عنوان الموضوع : محتاره في دراستي...ساعدوني وفرجوا همي..تعبت افكر
مقدم من طرف منتديات نساء الجزائر

محتاره في دراستي...ساعدوني وفرجوا همي..تعبت افكر



السلام عليكم ورحمة الله وبركاته
مسآآءكم راحه بآآل وسعااده يآآرب
صبآآيا...في موضوع كتيير اشغل بالي وبفكر فيه كتييير وانتو زي اخوااتي ابغاكم تساعدوني بالقرار للي فيه مصلحه لنفسي
اول شي انا ادرس اخر سنة ثاانوي...في نظام مقررات...
وانا طالبه متفوقه ولله الحمد...ومعدلي الحمدلله عالي...وحلمي ادخل طب..او تخصص فيزياء يعني علوم تطبيقيه
المهم..هادا الترم مريت بظرووف...ونفسيتي مرا تعبت..ييعني صرت ما اذاكر ولا افتح الكتاب ابداً واروح اختبر وما احل... ونزل مستوايا مراا
اصبحت مهملة جداً واصبح لدي برووود مو طبيعي تجاه الكسل والاهمال
المهم..يا حبيباتي...انا ابغا اطلب تأجيل هااد الترم...وراح اداوم الترم التاني ان شاء الله وراح اخد ترم صيفي ان شاء الله ادرس فيه 3 مواد علميه..ويسير السنة الجايه ادرس الترم الاول 3 مواد والترم التاني 3 مواد
واتخررج بإذن الله
ووانا واثقه بربي انه السنة الجايه راح اتخرج بمعدل عالي لا يقل عن 99 ان شاء الله
بس سؤالي اللي محيرني ومو مخليني انام الليل...هل راح يأثر على مستقبلي؟؟
هل راح يأثر على تسجيلي في الجامعه يعني من ناحية الاولويه...اتمنى اللي عندها معلومه تفيدني..
ريحووني يابنااات وربي شاايله هم
اهلي متأملين فيا...انا عارفه انه العمر ما يوقف على ترم واحد بس وربي خايفه يا بناات
غير كدا المدرسه اخاف ما ترضى اسحب هادا الترم..الا بعذر وانا صراحه ما عندي عذر طبي بس السبب نفسيتي زفت يعني ما في ورقه تثبت تعبي
مدري كيف اقنعهم بسبب يخليهم يوافقون علماً انه لسا ما رحت المدرسه...ليا كم يوم غايبه
والله يا بناات شايله هم ما يعلم فيه الا ربي....ووالدي جداً متأمل فيا..الحمدلله اهلي وافقوا اسحب...مع انه خاب ظنهم فيني
بس ان شاء الله السنة الجايه لو درست ارفع راسهم واسكت كل الناس اللي تحاول تحبطني
اسسفه على الاطااله...ولكن مافي قلبي كلام كتيير حبيت افضفض فيه
وانتو اخوواتي والله العالم قد ايش احبكم واخد رايكم واعمل فيه
واللي ما تقدر تساعدني برد...ارجو منها دعووه في ظهر الغيب
واللي تسااعدني لها دعووه باللي تطلبه في الحرم ان شاء الله
واي سؤال انا موجوده....ربي يسعدكم يااااارب ولا يحرمني منكم

>>>>> ردود الأعضـــــــــــــــــــاء على الموضوع <<<<<
==================================


هلاَ غلاتيَ
اولا الله يوفقكك ويحقق لك الي ببالكك وتجيبن معدل زين وتتدخلين طبَ والي تبينهَ
اتمنئ البنات يفيدونك ي قلبي انتي لاني ب ثاني ثانوي ومو عارفه نضام الجامعهه
بس بسالكك اخختيَ لانها ب الجامعههَ وبرَد لككَ
تقبليَ طلتيَ


__________________________________________________ __________

والله ما عندي خلفيه...بس حبيت اررفع الموضوع
والله يوفقك يارب ويحقق لك مرادك
اتمنى الصبايا يفيدوكي
سبحان الله وبحمده سبحان الله العظيم


__________________________________________________ __________

ربي ييسر امورك وتعدي ظروفك ع خير
حبيبتي مابقي ع الترم شيء كيف تعتذري
نصيحه اخت ومحبه لك اجلسي مع نفسك شوي
وفكري مره واثنين وابكي وطلعي كل المشاعر السلبيه اللي فيك

وارجعي مثل اول وشدي حيلك وربي يوفقك

حبيبتي كل دوله ولها نظامها بالتدريس
فالاحسن انتي اسالي الناس اللي حولك وتقثي بهم

موووفقه حبيبتي


__________________________________________________ __________

عروب
تسلمي حبيبتي على الرد والدعاء لي...امييين ياقلبي..والله يسعدك يارب...ويوفقك يارب ويحقق امانيكي...في انتظااارك..وطلتك احلآ طله وربي
رونا
امين يارب..وشكراً يا قلبي لانك رفعتي الموضوع الله يسعدك يارب
اخت الوليد
تسلمي ياعسل على الدعوه بس اللي راح من درجاتي مرا كثير ما اتوقع اقدر ارفع المعدل حتى لو رجعت زي اول
وجلست مع نفسي كتير وبكيت كتير وحاولت اقنع نفسي ارجع..بس خلاص ارتحت لقراري اني اسحب دا الترم..انا في المدينة المنورة..الله يوفقك يارب ويسعدك
وكلكم لكم دعووه مني في الحرم ان شاء الله
بس فين باقي الصبايا؟؟؟ في انتظاركم حبيباتي


__________________________________________________ __________

صبايا فييييييينكم
والله مالي غيركم اسأله
زعلتووني منكم