عنوان الموضوع : احب سعود ومتاكده ان حبي حلال !!!
مقدم من طرف منتديات نساء الجزائر

احب سعود ومتاكده ان حبي حلال !!!



السلام عليكم ورحمة الله وبركاته
حابه افضفض لاحلى خوات بالعالم وياليت برحابة صدورهن يتحملني
ببدا لكن من البدايه
انا امي البكر بعايلته جدتي بعد امي جابت 3 عيال وجلست فتره طويله وكانت تتمنى تجيب بنت مع امي وبعد فتره حملت بتؤام وجابت وولد وبنت
من فرحته بالبنت صارت تعتني به وخلت امي تعتني بالولد اللي هو (سعود) طبعا كبر وكبرت امي وتزوجت امي من ولد عمه وعاشت عند اهله وجابتن ومن طلعت للدنيا وانا على بالي سعود اخوي يوم كبرت عرفت انه خالي
المهم امي تطلقت وتزوجت غير ابوي وماانقطع عنا سعود كان دايم يجي عندنا ويقضي حاجاتنا ويسولف معنا ويوم كان عمر 19 نقلنا للمدينه
تتوقعون انقطع عنا سعود؟؟
لا طبعا صار يجي او يتصل يتطمن علينا وببداية كل اجازه يجي ياخذنا للقريه
وتزوج سعود ؟؟؟انا بصراحه توقعت الزواج يغيره بس لا هذا سعود مايتغير
وبقى سعود هو سعود يتصل ويسال واذا جاء مايجي ويده فاضيه ابدا
ورزقه الله ببنت وامي اول شخص عرف باسمه
وبيوم من الايام كنت بثالث كليه وايام تربيه عملي جاء سعود زياره وجيت من الدوام الظهر وكنت ابنام بس هو قال لاتنامين اجلسي ابسولف معك لاني ابمشي العصر للمدينه قلت اجلس معك اذارجعت من المدينه قال لا ابي هالحين اذا رجعت ماني مار عليكم
المهم جلست معه <<<مادريت انه اخر جلست لي معه
وطلع العصر للمدينه واتصل بامي بالليل يقول له انه وصل للمدينه
داومت يوم الثلاثاء بتاريخ 23 _2 _1428هــــ
ويوم رجعت من الدوام والا امي بالصاله وعنده جارتنا وش السالفه
قالوا سعود مات
شلون وكيف ومتى ووليش؟؟
قالوا بفراشه ماقام
مااحد يصدق لو قلت اني مانزلت لي دمعه من عيوني بس دموع قلبي للحين تنزل كل يوم
المهم مرت ايام العزاء ورجعنا قلت لامي ماني مكمله كان ماباقي على امتحانات نهاية العام الا شهرين
رفضت امي وكملت وماادري وشلون نجحت كانت اول سنه اجيب بكل موادي جيدجدا وممتاز <<<بس متاكده من توفيق الله ثم دعوات امي
بعد وفاة سعود بعشر شهور جابت زوجة خالي الثاني ولد وسموه (سعود)
بالبدايه كان صعب نناديه سعود عشان جدتي ويوم جاء سعود الصغير وشفت وجهه حسيت الروح رجعت لي وبدات الدنيا تضحك لي من جديد
وكنت اذا سال احد عن اسمه اجاوب قبل امه واقول اسمه سعود
حبيت سعود الصغير من قلبي
مرت الايام وصار عمر سعود سنتين وشوي وحبه يكبر داخلي
والكل بدا يلاحظ حبي له مع اني مابين حبي للاطفال بس حب سعود غير
تغيرت شخصيتي من حب سعود صرت عاااااااااااطفيه جدا
واذا بكى سعود قمت اركض قبل امه<<<<الحمدلله ان امه عمتي
هالحين مااحد يتجرا يمس سعود بشئ لاني بقوم الدنيا عليه
صرت اشتاق للقريه واذا رحت له ماابي ارجع لان به سعود
اخاف عليه من نسمة هواء وهو يحبني
تصدقن عاد جوالي وجهازي ممنوع احد يقرب لهن والاطفال عارفين هالشئ بس سعود يلعب بهن لعب ومع ذلك مااشوف خرابه<<<وربي صادقه اذا قالوا سعود خرب اقول عادي بزر ويستكشف
على فكره انا عمة سعود الصغير بالرضاع لاني راضعه مع واحد من خوالي بعمري
احيانا احس نفسي خبله لاني والله احسه قطعه مني واحيانا احس اني مريضه او فيني شئ لاني احببببببببببببه حيييييييييييييييل ؟؟هل حبي له مبرر او ابالغ انا؟؟؟؟؟؟
وسوووووووري على الاطاله بس حبيت افضفض ومالي غيركن

>>>>> ردود الأعضـــــــــــــــــــاء على الموضوع <<<<<
==================================


مدري ليه بكيت من قريت قصتك


مااقول الله يخلي لك سعود .,‘


__________________________________________________ __________

الله يقــــــــــــــر عيـــــــن اهله فيه الله يصبـــــــــركــ ويحفظــــــــــــــهـ ويحميـــــــــــــــــهـ


__________________________________________________ __________

المشاركة الأصلية كتبت بواسطة ارار
مدري ليه بكيت من قريت قصتك


مااقول الله يخلي لك سعود .,‘

ماتبكين على غالي يالغاليه <<<لانه وربي طالعه من قلبي
اللهم امييين ويصلحه ويجعله قرة عين لنا


__________________________________________________ __________

المشاركة الأصلية كتبت بواسطة دلع رومنسيه
الله يقــــــــــــــر عيـــــــن اهله فيه الله يصبـــــــــركــ ويحفظــــــــــــــهـ ويحميـــــــــــــــــهـ

امييييييييين يااااااااااااااااااااارب
ويجزاك بالخير على الدعوه الطيبه


__________________________________________________ __________

الله يخليك لسعود ويخليه لك
عادي انا كذا مع ولد أخوي حتى ماأسميه الا ولدي
>> مع اني بنت بس أحبه
مو لسبب بس أنا احب الصغار
وأمه كانت اذا تبي تطلع تخليه عندي
حتى صار اذا طلع يبكي يبي يرجع البيت
بس الحين صار عمره خمس سنوات
وصار أهتمامي فيه يقّل يمكن لانه صار يختلط باللي حوله أكثر
وشوي شوي بديت أتعود بس للحين أحبه
وانتي بتكبرين وبيصير عندك عيال وبيصير سعود الغالي سمّي الغالي