عنوان الموضوع : اخت زوجي وحركاتها فيني ابي حل
مقدم من طرف منتديات نساء الجزائر

اخت زوجي وحركاتها فيني ابي حل



السلام عليكم
موضوعي محتاج وحدة طويلة بال لانة طويل
ادخل في الموضوع مباشرة وابي مساعدتكم تكفوووووووون اخت زوجي عندها تصرفات غريبة جدا معاي وانا واللة مليت وقربت انفجر وارتكب جريمة لانة الصبر لة حدود وراحة اذكرلكم بعض وليس كل هذة المواقف ولو الفت كتاب ماراح اوفييها حقها في الكذب والنفاق مع العلم كل اللى راح اكتبة ماراح تصدقون انة من وحدة ملتزمة ومحجبة وما تظيع فرض


ومن هذة المواقف مرة من المرات كانت عندي وقالتتبغى تروح السوق ووداها زوجي وكنت معاهم وانا خارجة كنت جالسة البس العباية ولبست النقاب شافتني وسكتت وطلعنا السيارة واحنا في الطريق شهقت فجاءة فجعتني ايش فية قالت ايش النقاب عيونك باينة ما يجوز واللة لو زوجي يشوفني سويت زيك واللة لا يفقع عيوني انا التفت لها قلت هذا زوجك مو زوجي زوجي طل فيني يعني غطي عيونك المصيبة الطرحة قصيرة والنقاب مافي شال قلت خلاص لو ما عجبك نرجع بلاش سوق قالت لا لا خلاص وسكت زوجي شافتني بالبيت ومسوية ملتزمة ليش ما كلمتني ليش لما اطلع السيارة قدام اخوها حسبيى اللة

موقف كمان انا متعودة اشتري ملابسي من محلات معينة واللة يشهد مو غالية مرة بس اسعارها كويسة في التخفيضات في وقتها تخفيض وهي عدنا قلت ياللة نروح قالت ياللة منها اشتري معاكي للعيد زوجي صحي من النوم قلتلة قال ياللة اوديك شهقت شهقتها المعتادة وقالت ياللة تشتري من هذا المحل ملابسة مرة غالية حتى في التخفيظ في ملابس حلوة مرة واسعارها من 30 و40 ريال بغيت اتجنن توها تقول بروح معاكم اقضي وعند اخوها تقول غالي وفوقها تذكر اسماء محلات رخيصة وقريبة مننا نروحلها قال زوجي ايش رايك واللة احسن واوفر قلت روح وديها هي انا لا ما ابغى اروح مرة ثانية محلاتي اللى العادة اشتري منها باللة ايش اسوي فيها احرقها والين اليوم كل ما اقول لزوجي بروح السوق يذكرلي الاسواق اللى ترحلها اختة مع العلم ان اختة ما تلبس الا ماركات القطعة فوق الثلاثمئة واللة خرابة بيوت احس تحقر فيني مع العلم اني في المستوى المادي والاجتماعي والتعليمي اكثر منها بس متواضعين جدا


موقف اخر يجي وقت الصلاة ما خلص المؤذن من نداء الصلاة تقول اللة يهديكي قومي صلي شوفي حالك كيف من تاخير الصلاة انا اطل فيها واستغرب ما خلص المؤذن من النداء تقول كذا اذا خلص يمكن تحكم على بالكفر مع العلم انها تعرف اني انا السبب بعد اللة من مواضبت اخوها على الصلاة والكل يشكر فيني ويشجعني وكلة هذا قدام اخوها بس لو نايم او مو موجود ما تقول كذا

موقف اخر خلصت العطور عندي وطلبت من زوجي يجيب عطور وهي كالعادة عندي قال زوجي خلاص ابشري قال طيب من فين نشتري ذكرنا اسم محلات شهقت شهقتها المعتادة ليش مرة هذة المحلات غالية وقالت في جريدة من الجرايد الاعلانية منزلة عرض خمس عطور ب 250 ريال فرح زوجي قال معقول جلست تمدح في العطور اقتنع زوجي وما رضي اخذذ من الغالي بعد ما انقلعت بيتها بالقوة اقتنع بعد ما وريتة مقالات في النت يحذرون من العطور الرخيصة المقلدة مع العلم تشتري اغلى العطور وتوريني اياها بس مو قدام اخوها


موقف اخر الحمد للة اجهظت ثلاث مرارت وكل مرة اروح مستشفى تكلم اخوها بلاش خساير راح الجنين روحوا لوحدة عجوز ممرخة تعطيها اعشاب تنظفها ومن هذا الكلام ورفضت قلت اروح مستشفى لو حكومي ما اروح لحريم زعل زوجي يقول شوفي فلانة وعلانة راحوا انا رحت لاهلي وودوني مستشفى وكل شي تمام وانا هنا شلت عليها مرة

موقف اخر كنت جالسة على التلفزيون والروموت كنترول في يدي زوجي طلبة قلتلة بمزحة وروح الحب لا شهقت شهقتها المثالية وي واللة لو زوجي قلتلة لا يذبحني زوجي كانة حس بنقص لرجولتة وطل فيني يعني اعطيني الروموت واعطيتة ايش اسوي بيها قلتلكم شكلي باحرقها


موقف اخر مرة صحيت من النوم كانت نايمة عندي وجلست الين صحي زوجي وجلسنا وفطرنا بعدها قالت واللة ما عرفت انام طلعتلى دودة وع وع وريحة الغرفة كانها ريحة غنم ما قدرت انام انا استحيت قالت من شمها عمها والدودة يمكن من شنطتك ماعندي حشرات وفرحت ان زوجي رد وقال يمكن من الخارج المجلس جنب الباب وبس انتي انزعجتي من الريحة احنا ما حسينا بشئ مع العلم ابوها راعي غنم وعاشت بين الغنم بس الحين تحسست منهم عجيبة

موقف اخير كانت مرة نايمة عندي وصحينا متاخر على العصر قمنا لقيتها عملت الغداء مع العلم الغداء تقريبا جاهز الدجاجة متبلة بالصينية من اليلة الي قبلها بس عملت رز ابيض بالماء والملح وسلطة التقليدية وحاستلي المطبخ حوس بحجة ماتعرف مكان الملح وهي كل يوم ناطة عندي وتبات بالايام واول ما قمنا قلنالها انا وزوجي يعطيكي العافية ردت على قدام زوجي تقول لة بنات اليومين كسلانات مرة مايقومون الا عند العصر قلتلها كل يشوف الناس بعين طبعة وبالفعل زوجها طفش منها طول الوقت نايمة لدرجة يطلب من عندنا احيانا اكل


اخر موقف هد حيلي بالفعل وزعلت مرة كانت بتروح لاهلها في قريتهم زيارة المهم فجاة بنسولف ورتني شئ بجوالها وبدون قصد رجعت للصور للخلف انصدمت لقيتها مصورة بيتي كامل حتى الحمامات شفت كل الصور بدون ارادتي عملت مسح لكل الصور حتى حقتها الشخصية اللى زعلني اكثر من الصور غرفة نومي والمصيبة الصور اللى معلقة على الجدران حقت زواجي وملكتي باينة بس الصراحة مو مرة بس باين صور عرسان قالت واللة بدون قصد نسيت اقلول لك اخواتي يبون يشوفون بيتك ما عمرهم زاروني قلت الواحد يستاذن والمصيبة زعلت على الصور اللى اتمسحت الشخية وبقوات عين راحت تقول لاخوها انة بيتك مو بس بيتها زوجي زعل قلتلة اذا المفروض تستاذن مني ومنك هو بيتي وبيتك في نفس الوقت غير كذا قلتلة على صور غرفة النوم زعل وقالها خلاص اتمسحت الصور وانتى الموضوع

ايش رايكم ياجماعة ايش اعمل فيها هذة الحرمة بعدها دقت بيومين من قريتهم ولا كانة شئ صار وانا محروقة مع العلم سبب زيارتها الكثيرة عندي كل شهر تبات فترة الدورة كاملة الين تخلص دورتها بحجة زوجها ما يحب تكون معاها الدورة وانتوا فاهمين طبعا ايش رايكم

والسؤال الاهم انا دحين لما احكيلكم تعتبر غيبة ونميمة او ايش

>>>>> ردود الأعضـــــــــــــــــــاء على الموضوع <<<<<
==================================


الله يعينك وهي طول وقتها مطيحه عندكم وش ذا
لا كن ابو طبيع ماايجوز عن طبعه
لا تتعبين روحك واصبري عليها


__________________________________________________ __________

ياالله هاذي ابليس بجسم امراءه-اولا-دايما اذا جتك قولي اللهم اكفيني شرها بماشئت-ثانيا عامليها بطريقتها دوري اخطائها قدام زوجك وزوجها لوتقدرين بس انتبهي تبينين لزوجك انك تكرهينها-ثالثا-اذا جت تنام عندكم اطلعي انتي وزوجك لاي مكان بكثره -حتى لوتتعمدين زيارة احد لاهله واللى لاهلك او الجيران المهم اشغلي نفسك كثير عنها لاتسولفين معها سواليف خاصه ولاتعلميها اسرارك-روحي غرفتك-اعتبريها كانها مي موجوده باالبيت بس لاتعصبي عليها وتطرديها بتمسكها عليك=طنشيها باالعربي-


__________________________________________________ __________

أختي الحبيبة...........
أولا...استعيني بالله في كل أمورك وادعي الله أن يصرفها عنك وتصدقي بنية أن يحفظ الله عليك زوجك وبيتك وعامليها بأصلك.
ثانيا...لاتسكتي على أخطاءها بل وضحي الصورة لزوجك أمامها بكل هدوء وطمأنينة حتى لاتستزيد وتشعر بضعفك.....
ثالثا...ناقشي زوجك بهدوء في تصرفاتها وكيف أنها تستثيرك وأنك تصبرين عليها إحتراما له..........
رابعا...بعدموقف الصور الذي قامت به أوصدي كل الأبواب في المنزل عدا المطبخ والحمام ومكان نومها..
خامسا...وضحي لها بطريقة غير مباشرة أنك طالما واثقة من نفسك فلا يهمك مايقوله أو يفعله الآخرين.
سادسا....تجاهليها تماما ولا تتحدثي معها إلا بالعموم..
سابعا.....إياك أن تخبريها أو تريها عطايا زوجك لك وتظهري حبه لك أمامها...
ثامنا...أثناء وجود زوجك كوني رسمية معه ومعها وإذاسألك عن ذلك قولي له إنك تتجنبين أي أمر قد يثير أخته وبالتالي يثيرني فأتعدى عليها وهي في في أرضي..
تاسعا...بالمقابل كوني معها صاحبة واجب بإعطاءها حقها كمسلمة فهذا يجعلك كبيرة في نظر زوجك.
عاشرا...أسأل الله أن يسددك ويجنبك شر شياطين الانس والجن وعليك بالأذكار اليومية وتحصين بيتك وزوجك ونفسك وأبنائك...دمت بخير


__________________________________________________ __________

الله يعينك بس تحمليها عشان خاطر زوجك انا مثلك اخت زوجي عقرب والله مااقول كلمه عشان زوجي عسل

مايستاهل اضيق صدره وهو داري انها عوبا بشكل خورافي ومتعب ويدري اني اتجاهلها كثير لدرجة انوا

سافرنا عشان عمل زوجي وراحت معنا ماتتخيلون وش كان شعوري مكتووومه بس عدت على خير الله يطول

بالي ويصبرني ويزوجها وافتك حتى تخيلي زوجي يبي يوديها يمشيها فمول ومطعم تقول لا مابي اروح معكم

ينجرح واليوم الثاني تروح مع احد خوانها يختي حريم عقولهم رديه والله لو اني مكانها لااحط اخوي فعيوني


__________________________________________________ __________

اللة يعطيكم العافية ردووود ريحتني اللة يرزقكم ما تتمنووون
نسمع تجارب البنات وينكم