تقولون ليش تكرهين اهلج اقول لكم دشو بتعرفون ليش
عنوان الموضوع : تقولون ليش تكرهين اهلج اقول لكم دشو بتعرفون ليش
مقدم من طرف منتديات نساء الجزائر
تقولون ليش تكرهين اهلج اقول لكم دشو بتعرفون ليش
طبعا الكل مستغرب شلون تتجرأ بنت وتكتب هالكلام
بس في وايد ناس غيري يكرهون اهلهم يعني مو بس انا وبقول لكم ليش:
ترى محد ساندني بهالفترة حتى اهلي احياناً احس انهم مايفكرون فيني
احيانا ادعي لربي اني اموت بس على شرط اني ادش الجنة
مع اني بنت تصلي ومتحجبة وخاشية ربها الا اني اكره اهلي ومادري ليش كلا اطيع اوامرهم بدون ماقول لنفسي ليش في مرة حسسوج انهم اهلج ويحبونج؟؟؟
ليش يدللون اخواني وخواتي وانا لأ؟؟؟
وطبعاً كل انسان حاطط قناع على وجهه وانا قناعي وجه فرح علشان يخش وجهي الحزين الشاحب الي ما مر يوم ما صاح
ولو يسمعون اهلي هالكلام بيقولون يالنكارة يا ضياع الترباية فيج شكثر احنا نسويلج وكل شي تبينه عندج لما تطلبين جوال اكو عندج بلاك بيري ما تطلبين كمبيوتر اكو عندج لابتوبين واي باد لما تطلبين ملابس جديدة اكو نترس لج الخزانة ملابس ماركات جديدة
بس عمري ما تجرأت اطلب منهم يوثقون فيني تدرون ليش؟؟؟
لنهم يوثقون بأنسان غريب حرامي عاصي كافر يشرب خمر
ومايوثقون فيني
هذا واحد من ولا شي
ليش كلا يدرسون اخواني وخواتي وانا مو فاضيين لي ليش برايكم؟؟
تدرون شيقولون انا بقولكم
لما اروح عندهم يكونون مشغولين بالشغل ولا قاعدين يسولفون ولا فاتحين عالتلفزيون اقولهم ليش ماتدرسوني؟؟
يقولون لنج شاطرة ومايبيلج حد يدرسج...
والله!!
من صجكم!!!
لا ويلفون وجههم ويستئنفون شغلهم بدون حتى مايفكرون بالسؤال وليش قلته
لو فكرو كان جوابهم غييييييير
تتحدون
لا تقولون لي يشتغلون علشانكم والله انا افضل الي مايكون عندي كل هالأكترونيات والالعاب بس يكون عندي اياهم تسئلوني شلون يعني اقولكم مايفضوون لي ولسوالفي ولما اقولهم وش صار معاي بالمدرسة يهزون راصهم يعني فاهمين
والله!!
من صجكم!!!
شاغل بالكم الشغل ومطنشين سوالفي!!
الشرهة مو عليكم الشرهة على دلاختي الي جاية اعطيكم من وقتي وعارفة افكاركم في الشغل وفحياتكم
لما اقعد بالحمام ساعات اصيح واقول ياربي لييييش
لما انحشر بزاوية بالحمام واقول مووتيييييييي موتييييييي واضرب راصي بالطوفة نفس الي فيهم توحد
بتقولون لي فيج حالة نفسية
بقولكم هذا حالي كل يوم
لما ادرس واجتهد واشد حيلي مو علشان مستقبلي علشان ارضيهم واحسسهم اني شاطرة وبالاخر لما اجيب 88 من امية ولا 92 من امية يقولون ليش مقصرة؟؟
والله!!
من صجكم؟؟
والله من صجك تسئلوني هالسؤال وانا الي قاعدة ادرس نفسي واحاول اجتهد بس الشرهة مو عليكم الشرهة علي انا الي كل فكري ارضيكم مفروض استانس على نفسي اني جايبة هالمجموع احسن من اسقط
بس متى بيفكرون بعطيكم احتمالين متى بيفكرون فيني
مرة لما
اكبر واتخرج ويصير عندي دخل وشغل واحصل من وراه فلوس تدرون وش بسوي لما تصير كل هال اشياء؟؟؟
لما بيصير عمري 18 محدة مسؤول عني محد يتحكم فيني تدرون وش بسوي؟؟؟
بتمر ليلة من هالليالي الكئيبة بكون حاجزة تكت بالطيارة وبجهز شنطتي للأبد مارح اخذ معاي الا ملابسي وعطوري واغراضي الشخصية مارح اخذ شي من عند اهلي الا قميص امي وبروح
بهاليل لما يكون الكل نايم وبسافر بلد محد بيتوقعها وبعيش هناك وبعنس
هناك صح انا صغيرة على هالاشياءبس من سنتين وانا قاعدة اخطط وكل شهر احطلي فلوس من مصروفي بالحصالة علشان لما اسافر برا ولا سمح الله يفصلوني من شغلي يكون عندي فلوس اقدر اعيش فيها كمن شهر على ما احصل لي شغل
تقولون احتاج طبيب نفسي اقولكم تأخرتو ولو تجيبون لي احسن طبيب نفسي بالعالم مارح ينفع ترى فات الاوان
ونسيت اقول ترى مارح اقولهم هالشي <<لأهلي
بسوانا طالعة بروح اشوف اهلي واخواني وخواتي للمرة الاخيرة
و باخذ معاي كمن صورة لهم و بكتب رسالة وداع واني من زمان ناطرة هاليوم الحين اخليهم يفكرون فيني عدل
اما الاحتمال الثاني
لما يستجيب لي ربي دعائي واموت هالحزة بيفكرون فيني عدل
وبيفكرون شكثر عطوني وشكثر دللوني بس مارح يفكرون شكثر تجاهلوني
اما الان انا على بعد 6 سنين واسوي فيهم حركة الانتقام
هذي وانا وحيييدة
عندي اصحاب بس مو وفيين ابد
مافي حد افتحله قلبي غير ربي
على فكرة هلي على بالهم لما يقطون لي الملابس والفلوس والاكترونيات ولالعاب حسبالهم اني مستانسة ومو ناقصني شي بس والعكس صحيح
وهذي اول مرة اقول لحد غير ربي هالكلام
وهذا قسم افتحي قلبك واكوني ماخليت شي فقلبي الا وطلعته
وبعد نسيت متى ينتبهون لي ويفكرون فيني ؟؟
لما اقول لهم هالخميس ابي اروح المول اشتريلي ملابس
يقولون انتي مايهمج غير سعادتج
والله!!
من صجكم!!!
ليش يعني اذا ما ارضي نفسي وارفه نفسي واحاول انسي نفسي بطلعات المولات شنو بسوي مثلاًًً وبتقولون شلون قالو هالكلام وتوج قايلة انهم بيفكرون فيج بقولكم لما اتجي هالساعة واقولهم هالجملة و ويعطوني محاضرة وعقب المحاضرة اروح الحمام اتحشر بالزاوية واصيح
ويروحون لغرفتهم مخلصين الشغل<<ترى لو ماكانو خلصو الشغل ماكنو فكرو
بيفكرون احنا لازم نشد عليها ولازم تكون ستريت معاها ونخليها تنسى الدنيا ومغرياتها وتفكر بطاعة الله
تراهم حسبالهم اني ماصلي حسبالهم اني ماعبد ربي حسبالهم اني ماخاف ربي بس خل يفكرون
انا ماعلي من حد
وفي وايد ناس حبيتهم اكثر من اهلي
بتقولون لي عيب عليج هالكلام هلج فوق راصج والجنة تحت اقدام الامهات والخ...
بقولكم لما يحبوني ويفكرون فيني ولو شوي عقب تعالو عندي
ترى انا ابر في اهلي بس ما احبهم
وانا هذي هي حياتي وهذي هي طريقة تفكيري وصديقاتي بنصدمون اذا قلت لهم هالكلام لنة اهلهم غير وطبعا انا ماحسد حد على اهله
بس الي فخاطري مرة يصير موقف ويكبرون اهلي بعيني بس للأسف ماصار هالموقف
لما احس انهم يهتمون فيني
ويوثقون فيني
ذيك الساعة لكل حادث حديث
وانا هذي حقيقتي
صح في مواضيعي وناسة وظحك وغشمرة بس مثل ماقلت لكم هذا قناعي
وفي هالموضوع يبين وجهي الحقيقي
>>>>> ردود الأعضـــــــــــــــــــاء على الموضوع <<<<<
==================================
حبيبتي أنآ وآلله قرأت موضوعك كللللللللله
وهو نآبع من قلب عآيش غم مآيعلمه غير ربنآ سبحآنه..
أنآ بحآول أسآعدك سمعيني عدل!
إنتي بنوته صغيرهـ ولسآ في بدآية شبآبك..
ولآزم تستغلين هآلشيء..
يعـني آلمفروض تدعين ربك ودآئمآ على سجآدتك
وتشيلين آلأفكآآآر من رآسك لأنك لو فكرتي هي مآرآح تفيدك بشي..!
أنآ حبيت أرد وأطيب خآطرك ..
مـــــــــوووووووفقـه يآلغلآ..
دلوووووووووعــه..
__________________________________________________ __________
حبيبتي كأن انا يلي كاتبه الموضوع كنت عايشه نفس يلي عايشاته انتي بس ف يوم قررت ان اغير حياتي فعلا غيرتها وانا الحمد لله الان مرتاحه والفضل ان تقربت لربي اكتر ودايما اردد يارب اهديني واقرأ سورة البقره واستغفر ربي حبيبتي اريد ان اقول لكي شي دايما تذكريه ان الحياه من غير مشاكل هى حياه و هميه لا تزعلي اذا ف يوم اشتدت عليك المصايب بلعكس هذا امتحان من ربي،،يارب يسعدك ويناولك ماف بالك_؛؛حبيبتي اذا حسيتي نفسك مضايقه ف يوم انا موجوده ضيفيني وتسعدني صداقتك
__________________________________________________ __________
المشاركة الأصلية كتبت بواسطة دلع! 
حبيبتي أنآ وآلله قرأت موضوعك كللللللللله
وهو نآبع من قلب عآيش غم مآيعلمه غير ربنآ سبحآنه..
أنآ بحآول أسآعدك سمعيني عدل!
إنتي بنوته صغيرهـ ولسآ في بدآية شبآبك..
ولآزم تستغلين هآلشيء..
يعـني آلمفروض تدعين ربك ودآئمآ على سجآدتك
وتشيلين آلأفكآآآر من رآسك لأنك لو فكرتي هي مآرآح تفيدك بشي..!
أنآ حبيت أرد وأطيب خآطرك ..
مـــــــــوووووووفقـه يآلغلآ..
دلوووووووووعــه..
مشكورة مرورك اكيد طيبتي بخاطري بس نار الانتقام لحين شاعلة بقلبي
ماتعرفين لو عشت لذاك اليوم والله اني اسويه واكوني حلفت بالعزيز الجبار ...
ترى الموضوع كبره وعرضه جزء من معااناتي
اهم قاطيني ولا دارين عني
تدرين لو غيري شان استغلو المصايب واستحلو المعاصي كلها من ورا ظهرهم
بس انا لأ
اصلا لو درو بأي شي غلط سويته مارح يسئلوني ليش لا بيهاوشوني ويمكن لو مشكلة كبيييرة وعظيمة يضربوني ضرب
واني اكره اهلي هذا مو يعني
اني احب اخواني ترى اكره عيلتي كلها وامنى لو مانولدت من الأصل
على كل حال انا اخطط لأنتقام اقهرهم فيه مشكوورة مرورك الطيب
__________________________________________________ __________
المشاركة الأصلية كتبت بواسطة أنثى شامخه
حبيبتي كأن انا يلي كاتبه الموضوع كنت عايشه نفس يلي عايشاته انتي بس ف يوم قررت ان اغير حياتي فعلا غيرتها وانا الحمد لله الان مرتاحه والفضل ان تقربت لربي اكتر ودايما اردد يارب اهديني واقرأ سورة البقره واستغفر ربي حبيبتي اريد ان اقول لكي شي دايما تذكريه ان الحياه من غير مشاكل هى حياه و هميه لا تزعلي اذا ف يوم اشتدت عليك المصايب بلعكس هذا امتحان من ربي،،يارب يسعدك ويناولك ماف بالك_؛؛حبيبتي اذا حسيتي نفسك مضايقه ف يوم انا موجوده ضيفيني وتسعدني صداقتك
طيب امانة شلون غيرتي حياتك انا استغفر الله بس اكره حيااااتي طفشت منها
في الي يقول الحياة بدون حب مالها معنى
وفي الي يقول انا ربي عاقبني وعطاني هالحياة التعبانة
وفيوفي وفي وفي.....
بس انا اقول انا ماعندي حياة
بقولج حياتي شنهي
اقوم الصبح اروح المدرسة ارجع البيت اخذ الاكل اقعد اتغدا بروحي بالغرفة
واظل طول الوقت بالغرفة منها اني اسوي واجباتي واطالع التلفزون واقعد عال اي باد او اللابتوب وجوالي كلا معاي وين مارحت وعندي انا كولر (cooler) وفي ثلاجة صغيرة داخل الكولر يعني ما اضطر اطلع من غرفتي ابد الا اذا بروح الحمام او بطع برا البيت او بستلم الطلبية من راعي التوصيل وبس
واعتقد وجودي بالبيت مثل عدمه
المهم مشكورة مرورك الطيب
__________________________________________________ __________
حبيبتي قرأت كل كلماتك بكل حروفها ... ونصيحتي لك ليست من ناشطة او مصلحة إجتماعية أو عضوة بمنتدى لا
نصيحتي لك من بنت يتيمة الأم ... فارقت أمها ... شعرت بمأساة فقدانها ... تبكي وتشتاق إلى أرض تدوسها أمها بأقدامها لتموت فيها وتدفن في رمالها ... امي فقدتها من 10 شهور ... وصدق من قال ان الإنسان ما يشعر بقيمة النعمة غير لما يفقدها ... وأحمد الله اني كنت معاها راضية مرضية
لن أقول لكي كلام ان الجنة تحت أقدام أمك ... ولا رضى الأب من رضى الرب ... ولا ما ذا يقول الإنسان لو تألم غير( أخ ).... فأنت على صغر سنك بالتأكيد مثما عرفتي تصوغين حروفاً عن حياتك لامست مشاعرنا وحركتنا من الداخل ... تعرفين هذا الكلام
سؤال واحد اريدك ان تجيبيني عنه وانت مقتنعة ... إذا ما هربتي من أحضان أهلك ... إلى حضن من ستلجئين ؟؟؟؟
يا أختي العزيزة انتي بنت والبنت ما لها إلا بيت أهلها أو زوجها ... وباين من طريقتك وأسلوبك في الكتابة انك تسبقين سنك بسنوات ... لازال العمر أمامك ... فلا تدعي أول خطوة في بلوغك سن الرشد والنظر للمستقبل هي تركك لأهلك
وإذا كنتي تبحثين عن ونيس فعندك الله خير ونيس ... استثمري وقتك في صلاة بخشوع ... وقراءة كتاب الرحمن .. وإدعي لربك أن يحنن قلب أهلك عليك ... والله قادر علي كل شي ...وإصبري على ما أصابك
ولا تفكري بالأشياء السيئة وتذكري قول رسول الله صلى الله عليه وسلم ( من هما بسيئة ولم يفعلها كتبت له حسنة )
والله لو يعود بي الزمان لي أشهر إلي الوراء ... ما تركت أمي لحضة في خلاء
أسأل الله العلي الكريم رب العرش العظيم ان يهديكي ويصلح بالك ويحنن قلب أهلك عليك
رد مع اقتباس
