عنوان الموضوع : تكفون فزعتكم لا تخلوني بروحي (الله معاي)
مقدم من طرف منتديات نساء الجزائر

تكفون فزعتكم لا تخلوني بروحي (الله معاي)



عندي مشكلة بدت من اول ما تزوجت,زوجي يعاملني كأني عدوته ما يصارحني بشي له حياته الخاصة وما يقولي عنها تصوروا يطلع من الصبح وما يرجع الا بالليل يروح بيت اهله و يطلع مع ربعه و جدام اخوانه احس يبي يبن لهم انه مسيطر علي وانه ما يسمع كلامي يعارضني حتى لو كنت انا الصح.. ومن ناحية انا احبه وايد و كل شي يصير لي اروح احكيلة, احاول اتناقش معاه ابيه يفهمني ليش جذي يعاملني... احنا لحد الحين ما بنينا بيت وانا معاشي اكثر من معاشه اقوله خلنا نتفق ناخذ حساب مشترك و نبني بيت مايرضى, ما عرف ليش احس اني ما باستمر معاه ما حاسة بالامان , رغم اني لي منه بنت وولد مثل القمر يحبونه واايد و هذي اللي ذابحني.. تكفون فزعتكم لا تخلوني بروحي انا اصيح ليل نهار بس جدام الناس انا اكثر وحدة انكت و اضحك محد يعلم بحالي غير الله تعالى ..

>>>>> ردود الأعضـــــــــــــــــــاء على الموضوع <<<<<
==================================


لو سمحتوا ابي ارسل رساله خاصة لاخت غالية تبي تساعدني بس ما يصير لاني يديدة فالمنتدى و مشاركاتي ما وصلت ال50 مشاركة..


__________________________________________________ __________

الله يعينك تصدقين انا نفس مشكلتك الله يفرج علينا


__________________________________________________ __________

طيب ليش ماتتكلمى معاه بهدوء وتوضحى حبك له وقوليله انكم محتاجينه حتى لو يوم بالشهر تطلعو تغيرو جو كل يوم حاولى تجلسى معاه بدون فتح مشاكل تقربى منه اكثر اذا كان برا البيت اكتبيله مساجات حلوه والله يهديه ويخليكم لبعض يااارب


__________________________________________________ __________

حبيباتي والله الي حاولت مافي شي ما جربته معاه حاولت اتناقش معاه يقولي انا ما ابس اتناقش معاج ! انزين ليش هل انا مقصرة فشي,, احس في حد تارس راسه ان اذا سمعت كلام زوجتك معناته تنقص من رجولتك.. و ياما انا اتنازل له علشان ابين له ان ما في فرق بين الرجل و مرته بس ما في فايدة.


__________________________________________________ __________

تسلمولي ليمونة خضراء و احلى دنياي اولادي رديتوا علي جزاكم الله خير فرحتوني خاصة بدعاءكم و تعاطفكم معاي