عنوان الموضوع : الحب ..... مجرد فضفضة مجابة
مقدم من طرف منتديات نساء الجزائر

الحب ..... مجرد فضفضة



السلام عليكم اخواتي حبيباتي حابة اليوم نحكي بمواضيع بتهمنا كلنا وبنصادفها بحياتنا اليومية
مثلا خلينا نحكي عن الحب
انا بصراحة مستغربة من الناس اللي حواليي يعني مناظر لا توصف بصراحة وخصوصي بالجامعة تلاقي بنت وشب قاعدين تحت الشجرة وبيتمازحوا وبتدفشو هيك بخفة وبتقرصو بإيدو وبتضربو ع راسو وكمان بخفة قال يعني مشان تبين انو هي خفيفة دم واحكيلها على اي اساس انتي هيك بتعملي وبتتصرفي مع الشب بهالطريقة بتحكيلك عادي حبيبي وبيطلعلي كمان, وهم تنيناتهم بيتسلوا ببعض باسم الحب هاي من ناحية ومن ناحية تانية الناس اللي مدمرين ومكتئبين وحالتهم على قولتهم بتهد الصخر يعني بفتح الفيس بلاقي شباب مدمرين ووضعهم جدا مزري ومنزلين بوستات تحكي انهم ارامل يعني لأ والمشكلة اصحابهم بيواسوا فيهم واغلب بوستاتهم انتي ما بتستاهليني ورح يجي يوم وتذلي حالك لإلي انا حبيتك وانتي خنتيني ومن هالحكي (طبعا هاد الحكي بينطبق على شباب وبنات )
ومن شي كم يوم رحت انا واختي على محل حلو واجا الجرسون لو تشوفوا شكلوا يعني اكتئاب وكإنها الدنيا مقفلة بوجهو المهم اخد طلبنا بتحكيلي اختي شفتي كيف حالتو تحكي مدمر, وبعد شوي لما جابلنا الطلب انا واختي تطلعنا ع بعض انو شو يعني شو هاد كان الحلوعكس اللي طلبناه تماما الاخ ابدا ما كان معنا ولا كان الو علاقة بالعالم كان طول الوقت عيونو مدمعين وراسو بالارض حكيت لإختي انسي الشب شكلو مشلول أملو
المشكلة انو كلهم بيقنعوا حالهم انو هاد الحب مع انو الشب حتى لو اخد البنت اللي بحبها يومين تلات وبيخونها وبينسى العشرة واذا ما كانت من نصيبوا بيظل طول عمرو حزنان ومكتئب ومدمر وبيدمر البنت اللي بيتجوزها بحجة انو بيوم من الايام كانت بقلبوا شي بنت وانو ما رح يحب غيرها وانها شو ما عملت ما بتقدر تحل محل حبيبتوا
تقريبا تلات ارباع العالم صايبهم يأس واحباط ونفسياتهم زفت كلو لإنهم عايشين بوهم ومسمينو الحب, في ناس كتير فاهمين الحب غلط شو الحل ولإيمتا بدنا نظل متخلفين ووضعنا هيك ما بدنا نعقل ونتطور شوي ونمشي صح بيفكروا انو الحب هو اللي بيعمل فيهم هيك ما بيعرفوا انو بعدهم عن دينهم وعبادتهم هو اللي وصلهم لهاي المرحلة

اعذروني بعرف الموضوع ملخبط وفي شغلات ما دخلها بالموضوع بس ما عرفت ارتب افكاري كنت حابة احكي شوي عن التخلف اللي وصلنالو والسبب الرئيسي فيه بعدنا عن ربنا وتقصيرنا بعبادتنا
بكل الاحوال ربنا يهدينا ويثبتنا على طاعتو
استغفر الله العظيم من كل ذنب اثيم واتوب اليه

>>>>> ردود الأعضـــــــــــــــــــاء على الموضوع <<<<<
==================================


سلمت يمناااك حبيبتي

الكل اليوم اصبح يتااجر بمشاااعر النااس باسم الحب


__________________________________________________ __________

يا حبيبتي كلنا بننكوي بنار الحب وبننذل لكن الإعلام صورلنا الحب شكل واحد وهو حب الشاب والبنت لكن في الحقيقة كل انسان بيعاني من حب اللي بيتعذب من حبه للمال واللي لحبيبته واللي لأولاده واللي للجاه والسلطان وفي النهاية الحب عذاب وكتب الله إنه من أحب شيء سيبتلى فيه ويعاني وأرقى حب هو حب الإنسان لربه لأنه يستحق المعاناة والتعب لأن نهايته الجنة ولا يلقاها إلا ذو حظ عظيم


__________________________________________________ __________

السلام عليكم
مزبوط حكيك حبيبتي بتوصل لدرجة بيشدو ايدين بعض و يتمازحوا بطريقة بينحرج الواحد لما يشوفهم و يمر عليهم هاد ما صار حب
الحب موجود بس مو بهيك شكل لو عجبتو البنت بيتقدملها بشكل رسمي و على سنة الله و رسوله و بينبنى الحب الحقيقي بعدين بعد الزواح اهم شيء الدين و الاخلاق و التوافق
نسال الله ان يوفقنا لكل ما يحبه و يرضاه
بوركتي على الموضوع


__________________________________________________ __________

اكيد كلامكم مزبوط 100% واشكر مروركم
بس والله كتبت من الحرة اللي فيني


__________________________________________________ __________

حبيبتى ده سببه البعد عن ربنا وعدم معرفتنا الجيدة بديننا وعدم التمسك به
اللهم أهدنا وأبعد عنا الشيطان