عنوان الموضوع : ياناس هذا الشي طبيعي!!!!
مقدم من طرف منتديات نساء الجزائر

ياناس هذا الشي طبيعي!!!!



السلام عليكم ورحمة الله وبركاته

أخواتي الحبيبات اسأل الله ان تكونوا جميعا بخير ماراح اطول عليكم راح ادخل بالموضوع وانا واثقة ثقة تامة ان شاء الله انكم راح تعطوني القرار السليم والصحيح..

حبيباتي انا متزوجة من اربع سنوات تقريبا وام زوجي منفصلة عن والده وبمنطقة اخرى وانا زوجي من الثانية المطلقة..اما الاولى فماتت..

علاقتي بأهل زوجي غريبة جدا اخواته من ابوه الحمد لله بيننا الاحترام والمودة واما سلايفي وبنات اخوانه فلا تواصل بيننا ابدا ابدا ممكن ارجع السبب لانو زوجي بينه وبين اخوانه حزازيات..

لكن اخواته الي من ناحية ابوه انا اعزهم جدا ولكني كلما تقربت منهم ما الاقي تجاوب منهم مكتفين بعلاقتهم هما وبناتهم مع بعض دايما يبغوني او يتوقعوني انا الي ابادر..ومقصرين في حق امي بدرجة لاتوصف مع انو امي ماقصرت معاهم في كل ظرف يطرا عليهم لا يتصلو يشوفوا شخبارها ولا يحمدو بسلامة مريضنا ولاشي..

وكانو قبل لا تطلع جوالات البلاك بيري لما اجتمع معاهم زي ماقلت يجاملوني ويقعدوا يهرجوا ويضحكوا معايا.. اما من يوم ما دخل البلاك بيري في اياديهم والله يابنات قمة الاستقلال لما نجتمع واحنا غالبا اذا بنجتمع نروح عند اخته الكبيرة لانها ام الكل .. يقعدوا معانا في نفس الغرفة وعيونهم في جوالاتهم مع انهم كبيرات ومتزوجات والمفروض انهم يعرفوا الاصول ويستحوا شوية على وجههم.. بالهم مو معايا يعني والله احس بالاحراج والقهر منهم يعني ماني مملية عينكم ما الاقي احد اهرج معاه طيب على ايش انتو جايين كان جلستوا في بيوتكم احسن..لما اكلم زوجي يقولي طنشيهم هيا موضة طالعة وراح يملوا ..بالله بعد ايش بعد ما يقهروا في الواحد ويقللوا من شأنه.. حسبي الله ونعم الوكيل..

اما اخته الي من امه وابوه فهذي لحالها حكايه ثانيه هيا من عمري تقريبا.. والله العظيم من يوم ما اتزوجت اخوها والبنت ماهي طيبة في معاملتها لي..
تخيلوا شقتي جنب شقتها يعني جداري على جدارها ما اشوفها بالسنة وال9 اشهر لا تزورني ولا تكلمني بالجوال ولابيننا اي تواصل واذا اتقابلنا اشوفها عند اهلها..

تخيلوا اقسم بالله العيد ماتجي تعيد عليا فيه..بحجة انواهلهم يجوا يعايدونا في يوم واحد انا وهيا شوية عندي وشويه عندها ..
ايش سبب الكراهية هذي ماني عارفة مع انو يشهد علي ربي في هذي الساعة اني ماقصرت معاها اقول يابنت خليكي احسن منها كنت ازاورها بالرغم من عدم مزاورتها لي وكنت لما نفست ببنتها ارسلها اكل واروح لها اكثر من مرة وايش ردها بالمقابل لما ولدت ماشفت وجهها الا بعد 20 يوم من نفاسي مرة وحدة وعليها..ماهان عليها ولد اخوها تجي تشوفه..
يمكن تستغربوا وتقولوا طيب فين اخوها عنها .. لكن انا نشف ريقي وانا اقوله عن معاملتها لي ومايبغى يشوف اخطائها يموت فيها موت ومايرضى يزعلها بكلمة..
وايش يقولي اذا غلطت عليكي خذي حقك منها انا لاتدخليني بينكم .. هيا ماتجيب سيرتك قدامي الا بالخير..
اقوله طيب الجفا هذا وقطيعة الرحم مو شي يخليك تنقهر عليا.. ولا كأني اتكلم ..
حسبي الله فيها كاهنة من تحت لتحت الله يكافيها من عنده..
طيب ابغاكم تقولولي ايش اسوي في معاملتهم كلهم لي ومعاملة اخته هذي بالذات كيف اتصرف وهل معايا حق لما ازعل واقلب الدنيا على راس زوجي لما يروح عندها بحكم انها ماتدخلنا بيت..

اسئلكم بالله لا تستهينوا بالموضوع تراه متعب لي اعصابي..
انتظر ردودكم حبيباتي الله لايحرمكم السعادة وراحة البال..

>>>>> ردود الأعضـــــــــــــــــــاء على الموضوع <<<<<
==================================


شوفي حبيبتي معك حق هيه قصه الا ما تتعب شوي والواحد بفكر فيها كتير
بس انا رح قلك بصراحه الشي الي انا بحب اعمله وهوه اني ما بهتم لحد ممكن انه يسملي بدني ويقهرني لانه ما حد بستاهل انه ننقهر ونزعل مشانه فانا بقلك طنشي وعااااادي خلي كل شي طبيعي وما تعطي أهميه لناس ما بيستحقوها ........


__________________________________________________ __________

والله يااختي احس انك مكبره السالفه انتي سوي اللي يرضي الله بالوصل ولا تقطعي فيهم وابدا لاتنتظري مقابل منهم خليها لله وفالله والزمي الاستغفار واطلبي لهم المغفره والهدايه وباذن الله راح يتغير الوضع


__________________________________________________ __________

حبيبتي أنا اللي بنصحك فيه أول شي إنك ماتدخلي زوجك بعلاقتك بأي وحده من طرف أهله يعني ببساطه مواضيع الحريم بتقى بينهم
ثانيا إنتي خليك ع الحياد مع الجميع يعني زوريهم بحدود الواجب لا تطولي عندهم طالما تقولي انهم مشغولات عنك
وبالنسبه لأخته اللي معاك بالعماره نفس الشي زوري زياره سريعه وارجعي بيتك وكفي نفسك وزوجك عن المشاكل ووجع الراس
والله يوفقك ويعينك


__________________________________________________ __________

حبيبتي صباحك رضى وسعاده اتمنى تبعدي عنك هذه الافكار السلبيه وتخلي همك زوجك وبيتك وبس وانسيهم بالمره خليهم اخر مايجي ببالك ان حبيتي زياراتهم وجمعاتهم روحي وان ماحبيتي اعتذري واجلسي في بيتك اوروحي لاهلك لوقريبين والله اناسلفتي مابيني وبينها الامسافه بسيطه وحسيت انهاماهي مرتاحه لي وخليتها بالمره مااروح الافي العيد خمس دقائق واطلع ولاحتى تجي في بالي اواوجع قلب زوجي بمثل هذي المواضيع وانتبهي تقولي لزوجك لاتروح لااختك لانك اولا بتاثمي لانها صلت رحم وثانياان الرجال تفكيرهم مختلف عن الحريم ومايستوعبو مثل هذي الخلافات بس بيطفش من كثرالزن فنصيحتي لك اشغلي نفسك عنهم وعيشي حياتك وانبسطي بدون عقدوتقبلي خالص حبي وصادق دعواتي لك بالخير في الدنيا والاخره


__________________________________________________ __________

برينسس اشكرك حبيبتي على الرد

وجزاكي الله خير..