عنوان الموضوع : متضايقه ربي يجزاكم الخير ولو بدعوه تنسوني همي ؟ -تم الرد
مقدم من طرف منتديات نساء الجزائر

متضايقه ربي يجزاكم الخير ولو بدعوه تنسوني همي ؟



السلام عليكم خواتي الحبيبات
انا عايشه ولله الحمد مع زوجي سم على عسل
الحمدلله الحمدلله الحمدلله
زوجي محترم كريم يلبي طلباتي فورا يحبني ولا يقدر يزعلني
ودايم يدلعني والحمدلله انه بار بوالديه ولا يفضلني عليهم الحمدلله
ولما كنت ببيت اهلي كانو اخواني يسببون لي مشاكل لما كنت مخطوبه
على سبيل المثال اش حقه تلبسين لبس مو محتشم قدام زوجك اقول لهم هذا خطيبي اش حقه مالبس اللي ابيه قدامه ويسوون لي مشاكل اما ابوي راضي عني الحمدلله
او يقولون لي اش حقه يتأخر معك زوجك ايش ذا
واردد انتم لو كنتم مخطوبين يوميا الا و ب 24 ساعه مع زوجاتكم صارت علي
وهكذا الى ان تزوجت
المهم انا توظفت والحمدلله بس شغلي متعب بما انني حامل
وصرت يوم وترك اروح بيت اهلي نظرا لشغل زوجي ايضا
يوم معي ويوم مش معي وانا واثقه من شغله لانه يشتغل مع اخو مرت اخوي ومع عمي
المهم يابنات انا الحين في بيت اهلي دائما انقز مع اخواني سببون لي الهم ربي يجازيهم
تخيلو انا واختي طالعين لمجمع الظهران مول اشتري للبيبي بعض الاشياء تخيلو يقولون لي كل يوم طالعه لمجمع وماتشترين الا شي مرفوع سعره ومفلستنا قلت له كل فلس وريال عندي من عند زوجي لا تقول من عندنا وسببو لي مشاكل حتى فسخت عبايتي وتعارضو على عبايتي
صرخو علي وقالو لي اش حقه عبايتك وكانها فستان زفاف تلفت الانظار كلها الوان وكتف وبرقع ايش هذا
وصارخت عليهم وقلت لهم بلا لقافه انا اكبر منكم احترموني على الاقل بما انني متزوجه واكبر منكم وانا تحت ادارة زوجي انتم ايش دخلكم
وكانو بيمدون اياديهم بس اقلعتها عليهم
وكلمت ابوي وقال لي تحتاجين صبر
وانا والله صبرانه عليهم وربي لو على كيفي اجلس بشقتي حتى لو من دون زوجي اه بس
ابي حل معهم ولا شي يرضيهم
يبوني اطبخ لهم واكوي لهم واغسل لهم واسوي لهم واعطيهم
واشيلهم بعيوني وهم حتى مايرضوني اش هالاخوان
ايش الحل برأيكم وربي حسيت بملل فضيع
وضيق وهم
وكأن الاخوان انعدمت بهالحياه كرهتهم خلاص مش متحمله
تعبوووووني كل يوم يعترضون لحاجياتي
مايبوني اطلع وانبسط واخذ اللي ابيه
واتبضع للبيبي في بطني
مايبوني استانس دقيقه ربي يجازيهم
كلمت زوجي وقال انا بكلم الرئيس عشانك بس وان شاء الله اشوفلك حل
واصبرررررررررررري
وانا نفذ مني الصبر وكرهت اخواني
وترى وضع المادي حق اهلي جدا كويس ومرتفع ماعيش في فقر مع زوجي والا اهلي الحمدلله
بس هم الله يجازيهم راكبين علي ونقازين لي بس
والله شاهد انني لما كنت بنت انواع المجمعات والاسواق اخذ اللي ابيه واتكشخ بأي سعر ابغيه وحتى عبايتي كشخه ومن فوق الى تحت وهي مزكرشه االوان الطيف فيها وكتف مع برقع وسعات ماتغطى
وبصراحه انني احيان ماحتشم بلبسي والبس الي ابيه ولا يجون يتكلمون لي
الحين لما تزوجت جو يقولن لي كذا
رااااااااايكم

>>>>> ردود الأعضـــــــــــــــــــاء على الموضوع <<<<<
==================================


الله يكون بعونك وييسر لك


__________________________________________________ __________

الله يعينك ويهديهم ماحبيت ادخل من
دون لا ادعيلك الله يحقق لك اللي تبين


__________________________________________________ __________

الله يصلح الحال ويهديهم ترى كل الأخوان كذا يحبون المحاارش بخواتهم من وهم صغار لين يكبرون , بس يظل الأخ أخ مهما صار , ولاتظنين أنهم بتصرفاتهم يكرهونك لا بالعكس, هذا طبيعة الأخوان البشرية.
وممكن هم يغارون من زوجك لأنه شاركهم فيك, وأبعدك عنهم, وممكن كنت قريبة جدا منهم والمواقف بينكم واجد , لكن بمجرد أنك تزوجتي خلاص أبتعدتي عنهم أبتعاد كلي .
أنت أيضا الحمل مأثر علي نفسيتك وهذا طبيعي , فصرتي تتنرفزين بسرعة .

نقطة بسيطة وأجعليها نصيحة من محبة لك , أقبليها أو أرفضيها , الحجاب الشرعي عو عباادة لله , وكل عبادة لها شروط ثابتة , فأديها لله مثل ماأحبها الله وفرضها , ليس كما يرغبها الناس أوترغبها أنفسنا الضعيفة .
الله يتم حملك على خير ويرزقك الطفل السليم في خلقته وأخلاقه, وأن يجعلك أما صالحة ويجعلك قرة عين لزوجك ويجعل زوجك قرة عين لك .


__________________________________________________ __________

الله يهديهم ويسخرهم لك بس يأختي الي فهمت من كلامك من ناحية العباية واللبس أنهم يبون مصلحتك وأنا معهم حيث أنك بينتي لنا أنك مو ملتزمة بالحجاب الله يهديك لما يحب ويرضى تقبلي مروري أنا صريحة


__________________________________________________ __________

طيب انتي ليش ماتلتزمي بعباية غير ملفتة للنظر
الاخ من حقه يغار على اخته
الله يقومك بالسلامة