عنوان الموضوع : بناااات تكفون الكل يدخل ويرد علي ابي مساعدتكم لوسمحتووا
مقدم من طرف منتديات نساء الجزائر

بناااات تكفون الكل يدخل ويرد علي ابي مساعدتكم لوسمحتووا



بنات حبيباتي رفيجتي عندها مشكله وودي انكم تحلونها
صديقتي عمرها 19 سنه
السالفه ومافيها انها تكلم واحد وادري راح تقولون لي حرام انها تكلم صبي بس شسوي نصحتها واهيا الحين تعلقت فيه وحبته حب مو طبيعي
وتقولي انه يحبها وناوي يتزوجها بس المشكله اهيه ماتقدر ماتسمع صوته كل يوم
اعطيكم مثال يعني اذا دقت عليه ولقته مايرد عليها او اذا دزتله مسج ومارد
عليها تحط في بالها مليون شي مثلا تحسب انه صار في شي وتقعد اتحاتي
والصبي تقولي صارله جم يوم واهوه متغير عليها تقول لما يكلمني
كأنه ماله خلقي ويعطيني اسلوب مو حلو واهيه تقوله شفيك يقولها ماكو شي ولما تسكر التليفون منه تقعد تبجي بجي وتتضايق وتعصب على البيت كله احس انها ذلت نفسها وايد انا قلتلها لا تكلمينه اتركيه قالت لاا والله اموت ماقدر اهده او يوم واحد ماسأل عنه واسمع صوته والله انا ماني عارفه شسوي
لا وكله ادزله مسجات انا احبك واموت فيك ومراح اهدك انا صرت مينونه فيك والله احس ذلت نفسها

قولولي حبايبي شتسوي شلون تتصرف

انتظر ردووودكم

>>>>> ردود الأعضـــــــــــــــــــاء على الموضوع <<<<<
==================================


عزيزتي الله يهدي صديقتك بس الرجل لا يحب المرأة يلي تركض وراءه يمكن هو يطنشها عشان تحترق وتركض وراءه وتتولع فيه اكثر لازم يكون عندها عزه نفس وكبرياء واذا هو يبغاها يجيها من الباب وبس انصحيها لا تخلي نفسها العوبه بيد هذا الشاب وتتاخذ موقف صارم معه ولا تسمح لنفسها تكون مجرد لعبه يلعب فيها كم يوم ويروح لغيرها وتكون قويه وتحيااااااتي لك


__________________________________________________ __________

حبيبتي اللي صديقتك تسوي غلط لويبيها يجيها من الباب خل تتركه كم يوم واذا صدق يبيها يبين بس لاتركض وراه مايصير خل تتحمل يوم بعدين تعود بس والله مو من صالحها اللي تسوي ابدا ابدا


__________________________________________________ __________

اللهم اهدي بنات المسلمين يا رب العالمين لازم تكون اقوي من هيك ما بصير تركض ورى وين عزة نفسها واذا صادق تقولو تعال اخطبني فوررررررررررررررررررررررا


__________________________________________________ __________

السلام عليكم ورحمة الله وبركاته

ان كل دعوى للحب لا تؤيد بالاقدام الجاد والسريع على الخطبة ثم الزواج هي دعوة كاذبة.
وان كل الشباب اذا فكروا في الزواج لا يختارون التي يغازلونها وتلين لهم وتضحك معهم وتكلمهم ابدا ابدا
فالشباب هدفهم من تلك الفتاة التي يحادثونها في الهاتف عن الحب والاخلاص
هو ابعد ما يكون عن الحب والاخلاص.

فالشاب لا يستطيــع ان يــثق بفــتاة تحدثت مــعه عبر الهاتف عدة مرات بدون علم اهلها ، ومهما وعدها
واسمعها من معسول الكلام فلن يوفي بوعده .

فهولا يستطيع ان يتزوج من فتاه منحته اي شيء، فهو يريدها عذراء العواطف .
ليس لديه استعداد للزواج من فتاة كان يعاكسها لانه على يقــين تام بانها كما استجابت له فقد سبق ان استجابت لغيره وستستجيب لاخر . فضلا عن انه يحتقر كل فتاة تسمح لنفسها بالمعاكسه.

فهو يكلمها في الهاتف ليحقق غرضه ولكنه في داخله ينظر لها بكل احتقار.



نصيحه : لكل فتاة (جوهرة) ان تحافظ على نفسها لتتفآدى السقوط في هذه المتاهات .


__________________________________________________ __________

المشاركة الأصلية كتبت بواسطة نسايم العلا
عزيزتي الله يهدي صديقتك بس الرجل لا يحب المرأة يلي تركض وراءه يمكن هو يطنشها عشان تحترق وتركض وراءه وتتولع فيه اكثر لازم يكون عندها عزه نفس وكبرياء واذا هو يبغاها يجيها من الباب وبس انصحيها لا تخلي نفسها العوبه بيد هذا الشاب وتتاخذ موقف صارم معه ولا تسمح لنفسها تكون مجرد لعبه يلعب فيها كم يوم ويروح لغيرها وتكون قويه وتحيااااااتي لك



حبيبتي اشكرج على ردج تسلمين