عنوان الموضوع : ابن اختي جرحني وناداني ب..... -تم الرد
مقدم من طرف منتديات نساء الجزائر

ابن اختي جرحني وناداني ب.....



السلام عليكم

اول مره اشارك بالمنتدى واتمنى القى ردود حلوه منكم وتقولون لي اشلون اتصرف
انا عندي بنات اخت واولاد اخت كبار اكبر مني وبعضهم متزوجين وبعضهم لا
المهم بنت اختي عمرها فوق الثلاثين وماتزوجت ولما عرفت انو انا انخطبت وانا اصغر منها قامت طلعت علي اشاعه تقول ان زوجي اصغر مني وانا قسم بالله زوجي قدي مواليد شهر2 ويكون اكبر مني ب16 يوم بس عشانه يعرف اخوها وولد اختي عمره اصغر فقالت اكيد في عمره وانتي تكدبين علينا
انا مجنونه اتزوج واحد اصغر مني , الحمدالله ربي عطاني الاخلاق والسمعه الطيبه والجمال الحمدالله وتقدمولي كثيير وفي النهايه يعني مع عقلها الزايد راح اخد واحد اصغر مني ؟؟ مجنوووونه انا مجنووونه لواسويها وقلت لهم تبون بطاقاتنا تشوفون الاعمار ماعندي مانع لواجيبها لكم لحد البيت
المهم صار خلاف اكبير بينا لانها هانتني وحتى زواجي سافرت اهيا عشان لاتحضر وكل مره ترسلي مسجات عالواتس زوجك اصغر منك وربيه ويتربى في عزك تقولي فعصبت منها ورسلت لها من غيرتك ياالعانس ياللي محد طق بابك
عارفه انكم بتقولين لي ليش تقولين عنها عانس لانها هانتني وياليت لوكان صدق اللي تقوله
المهم طبعا اخوانها وخواتها ماصارو يكلموني زي قبل ودايما بينا مشاكل
ودايما اختها اللي اصغر منها في قروب العائله تسوي ضربات ليا ودحين بنت اختي الصغيره انخطبت وصارت تسوي ضربات وانا اسوي ليها ضربات زي مااهي تسوي الي
شكلها ماتحملت وراحت قالت لاخوها مع انها اهي الباديه
فكلمني اخوها عالواتس وهزأني وقالي انتي غيرانه من اختي عشانها متزوجه واحد يشتغل ارامكو قلت اشدعوه انا زوجي بعد يشتغل في بنك ومسؤل كبير فيها ليش اغار منها وراتبه احسن من راتب خطيب اختك ( لان بيت اختي كل كلمه والثانيه يقولون عندهم فلوس وعندهم مليارات وغيرهم لا) الحمدالله الغني موغنى المال غنى النفس والاخلاق
وقالي احترمي نفسك ياعقيره والله مابيعطيك اولاد واذا زوجك تزوج وحده ثانيه وجاب ولد علي تجهيزاته كلهم والدبايح علي لاوكان قاعد مع اخته الكبيره ويتفقون على كلام ويكتبون قلتله طبعا ويش بيطلع كلام من وحده عانس قالي عادي اختي حتى لوعانس عندها فلوووس وبيت كبير واصلا ابوي اهو اللي يصرف على ابوج ياحقيره يامن اصل حقير بقول يسبني ماعليه بس ليش يسب اهلي الااهما جدته وجده !!
صحيح انه حقييييييييييييير جرحني وكسر خاطري وقح وقلتله ماراح ادعي عليك بس دعوتك هذي راح ترجعلك
وانا الحمدالله انا وزوجي سليمين وان شاءالله ربي يرزقني ويفرحني في القريب العاجل يارب العالمين
وانا ماسب اواشتم احد الا لما يبتدي في شتمي وسبي بس دعوتك هذي ماراح ادعي عليك وعندي رب كريم راح ياخد حقي منك وقام يسب فيني ويستهزأ ويقولي اصلا انتي وحده لقوك اهلك في الشارع واخدوك ربوك وانتي بنت حرام ويضحك ضحك هستيري يبي ينفرزني
قلتله انت بجديه تقدف في عرضي وبتشوف ويش يصيرلك من ربي
شسوي الحين من اشكاله الوقحه هذا ولد اختي يسبني جديه اهو واخته اللي مايستحون على وجيهم كل هذا من غيرتهم
ويارب ياكريم يرزقني هالشهر بالحمل واقوله الخبريه واكسر خشمه اللي مايستحي على وجهه اللي مومتربي

>>>>> ردود الأعضـــــــــــــــــــاء على الموضوع <<<<<
==================================


الله يهديهم
خلك منهم وتوكلي على الله


__________________________________________________ __________

خليك منهم حبيبتي ولاتنزلي مستواك لالهم خليهم يطقو ولا عاد تردي عليهم بالتلفون خليه يرن لحتى يملو
واذا وصل الامر للاسوا خبري اهلك يوقفونهم عند حدهم
واختك وينها من كل هاذ؟؟؟
ونصيحتي الك ان شالله تحملي هاذ الشهر بس لاتخبريهم وخليهم يحكو اللي بدهم لانو ممكن يصيبوك بعين وحسد لحد ماتوصلي للشهر الرابع
لانهم مبينين غيرانين منك
طنشيهم عالاخر وخلي بالك من بيتك


__________________________________________________ __________

نفس اعرف شي واحد بس
انتي لييييش مخليتهم ع الواتس اب وهم اعدائك؟
وكمان تتكلمي معاهم ؟


__________________________________________________ __________

ليش وصلتو لها الدرجة السب والدعاء بالعقم والحقارة والكره بدون اسباب انه غارت اخته منك لانك تزوجتي قبلها وهي لا لاحول ولا قوة الا بالله لاعاد تكلمينهم وحاولي تصلحي بينكم


__________________________________________________ __________

لا تتكلمي معاهم الا للضرورة و لاتكثري حكي

الله يرزقك الحمل ينتج عنه ذرية صالحة آآآآآآآآآآمين

و يا رب يهديهم كيف ما كان الحال بيضلو ولاد اختك


.