كل من تساعدني والله لاادعي لها بالعمرهه تكفون ساعدوني محتاجتكم مجابة

[aksachli]

عنوان الموضوع : كل من تساعدني والله لاادعي لها بالعمرهه تكفون ساعدوني محتاجتكم مجابة
مقدم من طرف منتديات نساء الجزائر

كل من تساعدني والله لاادعي لها بالعمرهه تكفون ساعدوني محتاجتكم



سلام .
كيفكم .
آخباركم .؟
اه بس مدري وش ابدا وش اقول بس اتمنى مساعدتكم بنصايحكم .
انا حبيت واحد طبعا هو اخو صديقتي . وحبيته لدرجه الجنون وهو بعد حبني وجلسنا على علاقه لمده 3 سنوات وكبر فيها الحب وقال ابغا اخطبك قلت لا اهلي مابيوافقون الحين خله شوي لانه هو مو من قبلتنا فخفت اهلي يستغلون عذر البنت صغيره قلت خله ثاني سنه بالجامعه
وانا بداخلي تإنيب ضميري مابغا استمر على الحرام وهو نفس الكلام .
لان كلنا لله الحمد مآقد سوينا شئ حرام وغلط صح كلمنآ بعض وهذا غلط بس مآحنا رآضين عنه وضليت ادعي ان ربي يعفنا بالحلال وويسر لا امورنا ونتزوج .وهو نفس الكلام يدعي.
المهم ياحبايبي اللي صآر اخوي سافر وابوي مايدري عنا وامي مااهي موجوده مطلقه .
وانا كنت ابي لعبه رياضيه قلت لصديقاتي وكذا الا شوي صديقتي الي هي اخته قآلت لي اخوي كان يشتغل زمان بشركه للالعاب الرياضيه ويوصل طلبات وكذا وبيجيب لك بسعر حلو قـلت طيب مو مشكله وجاب اللعبه الريآضيه نزلت اخذتها من وراء الباب ولا تكلمنا ولا حتى عيني جات بعينه .
طبعا وقتها كان فيه خلاف بينا وبين جداني عشان كنا بنروح لامي وسوا فينا نذاله فـ مآكنآ نتكلم واحنا طبعآ بنفس عمارتهم الا شوي ينزل عمي جاري وضربني كف انا وقتها صحت قلت سلاماااات هذا مندووب مانت شايف لعبه رياضيه وجدتي جعل لسانها بالقص الله لايسامحهم وقالت اشب لبسك كذا ياوسخه قلت احترمي نفسك انا شريفه غصب عنك < هي للعلم تكرهنا مره .
وانا ماسويت شئ غلط وشوفي اللعبه الرياضيه .
وبطلي تتهمين الناس وبعدين هذا لبس البيت والي يسمعك يقول طلعت له ماشافني ولا شئ كله من ورا الباب .
وقلت مستعده اتصل على المندوبه تكلمكم وتتاكدون وهدو ويبون يخوفوني قالو تراه راح الشرطه بيحققون معاه قلت عادي خلهم يحققون اصلا ماني خايفه من شئ .
طبعا طلع عمي وكلمه وقآله الولد السالفه كلها وانه جاي جآيب لعبه ريآضيه وانه كان شغال فيها فجابها بسعر اقل واخته قالت له وصلها ماعندهم احد ومن هالكلام .
قال عمي معليش حقك علينا بس انا تسرعت وخفت انك جاي لمقصد وسخ قاله انا لو وسخ ونسيتي وسخه يممداني شرده بس انا انتظرتك ولا شردت ولا شئ .
وبعدين قال كأن ربي جآبك ابغاك بموضوع .
وآخذ رقمه دق عمي قال وش الموضوع قول .
قال لازم وجه لوجه قال
قال عمي هات نبذه
قآل انا اختي صديقه بنتكم وهي مدحتها لي بإخلاقها وادبها وابغآها على سنه الله ورسوله قآل ابشر انا اول من يوقف معاكم وبرأس عيالي بس وش وظيفتك قال انتظر تعيني وانا خريج جامعه قال خلاص بس يجي كلمني واكلم ابوها .
وقفلو على كذا

المهم حبايبي اللي بقوله انا وعمي مختلفيييين من زمان بينا مشاكل بسبب المنافقين الله لايسامحهم ولا نتكلم ابد ولا نسلم على بعض .
فأ الولد الي يحبني قال كذذا ان شاء الله نتزوج روحي كلمي عمك وتفاهمي معاه وقولي البنت كلمتنيً .
بس انا متردده قلت كلمه انت وخله يكلم ابوي وانا اجي اكلمهم بعدها .
وعمي بيني وبينه هواش حتى استغربت من ردت فعله .
وغير كذآ ابوي ضعيف شخصيه مالي كلمه ابد اذا قالو زوجها قال طيب اذا قالو لا قال طيب
مره ماينجز شغله لوحده .
وللعلم اخوي نفس الطريقه بس يصيح ويتمشكل معانا ولا ينجز شئ.
واخوي الحين بيجي من السفر تتوقعون يفتحون له السالفه .؟
اخوي غبببببي مايتفهم بس يضآرب ويصيح ولآعنده شئ اسمه نقآش ويحلم مايطلعنا وتعذيب وبس .
وانا مابي يفتحونها مو خوف بس ماني ناقصته هو خلقه نفسيه .
بيجي ويجيب امي فديتها معاه وامي قلتلها عن انه كلم عميً وانخطبت وقلت صديقتي قالت لي بس ماقلت لها سالفه انو جاب لعبه رياضيه وكذا وعمي ضربني كف لانها بتقلل وبتخاف وكذا .
وللعلم جدي اليوم الي بعده نزل لنآ وطلع باللعبه الرياضيه قال يجي اللعب عليها
يعني كان طبيعي ...؟
آنتو اش تشوفون ورده فعل عممي تبشر بالخير .؟
وتتوقعون يفتحون الموضوع لااخوي .؟
وانا ابي اتزوج تعببببببت والله اني كآنيً عايشه وحدي وحيده ماحد يجيب لي طلباتي ومرضت وربي ماحد وداني المستشفى راميينا ولا يسألون عنا ولا شئ وابوي ماششوفه الله لايسآمحه ولا ام فيه ولا اخ زي الناس .
فاحتاج رجل ابي اتزوجه لانه انسان طيب وبار بإهله وامي تموت فيه ونيتنا نبي الحلال .
الله يسعدكم ريحوني وسآعدوني وتكفون ادعولي والله لااعدي لكم بصلي وبإخذ عمره قريب والله كل من سآعدني لا ادعي لهه بالعمره

>>>>> ردود الأعضـــــــــــــــــــاء على الموضوع <<<<<
==================================

وآي سسسسسسسسسسسسسسؤال انا مسسسسسسستعده

__________________________________________________ __________

انا اشوف انك كان المفروض انك تكلمي عمك ياخذ الآلة الرياضية منه-
وكان المفروض انك تلبسي عباية حتى لو من ورا الباب علشان لا احد يلاقي عليكي مدخل
ذلحين ممكن ينشروا عليكي اشاعات
وكان من المفروض الولد مايكلم عمك مع هالموقف-لانه كذا راح يثبت شي مو فيكم.
----
ما ادري ايش اقول
بس الجأي لله بالدعاء والاستخارة والصدقة والاستغفار(ترا هذي الاشياء مو روتين)انا سويتها وربي فرجها عليا--والله يلم شملكم على خير.

__________________________________________________ __________

يا حبيبتي انتي ما غلطتي بشئ والحب ما عيب ولا حتي حرام طالما في حدود شرع الله ولكن ما ينفع برضة انك تهيني اهلك
عندنا مثل في مصر بيقول اهلي وان جارو عليا كرام
يعني ركزي في دراستك واتفوقي عشان تفوقك في دراسة هوة اللي هيعفيكي من الاهانة
وحبيبك لو مكتوب لك عند ربنا هتاخدية رغم انف الجميع
حافظي علي هدوء اعصابك ولا تردي الاساءة بمثلها يا بنت الكرام

__________________________________________________ __________

الله يوووفقك ويفرج همك ويسعدك في الدنيا والاخره حاولي تخلي الموضوع يهدى وبعدين تفتحين الموضوع وحاولي تخلي احد يتكلم عنك ..وان شاءالله ربي يسهل امري وامرك وامر جميع المسلمين ..

__________________________________________________ __________

الله يلم شملكم على خير.