عنوان الموضوع : حبيبي.. عيدي و عيدك عند قبرك -تم الرد
مقدم من طرف منتديات نساء الجزائر

حبيبي.. عيدي و عيدك عند قبرك



شلون يا ربي اقدر ؟؟ اشلون يارب....



صارت احداث كثيره بعد وفاته وكلها ترحق القلب..

بعد وفاة زوجي بأسبوعين بس كان ذكري عيد ميلادي...رحت عند قبرة وناديته: حبيبي وين الكيكة ابيك تقوم وتحتفل معاي ،، حبيبي وين الهديه؟؟ هديتك لي السنه اكبر مصيبة .. حبيبي كنا بنطفي الشمعة ال22سنه سوى انا وانت وبنتا ..بس انت طفيت كل شموع حياتي..
فجأه لفيت راسي وشفت روحي راجعة الفندق ودخلت الغرفة ولبست ثيابي ..وشوي رن تلفوني" عمري تعالي تحت انا انتظرك،،انا في الاستقبال" ..فرحت وقلت واخيرا طقت الساعة 8.اوووف اخيرا تمللت وانا انتظر ,, طالعت نفسي بمنظرة ، ابي اكون الليله اجمل وحده بالدنيا..
نزلت وانفتح المصعد وشفت حبيبي..يبتسم ويقول لي وحشتيني عمري...

قلت له بدلع "عيار"
"اتاخرت علي ..وين رحت؟؟ قال لي واهو يبتسم "ما بقول لج بس مثل ما وعدتج الليله بخليك تتمنين انه ما يطلع علينا النهار بسرعة..اذكر كلامه عدل
قلت له اوكي خلاص بشوف اول وبعدين بقرر اسامحك او لا وانا اضحك وماسكة ايده...
قال لي وين رايحة؟؟ تعالي خلنا نركب المصعد !!!! وقفت فجأه .."ليش ما بنطلع؟؟ زعلت وقلت في خاطري "سواها فيني ، يعين راح نقعد في الفندق وما راح نطلع يعني "

ركبت المصعد وانا اطالعة باستغراب واستنكار ،،وفجأه بدل ما المصعد يصعد للغرف نزل في الطابق الي تحت الارض.... عرفت انه محضر لي مفاجأه...بس طبعا اسوي روحي ماعرف!!!
سيارة لميزون وسايق يفتح الباب ويقول لي good evening madam
ركبت السيارة وانا مغمضه عيني نفس ما طلب زوجي ...واااااااااااااااااااااااااااااو حبيبي .... باقة رود كبيره تنتظرني في السيارة..
المهم طلعنا ووصلنا لمطعم .. كلم زوجي الموظف الي عند الباب وقال له في طاوله باسم.....
رحبوا فينا ...دخلت .."عمري احبك..شكرا ..انا مستانسة واايد" ما عرفت شنو اقول له الفرحة مو شايلتني ..الطاوله كلها ورد وشموع..

خلصنا العشى.... وبعدها بلحظات سمعت صوت شفت الرجال الي يعزف على الجيتار جاي جمبي ويعزف لي و حبيبي يغني معاه happy birth day.......... يا الله شنو مستانسة انا ..........

لما خلص وراح بست زوجي وقلت له "حبيبي انت شكرا ..اموت فيك والله "
مرت على هذي الساعات مثل البرق...صارت الساعة 12 وراح يسكرون المطعم...

رجعنا الفندق... ودخلنا الغرفة ونمنا...... كانت ليلة حلوة ما راح انساه تفاصيلها طول حياتي..

يوم ثاني كان حبيبي حاجز لنا عشى على يخت ..تكمله ليوم عيدميلادي"وطبعا ماتوقعت انهفي مفاحأه غير ..."
"انا وايد فرحانه حبيبي..انشالله السنه الجاية يكون معانه ولدنا..يارب...الله يمد في عمري علشان اخليك اسعد انسان في هدنيا مثل ما انت مخليني اسعد وحده في الدنيا...للحظه حسدت نفسي وقلت في خاطري"يالله انت عطيتني احسن رجال بالعالم ..مخليني اعيش ملكة زماني..الله لا يحرمني منه و يخليه لي يارب ..انا ما اتصور حياتي بدونه ..يالله انت عوضتني وخليتني اسعد وحده بالدنيا"...
واحنا قاعدين على الطاوله فرحانين ..نسولف..مع اهله..جابو العشى..وتعشينا ..وبعد شوي نادتني اخته وقالت لي خلنا نركب فوق ونصور ..المنظر وااايد حلو..
طبعا رحنا كلنا ..انا وحبيبي ..واخته وزوجها..واخته الثانية وخطيبها ..وصورنا كل شوي بلقطه غير..وبعدشوي قلنا يالله خلنا ننزل...
..
"واااااااااااااااااااااااااااااااااااااااااااا اااو "كيكة مرة ثانية..وام زوجي وابوه وخالته وزوجها وعيالها يغنون لي .."ومرة ثانية الجيتار بس هلمرة لفترة اطول.." يالله انا واايد فرحانه"..
شوي ووصلت الهدية ... "احلى ساعة لبستها" ..."بس حبيبي انت لبسني ""شكرا حبيبي"....


وبعد شهر من الوناسه والراحة رجعنا لبلد مرة ثانية ..
رجع حبيبي للدوام..بس انا ما زلت اسعد وحده بالعالم ،،بس البيت كبير وفاضي نحتاج احد يونس حياتنا ويكون ثمره لزواجنا ..
بس خلنا شوي بعد ما صار لنا شي من تزوجنا ،كلها 5 شهور ،، خلنا نعيش حياتنا ..
احنا في شهر 9 الحين...

مرت الايام كلمح االبصر ودخلنا شهر 10 وصار يوم عيده...
عيد ميلاده 28..
الساعة اربع دخل البيت كالعاده بعد انتهاء الدوام .."عمري ..انا رجعت" رحت اركض له واوقف عند الدرج .. اخذني بحضنه نفس كل يوم وباسني على خذي وقال لي وحشتيني..بروح اخذ دوش سريع وانا طالع .. خلي الغذه بموت من الجوع....
مرت الساعات بسرعة كعادتها لما اكون معاه وصارت الساعة 8 ..يعني حان موعد الخروج...

جهزت ملابسه ولبسته وعطرته,, ما اخليه يتعطر بروحة لازم انا اعطره..اهوه تعود ،،يعني اذا انا في الصالة مثلا واهو مستعجل في الغرفة ياخذ العطر ويجيبه لي ويقول يالله حبيبتي عطريني بسرعة ..

طلعنا وتعشينا ...
صارت الساعة 12 ونص
ورجعنا البيت...
قلت له حبيبي خلك في السيارة انا بنزل البيت ،، طالعني باستغراب وقال" انزين بنزل وياج" قلت له "لاء"
انت انتظر في الكراج وانا بتصل لك بقول لك ادخل...
عرف انه انا عندي مفاجاة له بس عمل نفسه ما يعرف ،،دخلت البيت وناديت الخدامه " ها كل شي اوكي ؟؟ سويتي الي وصيتك عليه؟؟

اتصلت لزوجي " يالله عمري تعال"
اول ما دخل مسكت يده وطالعني "ليش ما خليتيني ادخل معاج؟؟ وكأنه مايعرف اني ابغي افاجأه!!
يطل يمين ويسار بس مافي شي..

ركب الدرج ودخل الغرفة..
"وااااااااااااااااااااااااااااااااااااااااو" متى سويتي كل هذا؟؟؟
شموع على الارض وورد على السرير وكيكة على الطاوله وبالونات وووو...
"حبيبي احاول اقلد عليك واسوي نفس ما تسوي لي,,انشالله يعجبك....
مسك ايدي وقال لي "احبك......"
مرت الايام وبعد حوالي شهر رحت المختبر مع وحده من صديقاتي وسويت تحليل دم ،قال لي الي بمختبر النتيجة تطلع بعد ساعة..تقدري تتصلي وتاخذي النتيجة...

رجعت البيت وانا انتظر على احر من الجمر ..كنت اشوف فلم مع زوجي ..
مرت ساعة.... اتصلت .... و زوجي يطالعني..
صرخت ..شكرا شكرا مع السلامة..

"حبيبتي اشقيك؟؟؟
قلت له ما راح تصدق!! انا حامل............
وقف على طوله وقام ينط وينط وكأنه واحد ينتظر خبر حمل زوجته من 20سنه !!ودمعت عيونه ولمني بقوه وقال ما اصدق ..بصير ابو...ما اصدق..

وبعد اسبوعين تقريبا رحنا المستشفى وسمعنا لاول مرة دقات قلب الجنين ...كنت اسمع دقات قلب زوجي قبل ما اسمع دقاق قلب البيبي ...الدنيا مو مسعيته من الفرح ويقول لي "عمري سمعي ..سمعي دقات قلب ولدي .. انا مو مصدق...
اتذكره لما طلعنا من المستشفى ماخله احد مااتصل فيه ..لدرجة اني تفشلت منه وقلت له بس خلاص الناس بضحكون علنا..

من اول يوم ابتدينا نشتري ونجهز للمولود ..مانعرف ولد ولا بنت ..بس نبي نشتري وخلاص..كل يوم شكل..كل يوم موديل..لدرجة اني ماعرف شنو خذينا وشنو خلينا!!

"قومي يا بنتي حرام عليج ..لا تسوين جذي ...طلبي له الرحمه..اهوه في مكان احسن منا الحين ..الله يخلي لج بنتج ويعوضج فيها"

كانت هلكلمات نفس الصاعقة الي نزلت علي ...رفعت راسي شويه ..ألتفت يمين ويسار بس ما لقيت شي غير القبور وذاك الشخص الي كان يقول لي قومي يا بنتي....

طالعته باستغراب ..اشفيه هذا؟؟شنو الي جابه ؟؟شنو الي جابي اهني؟؟ هل هذا كان مجرد شريط للذكريات ؟؟لالالالا



بقى الحين اسبوعين بس على عيد ميلادك حبيبي ....شلون راح اقضيها بروحي...انا وعدتك اني راح اخليك دايما اسعد انسان بالدنيا بس انت الي غذرت فيني ..انت كذبت علي ..قلت لي ساعة حبيبتي وبرجع ..مر الحين شهرين ومارجعت!!!لي متى انتظر؟؟؟

..انت الي وعدتني انك ما تتركني ابد ... بس تركتني بلمحة بصر...آآآآآآآآآآآآآآآآآآآه يا عمري وينك ؟؟ ابي اكون معاك ..ابي احس بدفا حضنك..ابي تلمني وتقول لي ما راح اتركك مرة ثانية ..اوعدني ارجوك..اوعدني انك ماراح تغيب مرة ثانية ..اوعدني انك ترجع لي بسرعة بعد ما تخلص دوامك..اوعدني انك ما راح تنساني ولا تفكر بغيري..اوعدني انك تحبني طول عمرك

>>>>> ردود الأعضـــــــــــــــــــاء على الموضوع <<<<<
==================================


السلام عليكم ورحمة الله وبركاته

يا قلبي والله لم اتحمل قصتك هذة
ودموعي عم تنزل مثل المطر
تأثرت كثيراً بهذة القصة
الله يصبرك في مصيبتك
إنا لله و إنا إليه راجعون , رحم الله زوجك وجعل مثواه الجنة
وانزل منزل الصدقين والشهداء إن شاء الله , أسأل الله ارحمن الرحيم أن يلهمك
الصبر و ينزل على قلوبكم السكينه و لا حول و لا قوة إلا بالله العلى العظيم
قلوبنا معك احلى زوجة
والله يجعلها اخر الاحزان


__________________________________________________ __________

بجد تأثرت مررره بقصتك

بصراحه لحظــاتك وأيامك معاه من أروع أيام عمرك

وما ألووومك على تأثرك برحيييله..

بس يا حبيبتي أحتسبي الأجر وأصبري

وربي يعوضك ويجمعك بحبيبك في أعالي الجنـــآن

آآآآآآمين يااارب
/
/


__________________________________________________ __________

الله يعوضك يارب


__________________________________________________ __________

الله يصبرك يارب

بجد بكيت من قلبي

كنت زعلانه من خطيبي واصلت وصالحتو

لانو بجد معيشني احلى لحظات حياتي

خفت لمن قريت قصتك

الله يريح قلبك بحق واحد احد

قولو امين


__________________________________________________ __________

الله يساعدج لكن طبعتي بقلبي جرحج
دموعي خانتني عشانج
الله يصبرجج