عنوان الموضوع : زوجي مخوفني مجابة
مقدم من طرف منتديات نساء الجزائر

زوجي مخوفني



السلام عليكم..اخباركم؟ اتمنى الكل يسمع سالفتي ويرد علي ولكم دعوه..اناحامل بالشهر الثاني والنفسيه دمار بسبب زوجي الي ماني قادره افهم شخصيته انسان جدآ غامض ملتزم ثقيل بمعنى الكلمه وشخصيته مره قويه اكثر شخص اخاف منه بالدنيا طبعآ زوجي معروف عند اهله واهلي بالثقل والالتزام والكل يحبه ويحترمه ومحد فيهم يتجراء عليه حتى امه باختصار له هيبه غير طبيعيه...
امس انا وامه بالليل معاه بالسياره دق جواله طبعآ واحد من اصدقائه بس الي الفت انتباهي ان زوجي مبسوط من المكالمه ويقول قبل شوي شكلك مستانس بشوفتي ومن هالكلام ..شكلهم متعشين مع بعض ...وقاله مع السلامه اكلمك بعدين يعني على انفراد انا ولعت من القهر وش السالفه زوجي موب راعي خرابيط ...المهم نزلنا امه لبيتها ورحنا لبيتنا دخلت انا البيت بالدور الثاني وزوجي نزل للحوش على اساس بيجيب الاغراض والاخ اخذ راحته ودق على الرجال وجلس يكلمه نص ساعه وانا عند الدرج اتسمع الضحك والوناسه وما ادري وش يقول انا محتاره من حركت زوجي وش حاده ينزل بالليل وبهالبرد وليش يتهرب مني ومايكلم عندي توقعون ليش وش سالفة هالرجال الي زوجي يكلمه الله يخليكم ساعدوني انا تعبت من التفكير مع العلم اني زعلانه عليه اول ماسكر الجوال وطلع فوق اسمعه يناديني حبيبتي وينك وانا مارديت عليه يوم شافني مطنشته تركني وماكلمني وسافر اليوم وانا عند اهلي شورو علي الله يخليكم استمر زعلانه او لا؟ وش سالفت الرجال

>>>>> ردود الأعضـــــــــــــــــــاء على الموضوع <<<<<
==================================


تبين الجد طنشيه وسوي معه مثل مايسوي معك وربي بينقهر وبيفكر ليش تغيرت الرجال مثل الاطفال طنشيهم ويجونك ركض انا اذا طنشت زوجي وربي جاني ويسئلني وشبك ومن هالكلام لحد مارضى فلا تبدين انتي ويرد عليك بكلمه تسكتك مثل ماعرفت من كلامك انو زوجك له طبع قاسي واذا جا يسئلك واجهيه بكل شي بداخلك ولاتقصرين فيه انتي زوجته ومن حقه يسمع لك ويحقق لك الي تبينه تقبلي مرووري يالغلا


__________________________________________________ __________

مشكوره اختي ع الرد وانتي صادقه الرجال ماينفع معاهم الا التطنيش
بس ليش سوى كذا توقعون وش السالفه والله احترت


__________________________________________________ __________

وينكم ردو علي تكفون


__________________________________________________ __________

لا تظغطي عليه الرجال دايم غامضين ويدورون اللي ينرفز الحرمه ياااساتر وبعدين لاتاثقين كل الثقه وش دراك انه رجال


__________________________________________________ __________

ام سماهر الله يصلحك لاتزودينها عليها سواء بنت ولا رجال اسفليه وطنشيه وربي بيحطهم ورى ظهره ويجيكي ركض انتي لاتشغلي نفسك كثير ياقلبي ولاتفكري كثير وخلي بالك من حملك وانتبهي له ياارب يرزقك الذريه الصالحه ويهدي سرك يارب