عنوان الموضوع : زوجي هو مشكلتي ارجوا مساعدتكم يااخواتي
مقدم من طرف منتديات نساء الجزائر

زوجي هو مشكلتي ارجوا مساعدتكم يااخواتي



السلام عليكم ورحمة الله وبركاته..

أخواتي دايم اقرا مشاكلكم وجا الوقت اللي افضفض لكم عن مشكلتي أنا تزوجت من سنة ونص وتغيرت حياتي 180 درجة صرت غريبة الأطوار وكله بسبت زوجي الله يهديه دايم مشاكل وبشكل يومي تقريبا من تزوجت وأهم نقاط الإختلاف بيني وبينه..
1- متعلق باهله بشكل كبير ومايخالف شور امه وخواته ولايخبي عليهم شيء صغيرة وكبيرة ويحس اني اكرهم بالرغم من ان علاقتي فيهم زينه والحين سكنوا تحتي وصار 24 ساعة عندهم حتى الوجبات صار ياكل عندهم وكل شؤي نازل غير نظام حياتنا..
2- يكذب علي في الطالعة والنازله وفي امور ماتستاهل..
3- دايم يقولي روحي لاهلك ولو اجلس عندهم شهر ماسأل عني
4- يبخل علي في المصروف وفي نفس الوقت مايقصر على البيت في شيء
5- يحب يطلع لوحدة ومع ربعه ويسافر وانا مايطلعني ولايمشيني
6- اغلب وقته ساكت ومايعرف يسولف ولايعبر لي عن مشاعره
7- دايم انا اللي اعتذر له حتى لو هو غلطان مااقدر اخليه زعلان
8- صرت ماعاد اثق فيه حتى لو قال احبك احسه يكذب علي
9- انا انسانه مرحه جدا واحب الضحك وطموحة واحس هالشيء يضايقه لان الناس يمدحوني وهو لا وانا تعليمي جامعي وهو ثانوي ولما توظفت صرت محافظه عل دوامي صار يداوم هو بعد بس بعد ماتركت الشغل ماعاد صار يداوم
10 - اغار عليه بشكل كبير وهو احسه يشك فيني لدرجة لوجاني اتصال او رساله يحقق معي بالرغم اني اللهم لك الحمد محافظه على ديني ومن زود شكه فيه امور بديت اتساهل فيها
11- يتنرفز هو بسرعة حتى لو امزح وانا انسانة ازعل بسرعه
12- كثير صفات نختلف فيها بالرغم من هذا انا احبه وطلبت منه الطلاق واليوم رحت لاهلي
لاني مااعرف هو وش يبي من الحياة وانا ماعرفت اتعامل معه للأسف ودايما اقول لاخواتي عن مشاكلنا واليوم علمت امه وهي رفضت انا نتطلق وقالت لاتعلمين ابوك وانا اللي باكلمه

هاه ياخواتي وش اسوي ووش الحل تنصحوني بالطلاق او فيه امل ان حياتي تتصلح واعيش بسعادة وابي اغير من نفسي واكتم مشاكلي وماعاد اتنرفز بسرعة الله يسعد من ترد علي ويبعث لها الخير من كل صوب

بإنتظار مشورتكم......

>>>>> ردود الأعضـــــــــــــــــــاء على الموضوع <<<<<
==================================


طلقيه-------


__________________________________________________ __________

المشاركة الأصلية كتبت بواسطة روز الرياض
طلقيه-------

يعني مافيه امل يتعدل ؟؟؟؟؟

يعطيك العافية ع الرد


__________________________________________________ __________

الاشكال هاذي مستحيل يعدل -لانه وانتوا ببداية حياتكم كذا لامصروف ولاتمشيات بس تزوج علشان يرضي اهله ويطلع من السالفه-طلقيه ويعوظك ربي


__________________________________________________ __________

لاحول ولا قوه الا بالله

حبيبتي انتي ذكرتيني بزوج خالتي نفس حالتك

لكن بعد الاطفال تغير نوعا ما وصارت خالتي راضيه عليه اكثر من اول

عموما يالغلا طبعا مو على طول طلاق قبل كل شئ تعاملي بالحوار علشان ماتندمين

انتي وزوجك اجلسي مع ابوك او شخص فاهم و وضحي لهم اسبابك

والاشياء التي انتي متضايقه منها والنقاط اللي ذكرتيها

و زوجك نفس الشئ يتكلم ويقول اللي بخاطره

وشوفي وين الغلط فيه ؟؟

والشخص الفاهم اللي معكم بعد مايسمعكم

ويقول لزوجك علشان ماتخسرون بعض لابد من الاعتدال

ويحاول كل شخص فيكم مايقصر عن الثاني

اذا زوجك تقبل الكلام عطيه فرصه علشان تريحين ضميرك

واذا مارضى او جل يكابر خلاص اطلبي الطلاق

اذا انتي ماعندك نيه لتحمله او التاقلم معه

وان شاء الله كل شئ يعتدل من دون طلاق


__________________________________________________ __________

المشاركة الأصلية كتبت بواسطة روز الرياض
الاشكال هاذي مستحيل يعدل -لانه وانتوا ببداية حياتكم كذا لامصروف ولاتمشيات بس تزوج علشان يرضي اهله ويطلع من السالفه-طلقيه ويعوظك ربي

الله يسعدك ياغاليتي ويفرج علي المشكلة اذا جزمت على الطلاق يرفض
وبصراحة انا فيه شيء يجذبني له وهو اذا روق يصير انسان ثاني
ويطلع يجنن بس مزاجيته بتعقدني والله يكتب لي الصالح من الامر

وين ردودكم ياحبايبي تراه ضايق خلقي ابي من يواسيني