عنوان الموضوع : أأأهـ..وين امس و وين اليوووووم؟فضفضت لكم..وابي مساعدتكم..ضاقت بي الدنيا.. -تم الرد
مقدم من طرف منتديات نساء الجزائر

أأأهـ..وين امس و وين اليوووووم؟فضفضت لكم..وابي مساعدتكم..ضاقت بي الدنيا..



السلام عليكم..اخواتي..انا ودي اطلع اللي بخاطري كله وابيكم تسمعوني لاني ما اقدر اقول لاحد عنه ..ابي ابكي وابي افضفض..وابي رايكم ومواساتكم لي لان الوسيعه ضاااقت علي..يااااارب رحمتك...انا يابنات مررره حلللوه..وجامعيه ومحافظه وحبوبه وراعية بيت..كل اللي يعرفوني يحبوني من كنت بالمتوسط وانا انخطب..والله ما اروح مكان الا انخطب فيه لدرجة امي صارت ما تخليني اروح معها لبعض العزايم..لانها ماتبي تزوجني الا اذا خلصت جامعه..وبالفعل مرت الايام وخلصت جامعه..اناا يا بنات عندي ضعف نظر..ومسبب لي انحراف بسيط في عيني بس اللي يشوفني يقول هذا حور وعلامة جمال لان عيوني واسعه وحلوه..المهم زاد الانحراف شوي لدرجة اني اذا ناظرت احد يتلفت ورى يشوف اناظره او اللي وراه..هنا انا تعقدت بالرغم ان الناس مازالوا يثنون على جمالي ويخطبوني باستمرار..تعبت نفسيتي وقررت اروح المستشفى واكشف..فلما رحت قالت الطبيبه..فيك حول..انا انصدمت وقالت فيه عمليه بسييييطه جدا لعضلات العين وتصير طبيعيه..انا استخرت وتوكلت على الله وقلت راح اسويها..وحددت موعدي بعد 5شهور..انا انخطبت بها الفتره ووافقت وتحدد الزواج بعد 7شهور..كنت مرره مبسوطه انو العمليه بسيطه واني راح اكون اجمل باذن الله وان ثقتي راح تزيد بنفسي..وكل اللي حولي يغبطوني على زوجي..المهم جاء موعد العمليه ورحت وسويتها..المصيبه يابنات..لمل جيت افتح الضماد بعد العمليه..انو عيني صاااااااارت مرررررررررره حولا..يخوف شكلها..اناا نهرت..وجلست ابكي..ونفسيتي عدم..باقي ع زواجي شهر ونص..كرهت نفسي..ماصرت اطلع لاحد جاني اكتئاب..اهلي بس يلوموني ويهاوشوني ليش سويتها..اول كنت احلى..انا جلست ادعي ع نفسي بالموت..ماابي الزواج يتم..بعكس قبل كنت احلم بايام زواجي..ايش كان بسوي؟وراح اكون اسعد انسانه..لكن لما سويتها..صااار شي ثاني..ماعاد اطلع لاحد..ما خبرت اخواتي اللي في مدينه ثانيه لان اهلي بس يلومون ما عندهم اسلوب مواساة..قام اخوي يوديني لمستشفيات ثانيه عشان اسوي عمليه ثانيه تصحح وضعي..لكن كلهم رفضوا..يقولون لازم وقت بين العمليتين..وانا كان ابيها قبل زواجي اللي باقي عليه شهر..بنات اصعب ايام حياتي كانت..بس بكى وادعي ع نفسي واكتئاب غير طبيعي..ايام مامرت ع عروس قبلي..المهم جاء وت زواجي..وجاو اخواتي يخضروه لما شافوني..جلسوا يحسفوني..وليش سويتي؟وليش ما قلتي لنا..انا ما عاد باقي مني شي...النفسيه زفت والزواج باقي يومين..المهم جاء يوم الزواج..ورحت للمشغل والنفسيه صفر وانا اشوف العرايس اللي معي مبسوطين ويضحكون..وانا في هذيك اللحظه ادعي اني انزف للمقبره..تزينت مكياج وتسريحه ونزلت شعري ع عيني عشان ما احد يشوف لان ما احد يدري غير اهلي..كانو اللي بالمشغل معجبين فيني ويقولون انتي احلى عروس..بس ماكنت اهتم بكلامهم...المهم مر اليوم ودخلت ع زوجي وجلس يضحك ويسولف..ماكان داري..فلما شافني انصدم..بس اليوم الثاني جلس يقول خليك عادي انا قابل فيك لو وش كنتي..يا بنات زوجي كااان مرره فاهم..وعاقل..لقيت عنده اللي مالقيت عند اهلي..نفسيتي تحسنت صار يعزز من ثقتي بنفسي..المهم مرت شهور وقالوا اهلي وشرايك نروح نشوف مستشفى ثاني..علمت زوجي وقال عادي انا مستعد بكل شي..مريت ع اكثر من طبيب معروف الي يقول ماينفع واللي يقول ممكن لكن مش مضمونه و واد بالمغربي قال عمليه بسيطه و يكون وضع العين اوكي..اهلي بعضهم قال لا تسوين وبعضهم قال توكلي ع الله وزوجي قال عادي سويها..استخرت ورحت اسويها..المصيبه الثانيه..لما جيت افتح الضماد..نفس الوضع الاول لكن هالمرره حول زاااايد...انا انهرت للمره الثانيه..وزوجي بس يهدي فيني..وانعاد سيناريو العمليه الاولى بحذافيره..بكاء وانطوائيه و تعب نفس,,ما اطلع لاحد واذا طلعت نزلت شعري ع عيني..ما عاد عندي ثقه بنفسي..ادعي ان الله يرزقني حسن الخاتمه..لان ما عاد ابغى شي من الدنيا..تغيرت حياتي..سبحان الله العام مثل هالايام كانت خطوبتي..وكنت كلي حيويه وتفاؤل..واليوم انا وين و وين الامل؟..بس مسكره ع نفسي..ما احضر مناسبات بالرغم اني اكنت اجتماعيه من الدرجه الاولى..اهلي سافروا يحضروا زواج قريبي..وانا رفضت اروح..لاني ما ابغى احد يشوفني..وكذبت قلت اننا بنسافر..واحنا ببيتنا..بات من جد لم اتذكر مثل هالايام العام الماضي..بس ابكي..لدرجة اني تغيرت..ماني مثل اول..والله احكي لكم معاناتي ودموعي ع خدي..ما عاد اشوف الكيبورد..اخواتي..قلت لكم الشي اللي ما قدرت اقوله لاحد..في خاطري من سنه..ابيكم تساعدوني و تطلعوني من اللي انا فيه..تواسوني..تصبروني..تدعون لي..تكفووون لاتمرون ع موضوعي مرور الكرام..انا اختكم وفضفضت لكم يوم اشوف تعاونكم مع بعض..بنات الحين انا قاعده اعالج نفسي بالرقيه وماء زمزم والدعاء والاستغفار..يااارب تصلح عيني يااارب...هذا اللي بخاطري..طلعته لكم..احس اني ارتحت شوي..بس ابيكم بعد توقفون معي الله لا يحرمكم الجنه واجر تنفيس ع مكروب...عذرا ع الاطاله بس كله عطول من قلبي بدون ترتيب....اختكم في انتظار مساعدتكم...........................

>>>>> ردود الأعضـــــــــــــــــــاء على الموضوع <<<<<
==================================


مااقول غير الله يشفيك واستمري بالرقيه شكله عين صابتك الرسول قال ثلث امتي تموت من العين استمري بالرقيه واتعالجي لا تيئسي عسى الله يشفيك وتفرحي ويجعل ايامك الجايه فرح شوفي بلوة غيرك تهون بلوتك
يااارب ادعيلك من قلبي الله يشفيك امين


__________________________________________________ __________

السلام عليكم ورحمة الله وبركاته

.بس ابكي..لدرجة اني تغيرت..ماني مثل اول..والله احكي
لكم معاناتي ودموعي ع خدي..ما عاد اشوف الكيبورد.

عزيزتي حرم وافي

اولاً البكاء يضر بالعين لماذا تبكي ؟؟

خلي ثقتك بالله قويه هذا شيء مقدر ومكتوب

تابعي مع طبيبك بالحرف وستري نتائج جيدة في النهاية

ويفضل ايضاً لو استشرتي اختصاصي موثوق و خبير

وحمدي الله ان زوجك واقف معــــك الله يجازيه كل خير

ما عليك فعله يا أختي هو ان تطمئني ربما تريد العين بعض من الوقت

لكي تسترد وضعها لا تستعجلي الامور

اهم شيء لا تنفعلي ولا تبكي وراجعي طبيبك ونظري ماذا يقول لكِ

نسأل الله ان يشفيك ويعافيك ,,

تحيتـــــــــي ,,
----------------------------


__________________________________________________ __________

الله يشفيك شفاء لايغادر سقما

عزيزتي خليك متفائله وانسي الايام اللي راحت ولا تحاولي تفكري باللي صار واحمدي الله على هالنعمه واتذكري انه فيه ناس تتمنى تشوف الدنيا فاقده هالنعمه لكن وصلو مناصب ماشاء الله
وان شاء الله ربي راح يرزقك بمولود ينسيك كل هذي المعاناه واصبري واحتسبي الاجر واوصيك بصلاة الليل والدعاء الدعاء الدعاء


__________________________________________________ __________

اللهم شافيها وعافيها يارب تصير عينك احسن من اول
والله انقهرت عليك الله يعينك احمدي ربك على كل شي


__________________________________________________ __________

نصيحه من أخت تحبك مغربي لا تروحينه تراه فااااااشل عن تجربه

روحي مستشفى العيون اللي في الرياض لأنهم متخصصين بهالشي أهم شي جيبي ورقه من الأماره وما راح تندمين

وبعدين أتوقع انتي محتاجه دورات لتطوير الذات وزياده الثقه واضح ثقتك في نفسك معدومه ولا تسمحين

لأحد يهز ثقتك في نفسك

تذكري النعم اللي أنتي عايشه فيها جامعيه وحلوه ومتزوجه دايمآ فكري بالأشياء الحلوه فيك ولا تفكرين بس

في هالعيب الوحيد اللي مع الأيام بيتصلح ان شاء الله وقبل ما تصلحين عمليه اسألي الدكتور وش نتايجها

ووش الآثار اللي ممكن تترتب عليها أطلبي منه يكون صريح

عادي فيه وحده أعرفها سوت 3 عمليات وفي رابع عمليه نجحت ليش تحطمتي؟؟

الله يوفقك ان شاء الله ويبدل همك فرح