنا بنفسنا وأنا اشتكيت للمدير وقولت له على كل اللى حصل وهو كان مستنكر فعل الأستاذ جداااا فالأستاذ ده كان عندنا فى الحصة الأخيرة فجاء زعلان ويقول: بنات قالت عليا اللى أنا بقول كلام إباحى وخارج عن حدود الأدب وأنا طبعا مقولتش كده بالظبط فصحبتى قامت فى الفصل وكلمته فقال لازم البنات دول يعتذروا ليا ومشى وهو زعلان فأنا ناديت عليه ورحت كلمته واعتذرت له على اللى أنا كنت بتكلم فى الحصة واللى أنا روحت كلمت المدير ومتكلمتش معاه الأول مع العلم اللى هو مسبش فرصة اللى أنا أكلمه بس ضغطت على نفسى وقلت اعتذر له من باب اللى هو مدرسى وأكبر منى فى السن وقولت له على الكلمة اللى هو قالها وأنا معترضة عليها قعد يقول ده نص كتاب المدرسة وأنا هقولكم نص الكتاب وانتو احكموا (( يقول الشاعر إن يده تكاد تبتل بالماء إذا ما لمستها للينها ونضارتها بل يكاد الورق الأخضر ينبت فى أطراف يديه )) بالله عليكم ده فى كلام عيب ولا كلام الأستاذ هو اللى فيه عيب وبعدين قالى أنا مش داخل الفصل إلا لما اعتذر له أمام الفصل زى ما اهنت كرامته فأنا استشرت أستاذ أنا بثق فى كلامه ورأيه فقال لى متعتذريش له لأن انتى مش غلطانة وانتى على حق وسيبه يعمل اللى هو عاوزه وأنا مقدرش أصلا اعتذر له أمام الفصل بس المشكلة البنات بيلمونى ويقولو ليا طيب انتى بتأخدى درس فى غيرك مبيأخدش لأن الأستاذ ده أحسن واحد فى المعهد فى الشرح
فأنا مش عارفة هل موقفى اللى أنا عملته صح؟؟؟؟؟؟؟؟؟؟؟
وهل أنا غلطانة عشان اعتذر له أمام الفصل؟؟؟؟؟؟؟؟؟؟؟؟؟
عذرااااااا طولت عليكم بس عشان اقولكم المشكلة كاملة وانتو تحكموا
أنا منتظرة تعليقاتكم ومشورتكم

>>>>> ردود الأعضـــــــــــــــــــاء على الموضوع <<<<<
==================================


اول شي اسلوبك كان غلط وتصرفك كان غلط
مو انك تعالجي الموقف انو تروحي تحكي مع صاحبتك بنص الدرس !!
وين احترام المعلم واحترام الطلاب
وبعدين استاذك كتب انو هاد للعلم مو للعمل
وهوه مو ذنبو ابدا انو يكون المنهاج هيك
الغلط من الي حطو المناهج والي بحطو قصائد للغزل والحب في كتب الطلاب
ممكن يكون الشرح هيك والاستاذ ما يكون قصدو شي
بس انتي عالجتي الغلط بغلط اكبر باسلوب ابدا مش لائق
واي استاذ ممكن ينزعج من هالاسلوب
احنا ايام المدارس كنا ناخد هيك قصائد بس كنا عادي
ندرس هالقصيده لانها داخله بلامتحان والسلام
انا ما بشجع الشرح لهاي القصائد فلا تفكري هيك انو انا بشجع هالشي
لا انا بحكي عن اسلوبك كيف كان
كان بامكانك تحكي للاستاذ ممكن اخرج بره المحاضره وتطلعي وخلص !!!
انا برأئي انك تعتذري للدكتور لانو بضل معلم بعلم العلم
وممكن انتي تكوني فهمتي طريقة الشرح غلط


__________________________________________________ __________

لا إله إلا الله محمد رسول الله



حسبى الله و نعم الوكيل فى اللى وضع هذا المنهج
بدل ما يعلموا الطلبة و الطالبات يحبوا ربنا و يعملوا على طاعته لنيل رضاه ثم الجنة
نراهم يخربون العقول






__________________________________________________ __________


__________________________________________________ __________


__________________________________________________ __________