عنوان الموضوع : السلام عليكم ورحمة الله وبركاته -تم الرد
مقدم من طرف منتديات نساء الجزائر

السلام عليكم ورحمة الله وبركاته



السلام عليكم ورحمة الله وبركاته
اولا كل سنة وانتو كلكو طيبين.. ومعلش هاتقل عليكو خاصة ان اول مشاركاتي مشكلة بس انا فعلا محتاجة افتح قلبي لحد زي ما اسم المدونة دي مكتوب
انا من سنة ونص كنت علي علاقة بشخص كنا بنحب بعض المفروض بس بعد فترة انا حسيت ان مش دا اللي ينفع اتجوزو وان في حاجات كتير في شخصيتة وفية هو مش عاجباني .. ولاني كنت فاهمة انو بيحبني جدا كنت خايفة اجرح مشاعرو لو سيبتو او انو يحس باني ظلمتو خاصة انو كان مر بالتجربة دي مع واحدة قبلي وسابتو فانا مكنتش عايزة ابقي مصدر حزن بالنسبالة او حتي انو يفتكرني بسوء .. فقررت اني اغير معاملتي معاه بحيث ان هو اللي يكرهني ويسيبني وكنت بدعي ربنا بكدا وكل حاجة في تصرفاتي عارفة انو بيحبها غيرتها حتي غصب عني, لحد موصلت للي انا عايزاه وانو فعلالا سابني وبعدها غيرت رقم موبايلي علشان ميرجعليش تاني
دلوقت وبعد معدي سنة ونص انا بعترف اني مش قادرة انساه.. وكل الحاجات اللي كنت شايفاها عيوب فية حسيت انها ولا حاجة بالنسبة للي انا فية دلوقت وحاسة اني فعلا عايزة ارجعلو ومش عارفة اعمل اية انا محتاجة حد يقلي اي حاجة حد يقلي اني صح واني مش المفروض اخد اي خطوة نحيتو ..انهاردة عيد ميلادو وانا من امبارح وانا بمسك نفسي علشان مبعتلوش ماسج او اتصل بيه يا ريت حد يشاركني..جزاكم الله خيرا

>>>>> ردود الأعضـــــــــــــــــــاء على الموضوع <<<<<
==================================


حبيبتي حاولي انك تحتفظي بمشاعرك للانسان الا حترتبطي بية
لان كل الا انت بتحكية دا كلنا مرينا بية مجرد انك حاسه بذنب تجاههة لانك سبتية وهومالهوش ذنب انتي لسه مش محددة انت عايزة اية بلاش تتمادي بالتفكير فية وحاولي تشغلي نفسك بأي حاجة لحد ما يجي ابن الحلال الا تستهلية ويستهلك وتعيشي معاه كل المشاعر الجميله الا جواكي
ما تستعجليش علي الحب لانة هيجي هيجي بس الا انت بتقولية دا مش حب دا فراغ
وتعطش للحب طبعا كل واحدة بتكون متعطشة للحب لازم تفكر في اي حد يكون بيحبها لكن للاسف هي بتوهم نفسها انها بتحبة



اتمنالك السعادة


__________________________________________________ __________

وعليكم السلام ورحمة الله وبركاته
كل عام وأنتي بخير وصحة وفرح يااارب والمسلمين أجمعين .."
إنتي ماتركتيه لما كننتي معه إلا لأنك موب مقتنعة منه صح.!؟
فأقولك إن اللي يحرضك على الرجوع له الآن
هو الشيطان بس معليش ياحبيبتي قاومي مشاعرك لاتضعفين لاتستسلمين
أنسيه خلاص هجرتيه سنة ونص ليش اللحين بترجعين .. وبإذن الله يجيكِ اللي أفضل منه
لاترسلين له مسج ولاشيء ربنا بيعوضك بالخير دآآآآآئماً بإذن الله


__________________________________________________ __________

جزاكم الله خيرا علي الاهتمام
اختاه سماء بلا حدود انا معاكي جدا في كل كلامك بس انا مش بعاني من الفراغ انا لسة في الكلية وكليتي بتاخد كل وقتي ورغم كدة دايما فاكراه لدرجة اني ببقي مستنية اشوفو في اي لحظه


__________________________________________________ __________

المشاركة الأصلية كتبت بواسطة elizabeth
جزاكم الله خيرا علي الاهتمام
اختاه سماء بلا حدود انا معاكي جدا في كل كلامك بس انا مش بعاني من الفراغ انا لسة في الكلية وكليتي بتاخد كل وقتي ورغم كدة دايما فاكراه لدرجة اني ببقي مستنية اشوفو في اي لحظه

حاولي تقاومي احساسك لان زي ما قولتلك انتي محتاجة للحب مش اكتر
اصبري وقامي لحد مايجي ابن الحلال وسعتها هتعرفي ان كل دا كان وهم والله بكرةحتضحكي علي نفسك وتقولي اية الا انا كنت بعمله دا


__________________________________________________ __________

ياااقلبي مادري ايش اقووولك ...؟؟

الله يكتب لك اللي فيه الخير حبيبتي ،،

ويبعد عنك اولاد الحرااااااام .. شكلك بنت طيبه وعسسسل

ربي يحفظك