عنوان الموضوع : نفسي ارتاح من همومي -تم الرد
مقدم من طرف منتديات نساء الجزائر

نفسي ارتاح من همومي



السلام عليكم
ماابغا اطول عليكم بدخل في مشكلتي عطول انا مشكلتي انو عايشه مع اهل زوجي يعني ببيت العيله ليش لانو زوجي مايقدر يفتح بيت لحالو عاكلامو البيوت غاليه في جده اقل بيت ب20 الف وانا راتبي عاقدي اوكي رضيت وسكت وتحملت مع اني كنت دايما اشوف صديقاتي وجاراتي كلهم عندهم بيوت لحالهم وانا ليش طيب والله العظيم ولا يوم عشت مرتاحه عمري مااخذت راحتي ببيتي دايما بالحجاب والطويل والدنيا حر مااصدق ادخل الغرفه وشوفي كيف العرق والقرف لا وكمان عمري مالقيت شئ في مكانو البيت كلو عيال وصراخ نفسي يوم ارتاح نفسي يوم اقعد بهدوء وراحه بال والله العظيم تعبت نفسي ارتاح مو من زوجي من اهلو امو اخو وزوجت اخو وعيال اخو كلهم زفت ونفسيتي مره تعبانه اوقات بكون نفسي اموت وارتاح من العذاب إلي انا فيه بعض المرات اقول لزوجي خلينا نطلع في بيت انشا الله غرفه وحمام والله راضيه بس هو بصراحه مايبغا يطلع ويتحمل مسؤليه بيت انا اكتشفت الشئ هاذا بعد سنه من زواجنا قبل ماتنزوج قلي كلها سنه بلكثير لما اوضاعي تتحسن وانشا الله بصير خير مرت سنه وسنتين وخلاص مسح الفكره من راسو اساسا هو مو حاسس فيا بطلع من الصباح عادوامو ومابرجع إلا باليل بياكل وبدخل عالغرفه وبياخد ؟إللي يبغا وخلاص وبطقاق فيني اموت احترق ايش عليه مايعرف كيف انا عايشه بين اهلو احس حالي والله العظيم زي الخدامه بس تنظيف وطبخ وماشا الله العيال مايقصرو بالوساخه وخدي عاراسك لا وكمان إلي زاد الطين بله اخو وزجتو دايما مشاكل دايما بينهم مشاكل وصراخ والله العظيم صرت اخاف صار عندي مثل العقده كل مااسمع صوتهم ارتجف يمكن عشاني لسا صغيره بالعمر حاسه حياتي مافي ايأس منها وكل ماافتح معاه موضوع البيت بتنكد وبزعل ويمد ذاك البوز وبقولي انتي احسن من غيري والله مابعرف ايش اسوي نفسي ارجع عابيت اهلي واطلب الطلاق وارتاح اشتري راحت بالي ليش اتحمل القرف هاذا كلو الحمد الله لابيت ولا عيال الحمد الله على كل حال والله اكتب الموضوع وانا دموعي في عيني حاسه بضيقه قولولي ايش اسوي انصحوني الله يخليكم قولولي اي شئ

>>>>> ردود الأعضـــــــــــــــــــاء على الموضوع <<<<<
==================================


ممممممم فعلا شيء صعب ..
انتي لوتاكدتي انو زوجك له قدرة على انه يفتح بيت بس هو اللي موراضي ..
في ذاك الوقت حاولي تمنعيه حق من حقوقه ، يعني وحدة بوحدة ، لان البيت كمان من حقك
يعني لاتاخذي دور الزوجة المثالية دائما ،
وقولي له اذا فتحت لي بيت خاص لنا هذاك الوقت رح اكون مثل مابدك

بالتوفيق حبي


__________________________________________________ __________

لاتتسرعي بالطلاق حاولي تشوفي حلول زي ماقالت اختي متواضعه حاولي تضغطي عليه - يمكن الله يهديه ربي يسعدك بالدنيا والاخره


__________________________________________________ __________

لاتتسرعي بس خلي احد كبير يكلمه
عندنا نفس المشكله بس اخوي مو راضي يخرج حرمته من عندنا
والحين راحت عند اهلها
طنشها وراح خطب وبييتزوج عليها

لاتتسرعييييييي


__________________________________________________ __________

وينه ذا البيت اللي 20الف كلها نار على الاقل خذي شقه صغير السنه 17 او 18 الجي الى ربك في قيام الليل وابكي عند ربك هو اللي قادر على كل شي
شوفي حبيبتي اذا هو مدلعك ومومقصر بشي معك تحملي عشانه هذا اقل شي تسوينه له الين الله يفرجها اذا هوحطك بعيونه
اما اذا مطنشك واللي تبينه مايصير
لازم تحطين النقاط على حروف اذا انك شرطتي في عقد زوجكم يحقلك تطلبين فيه وروح للأهلك هو اصلا ماقدر يفتح بيت عشان يتزوج عليك بعكس يجاول يرضيك لان مافيه وحده تقبل فيه وهو ساكن عند اهله خليك قوي لا تكوني ضعيفه عنده راح يستغل ضعفك


__________________________________________________ __________

اختي الله يكون في عونك الاخوات كفو وفو بس انا انصحك بالاستغفار والله الاستغفار تفتح اقفال

والجئي الدعاء في صلاة الليل وقراءة سورة البقرة وباذن الله تصير حياتك من شقاء الى السعادة

خلي ايمانك بالله كبير يا اختي دام صبرتي سنتين اصبري وان شاء الله الفرج قريبا ان شاء الله

ربي يسعدك يالغالية وان شاء الله قريبا تبشرينا انو صار لك بيت لحالك يا رب فرج همها وهموم جميع المسلمين