عنوان الموضوع : والله مليت طفشت...من حظي الششين -تم الرد
مقدم من طرف منتديات نساء الجزائر

والله مليت طفشت...من حظي الششين



هاااااااااااااي بنات كيفكم
ابي افضفض لكم الصراحه أنا إنسانه حظي مو حلو في كل شي مدري ليش وش اسوي والله العظيم اوقات اقعد ابكي أنا وحيده ماعندي اخوات كلهم اولاد أموت طفش عندي واحد من إخواني قريب بالمره لي بس ما اقوله كل شي تعرفون ولد وبعدين تفكير االاولاد غير والله طفشت وحياتي في بيت أبوي حلوه الحمدلله أنا دلوعته حتي امي الله يخليها هي وابوي لي اجلس معها وتسمعلي بس في باقي الاشيا الي تصير في الحياه لا حظي مررررررررررره مو حلو في الدراسه بس يعني مو فاشله مره يعني في الصداقات حتي مابي اتزوج لان والله اعرف حظي مو حلو شلت فكره الزواج من راسي لان اعرف حظي والله طفشت حتي في اشيا عاديه لازم يطلعلي شي ويخرب علي
والله طفشششششششششششت
من مثلي حظه مو حلوووووو
اه ياربي والله مليت كرهت الحياه
استغفر الله يارب الحمدالله على كل حال
رجا الي ترد ترد بدون تجريح الي فيني كافيني والي موعاجبها بلييييز تطلع بدون ماترد بتجريح**

>>>>> ردود الأعضـــــــــــــــــــاء على الموضوع <<<<<
==================================


عزيزتي لا ولا ومليون لا للتشائم بالعكس احمدي الله انه عندك اخوان صحيح انا معاك الأخ مو زي الأخت وفيه الكثير ماعندهم لااخوات ولا اخوان وفيه إلي عندها اخت لكنهم غير متفاهمين مع بعض وحياتهم كلها يالطيف مشاكل وغيره.
والله يطولك بعمر امك هي بمنزلة الأخت لك والصديقة الوفية،واكيد عندك صديقات في المنتدى مو شرط انك تشوفيها وتشوفك المهم انك تتكلمي معاها تفضفضيلها وتفضفضلك لكن نصيحة مني لاتستعجلي في اتخاذ صديقه تثقي فيها وتبوحي لها بكل أسرارك من دون ما تتأكدي من حسن نيتها معاك.
وغير كده مسألة الزواج كون انك تشيليها من راسك هادا مو حل أبدآ ماتدري فين الخير ممكن ربي بإذن الله يرزقك بإبن الحلال إلي يكون الزوج الحنون المتفهم والصديق.

اعتقد انك لسه صغيره بالعمر والحياه قدامك عيشيها بسعاده وفرح
عزيزتي لا تقولي حظي مو حلو قولي يارب يسرلي امري

اعذريني عالإطالة وتقبلي تحياتي


__________________________________________________ __________

الله يفرج همك وينفس كربتك ويسعد قلبك ..

اللهم اامين ..

اااه ياختي ..ماابي اقول انا مثلك مالي حظ في الحياة ولكن خليني اقول الحمدلله على كل حال ..الحمدلله

الذي لايحمد على مكروه سواه ..من تكتب لك ياماشافت وعانت في حياتها ومازلت اتلقى الصدمات

في حياتي صدمة تلو صدمة ..منذ وفاة والدي الحبيب رحمة الله عليه الى خذلان خطيبي لي وتركه وصده

لي ! بدون اي مقدمات..اربع سنوات من الخطوبة وفي الاخير صد وجفا وقاسى ..

شو اقول وشو مااقول ..خليها في القلب تجرح ..ربي يجبر كسري ويجبر كسرك وقلب كل محزون


المهم ..صدقيني اختي ...اللي ابي اوصله لك من كلامي انه مافي احد في هالدنيا مرتاح! حتى الرسول

الكريم قدوتنا عليه الصلاة والسلام ..حياته ما صفيت له!! ..لذلك حاولي تستعيني الله في كل امورك

وتقربي وتوددي اليه في صلواتك وفي سجودك ...وتحري اوقات الاجابة ..واكثري من الصيام والطاعات

حبا لله وفي الله ..والزمي الاستغفار ..وحاولي لو عندك فراغ تدخلين تحفيظ قران او اي دورة تدريبية

في المجال الللي انتي حابة فيه ..ومنها تتعرفين على صحبة طيبة من الاخوات وان شاء الله هنا

تلاقي الكل هنا فيهن الخير ...واعتبريني اختك ..في الله ..

حاولي تغيرين من نفسك وتطورين من نفسك ..واهم شيء تتصبري على هالحياة وماتواجهك بالصبر

والدعاء ..اللي مالنا غيره..ولاحول لنا ولاقوة الا بالله ..

دعواتي لك براحة البال وان يرزقك الزوج الصالح والحظ الطيب ..ولاتقولي مالي حظ ..ولاتقولي عندي هم

بل قولي ..لي رب كبير متعال ماخاب من رجاه فكوني معاه ..

دمتِ بخير


__________________________________________________ __________




تقوليــن حيآتج فـ بيت آبوج حلووهـ ودلوعة أبووج وآمج .. وإذا قعدتي مع آمج تسمع لج ^ كل هآي حظج مب حلوووو ^ . . ماشاء الله بالعكـــــس هاي اللي كل ندوور عليــــــه . . حبيبت قلبي ترا الدرآسه مافيها شي اسمه حظ حلو او لا بالعكـــس هاي انتي تقدرين تخلينه حلو او مب حلو بييدج إذا اجتهدتي صار حظج حلو بالدراسه وإذا لا صار حظج طاايح !

فكرهـ ( شي يطلع لج ويخرب علييج ) شيليها من رأسج يتوهم لج صدقينــــي آنتي اللي خلاص عودتي نفسسسج ان حظج مب حلو واي شي تسووينه بيخترب عليييج .. بالعكس خلج متفائله فـ كل شي وبتجوفيين شلوون حظج بيقووم وحياتج بتحلووو ... لا تقوولين كرهت الحياه وش ماصار .. انتي صلي فروضج وآدرسي ودوري لج شي تسووينه وتمشيين وقتج به . . وحياتج بتصير حلوووهـ !

بقوولج المرة الجايه إذا جيتي تسووين شي قولي ماراح يخترب وحظي حلوو لا تخلييين الشيطان يوسوس لج بهالأفكآر وجوفي شنو يصييير !

والزواج لا تقولين مابيه لان يمكن تكون ساعه اجابه وربج يستجيب خلج متفاااائله بالحياااااه .. كل هاي من آبليس والتشائم !


__________________________________________________ __________

اختي اولا ليش متوقعة انة ممكن احد يجرح فيك انتي ماقلتي شئ يستاهل ان احد يجرح فيك خلي عندك ثقة في نفسك وبعد اختي اذا كنتي منتي شاطرة باالدراسة مومعناة ان حظك مش حلو وبعدين احس انة تستبقين الاحداث كيف ماتبغي تتزوجي هذي سنة الحياة كيف تعترضين عليها يمكن حظك في الزواج يكون افضل ثم انتي ماتتمني تكوني ام وعندك بنات يعوضونك عند حرمانك من ان تكون عندك اخت اختي انا املي اكون ام انا مااقدر اتخيل اني اعيش من غير مااسمع كلمة مامة رغم كل المشاكل الصحية الي تمنعني من الانجاب بس الحمد لله عندي امل كبيييييييييييييييييييييييييييييييييييييييييييير بربي حبيبتي فية حديث قدسي يقول[ انا عند ضن عبدي بي ] يعني خلي ضنك بربك حسن عشان ربي يصلح لك الحال ولاتخلي الشيطان يوسوس لك ,,,,,,,,,,,,,,وشكرا


__________________________________________________ __________

تعوذي من الشيطان يا اختي ,,واحسني الظن بربج وتذكري دايما (امر المؤمن كله خير) ,,واهديج هالكلمات عشان تعرفين شنو صار بأحباب الله و أوليائهم و هم الرسل ما قالو حظي وحظي و إنما اعتبروه بلاء فما ماتو الا بعدما نصرهم الله و فرج همومهم
ياضعيف العزم اين انت والطريق ؟! طريق تعب فيه آدم وناح لأجله نوح ورمي في النار الخليل واضجع للذبح اسماعيل وبيع يوسف بثمن بخس ولبث في السجن بضع سنين و نشر بالمنشار زكريا و ذبح السيد الحصو يحيى و قاسى الضر ايوب و زاد على المقدار بكاء داوود و سار مع الوحش عيسى وعالج الفقر و أنواع الاذى بمحمد صلى الله عليه وسلم وتزهى وانت باللهو واللعب ؟!

استغفري و توبي لله بإسائتج الظن فيه و راح تشوفين السعاده واقيمي الليل ولا ترفعين من سجودج وانتي بقلبج شكوى ,اشكي لربج كل شي وتضرعي له ,فكيف تشكي لمخلوق من فعل الخالق ,وتأكدي ما صارت حياتج جذي إلا لان ربج يبي يسمع دعائج و ذلج له,,وادعي دعاء النبي عليه الصلاة والسلام:"اللهم إني اسألك عيش السعداء و موت الشهداء و مرافقة الانبياء والحشر مع الاتقياء

,,قال رسول الله صلى الله عليه وسلم:"قال الله تعالى: انا عندي ظن عبدي بي ,فليظن بي ما شاء إن كان خير فله وإن كان شر فله"

واشغلي وقت فراغج ترا هذا الشيطان يوسوس لج يبي يحزنج,, واقري مواضيع عن السعاده والتفاؤل وطرق محاربة الكآبة واليأس ,,,وكلنا خواتج وان بغيتي شي ما يردج غير كيبوردج