عنوان الموضوع : ارجوكم تنصحوني مش عارفه اكتب من كتر البكاء
مقدم من طرف منتديات نساء الجزائر

ارجوكم تنصحوني مش عارفه اكتب من كتر البكاء



حبيباتي زي ما انتم عارفين اني زوجه ثانيه وزوجي دايما مسافر بحكم عمله
ابننا عنده سنه و7 شهور وكان زوجي قبل ما يسافر موصيني اني افطمه وفعلا بعد ما سافر ذهبت بيت والدتي ولكن فطمته متاخر شويه ولو جوزي عرف اني مش فطمته بعد ما سافر على طول طبعا هيتخانق ويبهدل الدنيا لانه دقيق جدا زي مثل عندنا في مصر بيعمل من الحبه قبه وطبعا نكد وزعل وخصام وطبعا زوجته الاولى تشمت
المهم لما سالني قال لي فطمتي الولد قلت له ايوه فطمته ولكن كنت لسة مفطمتوش واضطريت اكدب لانه بيعمل مشاكل على اتفه سبب
المهم بعد هذه المكالمه بعشرة ايام فطمت فعلا ابني ووطبعا كلكم عارفين مشاكل الفطام والام الثدي المزمنه وكنت والله بمووت
وهو كان في الوقت ده بيتصل عليا وانا تعبانه وقلت له ان اللبن تاعبني في صدري ومؤلم طبعا هو اندهش قال لي كيف وانت فطمتيه من عشر ايام طبعا علشان اطلع من الموقف قلت له لا ما هو انا فطمته وكنت بشفط اللبن بالشفاط اعتقادا مني ان ده بيقلل اللبن في الصدر طلع ده غلط وكاني مفطمتش الولد ولما عرفت غلطي روحت بطلت شفط للبن وبعدها طبعا تكتل في صدري اهو وتاعبني
طبعا زعق لي وقال لي انتي ليه مش قولتي انك بتشفطي اللبن كان لازم اعرف ليه خبيتي عني ليه داريتي وقال لي كلام جارح قووووووي
وطبعا انا بكيت جدا وقال لي لازم كنتي تقولي لي انك كنتي بتشفطي اللبن قلت له حسيت ان الموضوع تافه وميستدعيش اشغلك وبعدين دي خصوصيات طبعا غضب اكتر
وقلت له انت ليك خصوصياتك انا معرفش عنها حاجه ابدا والله يا بنات بيخرج ويتاخر ولما اساله يقول لي مشوار بقضي مصالح مع العلم انه في اجازه واعرف بعد كده انه بيفسح ضرتي واولادها وانا طووووووول اليوم انا وابني وحدي مش بيحاول حتى يخرجنا ولو يوم دايما محبوسه وتحت رهن اشارته وطبعا كمان مش عاجبه لا بيتصيد لي الاخطاء
لما قلت له انا معرفش حاجه عن خصوصياتك قال لي كلمه جارحه وايش تكوني انتي علشان تعرفي خصوصياتي
طبعا انجرحت جدا وفضلت ابكي وحسيت ان كل كلام الحب اللي بينا كان تمثيل وكاني مجرد جسم جميل بياخد منه متعته
المهم نهاية المكالمه برضه رغم غلطه فيا انا كالعاده اعتذرت له وقلت له انا اسفه لو كنت ضايقتك لكن هو معتذرش
يا بنات فيدوني لو اتكلم بكره اعاتبه على كلامه الجارح ليا ولا اطنش
ملحوظه :ان ملاحظه انه متغير جدا اولا في الاول كان كل ساعتين يكلمني اثناء عمله وكان معيشني اجمل قصة حب دلوقتي هي مكالمه واحده وطبعا كلها تصيد للاخطاء وتلكيك
تفتكروا ان مراته الاولى بتحاول تجذبه لها تاني ولو حصل اتصرف انا ازاي
مع العلم ان انا وهي علاقتنا شبه مستقره بس طبعا في غيرة ملحوظه بعيونها
وكمان هو عنده اخت مصاحبه ضرتي جدا وهو للاسف بيسمع لكلام اخته دي جدا واخته دي دايما بتحاول تقربه من مراته الاولى جدا تفتكروا تغيره ده هما السبب فيه
ارجوكم تفهموني اتعامل معاه ازاي واتقل عليه ازاي لاني دايما ملهوفه علية وواضح انه افتكره ضعف


بارك الله فيكم

>>>>> ردود الأعضـــــــــــــــــــاء على الموضوع <<<<<
==================================


الله يعينك اصبررري الزوجه الشاطررره هي التي تكسب زوجه با الاخلاق الحسنه وعااادي مع الايام بيرضى الله يفرج همك الاستغفار سبب لي حل المشاكل وسعاده اكثرري من الاستغفار


__________________________________________________ __________

الله يعينك انت ما كان عليكي تتزوجي راجل متزوج من حقها الزوجه الاولى تغار وطبيعي يميل ليها اكتر بيقول المتل الاولى تحلى ولو كانت وحله ,انت خليكي شخصيتك قويه معاه ونصيحه ما تعتدري ابدا الراجل بيكره المراه الضعيفة بصراااحة ما تزعلى منى متعاطفة مع الزوجه الاولى واولادها هالشعور بيقرف بتخيل زوجي يتزوج عليا والله الطلاق اهون عليا


__________________________________________________ __________

الله يكون بعونك
ضعف شخصيتك هوه السبب خليك قوية لان اذاتعاطفتي وتعتذري ع طول راح يتمادى اكثر
بعدين هوه مالو دخل تفطمي ولدك ماتفطميه اش التحكم هذا يبغى يعمل معاك مشكله ماحصل الا الفطام استغفرالله العظيم
لاتذلي نفسك علشان تخافي انه يتركك عندي اهون علي اعيش مطلقه ولا بالذل
حاولي انك تجذبيه لناحيتك بس موبالطريقه هذي


__________________________________________________ __________

خليكي قوية حبيبتي
واكثري من الاستغفار وتجملي بالاخلاق واصبري ان الله مع الصابرين


__________________________________________________ __________

غلطك هو الاعتذار والانهزام بسهولة

صححي اخطائك وقوي شخصيتك