عنوان الموضوع : [ مطلقة وحظي سيء ]تفاصيل القصة -تم الرد
مقدم من طرف منتديات نساء الجزائر

[ مطلقة وحظي سيء ]تفاصيل القصة



السلآم عليكم ورحمة الله وبركـــــــــــاته ..
( القصة طويلة شوي .. *
..

مساكم الله بكل خير وسرور وسسسسسسسعادة أبدية يارب .. حيّ الله هالوجيه الطيبة
بدايةَ .. أعرفكم على نفسي
أنا عمري 21 سنة .. أدرس بالكلية وقسمي ولله الحمد أحبه ..
ببدأ لكم بالقصة بشكل مفصّل ...

وأنا في ثآلث ثنوي جتني أمي وخبرتني أنه فيه عريس كفؤ متقدم لي
مارفضت ولا وافقت
جلست أفكر .. وأستخير وأستشير
وَ بعد عنـــاء وإرهاق نفسي وافقت ..
عرفوا أهلي بموافقتي وحددوا موعد ل الشوفة ..
والله العظيم أني للحين أذكر الموقف .. كانت أمي جالسة بسجادته
قآلت لي يابنت تراك صغيرة ومو قد المسؤولية و و و ..
قلت بصوت عالي أنا كبيرة وأعرف مصلحة نفسي ولحد يتدخل بي
كان هالكلام ( الموافقة وتحديد الشوفة ) وقت العطلة الطويلة
جاء وقت الشوفة ودخلت عليه .. كان جالس ويالله شفت وجهه
طلعت وانا مقتنعة .. وتمت الموافقة .. وجاء وقت الملكة طبعا ماعندنا شبكة
ولا جاء احد من اهله لمنا والملكة كانت مرة عادية
انا الي اعرفه انه بالملكة الرجل يجيب لمرته جوال لكن اخونا ف الله ماجاب لي شي
لمّح له أبوي فيما بعد .. قال اصلا انا كنت ناوي اجيبه مع المهر
جاب الجوال مع المهر وكلمني اول مره جلست خمس او اربع دقايق وطول على هالحال
يسمعني صوته ويقفل
كان يرسلي صور بيتي الجديد والاثاث وانا كلش اقول كويس زين جميل
طلب من ابوي صورتي عشان بيصلح الجواز .. لاني قلت له مره ابغى دبي قال وشو دبي
خياس .. نروح لماليزيا احسن .. انا طبعا ماصدقت اطلع من برا السعودية
رحت اصور واعطيته صورتي عن طريق ابوي .. أنا ولله الحمد شكلي مقبول ماني حلوة ولا شينة
عاد يكلمني بعد ماصلح الجواز ويقول بصوت غريب هالصوت اعلمكم بعدين وشو .. يقولي ما انام الليل الا حاط صورتك جنبي > هههههه
تم الزواج ويوم دخل الرجال طبعا هذي اول مرة اشوفه عن قرب لان عائلتي متحفظة شوي
ورب الايات اني اذا لبست كعب اصير اطول منه كانت امه تقول لاتلبسين كعب تصيرين اطول من ولدي ..
رحنا ماليزيا وكان مواعد أبوي يترك التدخين وطلع كذاب .. زعلت شوي بعدين رضيت
كانت رحلة عسل .. > إيه هين
اقولكم مواقفي هناك :!
ركبت الطيارة كنت ابي انتقل من جزيرة لنكاوي ل العاصمة .. جت المضيفة توزع عصير أنواع .. هو أختار عصيره ويوم جاء دوري أنا منيب مختارة اي شي .. جلست افكر
ناظرني بنظرة عصبية وقال بصوت واطي كانه يهدد بسرعة .. قلت خلاص مابي
عرف أني زعلت ولا فكر يراضيني .. المهم وانا هناك قلت له .. أحس أنك ماتحبني
قال بالعكس انا ارحمك ( هنا تحطممممممت ) واعترف لي انه يحب بنت عمه من اول
رجعنا من ماليزيا .. وداني لبيت أهله وبنات عمه جوا يسلمون علي .. يوم طلعت
قالي من جا من بنات عمي > حقارة !
قلت لاتخاف ماجت حبيبتك .. قال ماسالت عن كذا وبدا يحوس ويلف ويدور وهذا طبعه
بدت تصير مشاكل .. وأنا كنت مقصرة يعني وربي كنت بزر ماأعذر لنفسي بس كنت فاهية على طول ولا نضجت بالشكل الكامل وكان المفروض أنه ما ينتقدني
كنت نايمة بالصالة الضحى أنتظره جاء الظهر ويوم جاء يدخل لقاني مقفلة الباب ويطق الباب
ولا فتحت لاني رايحة بسابع نومة واتصل الف مرة ولا رديت .. نومي كان ثقيل
وكسر الباب > انا قلت هالموقف عشان ما اظلم حظي وأبين لكم تقصيري بعد
المهم جاني مرة .. قالي انا اعاني من وجع ببطني ويوم قلته لخالي قال هذا القولوون
وانا بصراحة مقدر اعيش معك انتي طريقتك كذا وكذا
قمت اصارخ وقلت تبيني اتطلق يعني قال اكره هالكلمة لاتجيبين طاريها ..
يعني وشششششش يبي حضرته ؟ أقتل نفسي ؟
فكرت بكذا وقلت الله ياخذني وانا جالسة بهيجان وبصراخ وصياح ولا فكر يواسيني او حتى
يقومني من مكاني وداني لأهلي وقلت أبد ما ارجع معه
يوم فكر بعدين ورجع لرشده جا بيرجعني وحاولت ارفض بس اهلي طلعوني الغلطانة ..
رجعت معه وعشت عادي مو سعيدة ولاحزينة ..
كرهته بعد سواياه فيني وكلامه يتردد بين اذاني وعجزززززت اسامحه مع اني ماعمري شلت على احد بس هالشخص اكرهه ..
قسم بالله اني بحط يدي على شعره احس بحومان كبد .. لدرجة اني بعدين من شدة كرهي توقعت انه حمل لآن الحامل تتوحم .. وطلع مافي حمل .. عرفت انه كره
زعلت عند اهلي مرة ثانية .. ولله الحمد هو كل صفاته ماتهيء ان الواحد يجلس معه صلآة يأخرها ويقوم الفجر متاخر عن الصلاة يتقهوى ويقول عادي الصلاة متاخرة متاخرة وهذا الي قهرني بزيادة وكرهني له ف الله أكثر ..
زعلت عند اهلي وقلت اذا برجع بشروط .. وهي اني اروح للمولات الكبيرة لآنه مانعني منها ..
واني اسكن ببيت قريب لاهلي لآني بعيدة عنهم وانا اقعد بالبيت لحالي بحي بعيد .. أتوقع
شروطي معقولة ..
تعاندنا وحصل الطلاق ..
عائلتي كلهم وقفوا معي الحمدلله .. وما أحد حط البلا فيني لأن طلع الكل عارف سواياه
يجون رجال لأبوي يقولون أحمد ربك أنك أفتكيت منه تراه راعي كذا وكذا . .
المرحلة الثانية من حياتي ..
مابعد الطلاق ..
عشت عادي لكن للحين أكره أقول اني مطلقة .. مع انه عادي اسولف عن ايام زواجي وسفرتي لكن كلمة مطلقة أكرهها . . يمكن تناقض
درست وصرت أدرس مع بنات عمي .. وفيه بنت عم لي مع شلة صديقاتي كلهم شاطرين ..
إلا أنا مهما ذاكرت لازم أنقص بالدرجات ..
اليوم رحت اخذ درجة بمادة عندنا طلع ناقصني الكثيرررر وَ البنات جايبين درجات كويسة .. وطلعت وأنا مهمومة .. وربي كأنه عزا صاير لي
أستغفر الله العظيم وأتوب إليه ..
ولا أنسى أقول .. أنه ماصرت أجتمع مع أهل أمي أو أبوي كثير .. وألغيت الكثير من الاجتماعات لاني صرت أكرهه هالشيء ولآن فيه ناس كثير لكن يوم كنت اطلع معهم
أشوف البنات الي بقد عمري يهتمون ب بنات عمي أكثر .. يمكن حساسة ..! لكن هالشيء يضايقني ..
يعـني عشآني مطلقة ؟
لآزم اجلس مع الحريـم الكبار ؟

الله يعــــــــــــــين قلبي ..
أقسم لكم بالله العظيم .. أني ما زودت ولا كلمة على الأحداث الي صارت لي ..
أدري كتبت كثير لكن الحمدلله فضفضت وارتحت

أستنى ردودكم ....

>>>>> ردود الأعضـــــــــــــــــــاء على الموضوع <<<<<
==================================


حبيبتي هذااا نصيبك وانتي مزلتي صغيييرة

وماازاال الوقت اماامك حتى تعوضي اللي فاات

ومتازميش نفسك ولااا تتحسسي لانك اطلقتي

مش انتي اول ولااا اخر وحدة تطلق

وربي سبحاانه يعوضك باللي احسن منه

وربي ينجحك ويوفقك فدرااستك يااارب

نسال الله لك ان ييسر امرك ويفرج همك يااااااارب


__________________________________________________ __________

عادي ياقلبي لاتزعلي والعمر قدامك لسه صغيره وعيشي حياتك بحلاوتها وابتسمي وقولي انا مابغاها وع عفتو اكرهو ماقدر اعيش معاها


__________________________________________________ __________

الطلاق مونهاية الدنيا احمدي ربك انك ماحملتي منه والله ان للطلاق حكمه ماتذوق حلاوته الاالي جربت وانا جربت وصرت اجتمع اكثر مع الناس بالعكس وﻻعمري حسيت بنقص بالعكس اصلاخطابهم اكثر من البنات انا الحمدلله قبل زواجي خطبني واحد زين ورفضته ﻻن طليقي مسوي نفسه داعيه يعني غاشانا ولكن هالموقف مااثر فيني بالعكس اقول خيره وبعد طلاقي باسبوع سبحان الله انخطبت طبعا مطلق لكن رفضته ﻻن عنده بنت وانا صراحه اخاف من الي معاهم بنت اوولد وخطبني مطلق بس ماعنده عيال ورفضته عشان شهادته اقل من شهادتي واخاف يغار مني ﻻن طليقي كان يغار مني المهم طلعت العده والى الان خايفه اوافق على الشخصص الغلط فاذا انخطبتي استخيري كثير وخلي اهلك يسالون زين عنه ويتاكدون وترى انصحك ماتاخذين واحد مفسوخ ﻻن الي ياخذ مهره ماهو رجال خوذي عزابي اوواحد طلق زوجته ومايتكلم ابدا عنها بسوء هذا يكون رجال معدنه طيب واصيل اما الي يسولف بطليقته حطي عليه علامة خطاء واسفه على الاطاله


__________________________________________________ __________

i hope for u to be happy again


__________________________________________________ __________

لن اقول لكي بانك سيئة الحظ بل سأخبرك بان الله اصطفاك ليبتليك ،،الزمي الاستغفار وسترين خيرا وفرجا قريبا ،، واكثري من قول لاحول ولاقوة الا بالله ،،