عنوان الموضوع : يابنات الله يوفقكم الحقوني بحل بسرعه!!؟؟؟
مقدم من طرف منتديات نساء الجزائر

يابنات الله يوفقكم الحقوني بحل بسرعه!!؟؟؟



بسم الله الرحمن الرحيم
اخواتي بنت خالتي قاعدة تنهار كل يوم وانا مني عارفه اش اسويلها
اقولكم القصه على السريع
تزوجت بنت خالتي من حوالي 10 شهور وزوجها رجل جدا طيب وحنون
ويموت فيها وعمره 24 سنه وهي 23و بعد بع ثلاثة اشهر اكتشفت ان زوجها يشرب شي هي ما تعرف اشهو بس حست انه شي ماهو تمام
طبعا في هذي الفترة كاتن علاقتها بأم زوجها جدا رائعة ومعا الايام البنت صارت ماتتحمل تشم ريحت هذا الشي
المهم عدين قالت مالي احد اثق فيه وساعدني فهذا الموضوع الا ام زوجي هذا ولدها واكيد تعرف عنه كل شي
لقيت يوم من الايام هذا الشي اللي يدخنه زوجها وددت عند ام زوجها وقالتلها على كل القصه
ام زوجها كانت ردت فعلها جدا عاديه وقالتلها هذا حشيش !!!! قالت البنت طيب انا لقيته عند ولدك . وولدك يدخنة لازم نسوي شي عشان يبطله
قالت الام انتي ادعي له في صلاتك مالك الا ذا الشي واصبري .بنت خالتي استغربت من ردةفعلها بس رتاحت ان في احد يصبرها على ذيه البلوه
بعدين زاد الحال مع زوجها وصار يدخنه في كل وقت ومكان طبعا كان في ناس كثير حاقدين عليه لانه صغير في سنه ومتزوج وعنده سيارة وف أيامنا كثير ما يقدرو يسو كذه
المهم البنت كانت خايفه احد من الناس يعرف ويبلغ عنه وينخرب بيتها . قامت واجهته بهذا الشي
وطبعا كانت ردة فعله ماهي طبيعيه جدا
ليه لانه زعل منها انها اكتشفت وخاصمها وما كلمه يوم وكانها هي اللي دخنت يعني
(قلب عليها الطاوله وهو الغلطان) لا تنسو بنت خالتي متفاهمة جدا وجاته بأسلوب جدا راقي حتى قالتله انا مستعدة باللي تبغاه اساعدك بس بطل ذا الشي . بعد كذه اتصالحو ووعدها انه يبطله وقلها الاسباب اللي خلتها يسوي كذه.
وبعد فتره طبعا زي اي مدمن رجعله والظاهر انه اصله ما تركه . بس هي تكلمت معاه كثير وكانت تحاول تحافظ على بيتها وزوجا قد ماتقدر
بنت خالتي حملت وهي في اول اسبوع من الشهر الثالث لقيت في واحد من الادراج في غرفتها فيه حبوب ممنوعة عرفت من العلامة اللي عليها (حبوب ابو قوسين)منشطة
المهم البنت اغمى عليها وتكت على التلفزيون وطاح التلفزيون على رجلها وانهارت
وكلمت امها تجي عندها البيت عشنها تعبت مره
وما قالت لأمها انه التلفزيون طاح على رجلها قالت انها زحلقت في المطبخ بعدين
هي امها حست انه عندها شي بس ما قدرت تعرف البنت ماقلتله شي , وبعدين في نفس اليوم
خرجت الام من عندها بعدما طمأنت عليه وخلتها تنام جا زوجها الساعه 1 باليل وقلق عليها مره
وجبلها كريم ودهن رجلها وسوالها مساج بنت خالتي ما كانت تحس برجله اصلاً من الهم اللي فيها
المهم سارت الساعه2 باليل والا هي تنزف وداها زوجها المستشفى وهناك اسلبت الجنين وسقطته وطلع في رجلها تمزق بالأربطه طبعا نفسيتها كانت منهاره للأخر لكنها صبرت واحتسبت,لكن سار شي جديد من اول يوم اسلبت فيه طبعا انقلبت عليها ام زوجها
وسارت نار تحرق وكل يومين والثاني تحرض ولدها على زوجته اللي هي بنت خالتي وتسويلها مشاكل رغم انها عايشه في شقه لحالها جمب اهل زوجها
ولما تناقشت معها عشان تعرف اش سبب هذا الانقلاب قالتلها ام زوجها
انتي خسرتي ولدي بصرفياتك وانتي ليش سرتي دبه وليش يجبلك شغاله قالت بنت خالتي ان احاول ما اكلف عليه
بس هي الضروررة وبعدين هو اشتكاك قالت لا بس ولدي وان اعرف حاله قالت البنت فلوس زوجي ماتخلص مني من الحرام اللي يشتريه
قالت الام والله يكون زوجك مدمن مخدرات ولا مجنون ويبهذلك وبعدين انا ماصدقتك من البدايه
وماراح اصدقك لين اشوف ولدي جاني مصطول وريحته فايحة وبمعنى الكلام انه احسن يصرفها على المخدرات ولا يصرفها عليكي (طبعا ما يحتاج تعليق على هذا الحوار لانه فوق الطاقة)
بنت خالتي قعدة تبكي وتأكدت ان الام كانت عارفة وساكته وخاصه ان ولدها مو ذاك الذكاء عشان مايبين .
مع العلم انه عندها بنت كانت متزوجه وكانت تقولها ليش زوجك بخيل ليش مايقضيلك ليه ما عندك شغاله
وكمان بنت خالتي من يوم ماتزوجت لين اسلبت ماراحت السوق مرة حتى شهر العسل كان ثلاث ايام بس في جده
وزوجها راتبه 4 الاف والشغاله ما كانت دلع بس لان بنت خالتي حملها حساس ولازم ترتاح كثير
وبعد 4 شهور حملت مره ثانيه وكانت هي وزوجها فرحانين مره وفي الشهر الثاني الي هوالحين قابلتها انا ولقيتها
في حاله ما تحسد عليها ولما سألتها قالتلي على انها لقيت تحت سريرها علبه فيها خمرة وطبعا
تحققت امنيت امه بانها راح تشوفه مسطول
المهم بنت خالتي حلفتني ما أقول لاحد وهي مازالت عنده ومازالت تحبه وهو بعد وقالتلي انها لوكانت تعرف ان
زوجها خبيث ما كان سكتت لكن طيبته الزايده ورطته في هذي الاشياء
علموني يابنات وش الحل وسامحوني ان كان طولت عليكم لكني محتاجة حل لبنت خالتي المسكينة ارجوكمأرجوكم ارجوكم....

>>>>> ردود الأعضـــــــــــــــــــاء على الموضوع <<<<<
==================================


لاحول ولاقوة الا بالله بصراحه سالفة اتضيق الخلق ):

انا من رايي انها تصبر عليه دام في حب وتفاهم بينهم وتحاول كثر ماتقدر انها تسانده وتساعده عشان

يترك طريق الخمر والمخدرات ولها من الاجر الكثير ان شاءالله وبالنسبة لام زوجها تحاول انها تصادقها وتودد لها ....تحاول تعزمها بروحها وتجيبلها هدية حلوة او تاخذها معاها عشان تشتري اغارض للبيبي

تحاول تحسسها باهميتها بالكلام والافعال الطيبة لاتحاول تستفزها باي شكل من الاشكال واذا قالت كلمة

او تصرف ضايقها خل تحبها على راسها وتقولها مشكورة انتيالغالية ام الغالي وجدة الغالي الي جاي بالطريج

صدقيني انها راح تحبها وبتعدها مثل بناتها ويمكن اكثر ....من الواضح ان الام غيرانة عشان حست ان في

حب ثاني ينافسها على ولدها وللعلم هذا احساس اغلب الامهات لما عيالهم يتزوجون ؟!!!


وعلى قولة المثل الاسلوب اللين يظهر الحق البين والله يكون بعونكم ان شاءالله ويهديلها زوجها وامه .


__________________________________________________ __________

الله يخليك يالعنود ومشكورة
تراني من ساعة ما حطيت الموضوع وانا انتظر الرد
الله يعطيك الف عافيه


__________________________________________________ __________

لا حول و لا قوة إلاّ بالله العلي العظيم


__________________________________________________ __________

بنت خالتك لديها حل واحد وهو أقوى حل




الدعــــــــــــــــــــــــــــــــــــــــــــــ ـــــــــــــــــــــــــــــــــــاء



والله ما أحد يعرف قيمته إلا اللي جرب

كلنا ندري أن الله يستحي من عبده أن يرد يديه صفرا ....إذا لماذا لا ندعي
قال الله تعالى : (وإذا سألك عبادي عني فإني قريب أجيب دعوة الداعي إذا دعا)....إذا لماذا لاندعي ؟؟؟
قال الله تعالى : (أدعوني أستجب لكم )إذا لماذا لاندعي ؟؟؟

قال الله تعالى : (أمن يجيب المضطر إذا دعاه ويكشف السوء ) إذا لماذا لا ندعي ؟؟؟
في الحديث القدسي :ينزل الله تعالى في آخر الليل ويسأل _وهو أعلم سبحانه _هل من داعي فأستجيب له.....إذا لماذا لاندعي
كلنا يعرف قصة الرجل الذي صلى ودعا وتسابقت له الملائكة في النزول .....إذا لماذا لا ندعي ؟؟؟

عزيزتي
هذا السلاح القوي وأسأل الله العلي القدير له الهداية ولها التوفيق والصبر والثبات


__________________________________________________ __________

السلام عليكم ورحمة الله وبركاته

وانا نفس الشي

انصحها بالدعاء في جوف الليل

وان شاء الله ربي ما يخيب رجاها