حالة إكتئاب مجابة
عنوان الموضوع : حالة إكتئاب مجابة
مقدم من طرف منتديات نساء الجزائر
حالة إكتئاب
السلام عليكم ورحمة الله وبركاته
جيتكم أحكيلكم قصة وحده قريبه ليه فعلاً قصتها سببتلها إحباط شديد وإكتئاب الله لا يبلي أحد
أولاهادي الأخت عمرها 30 سنه وهيه ملتزمه وحالها حال نفسها وأخلاق شي ماشاء الله عليها ,وزي أي بنت كانت تتمنى يجيها نصيبها وتتجوز
وماهي متطلبه تبغى الستر وبس ,
وفي شهر 2 من هادي السنه جاها عريس وأكبر منها ب 10 سنين
طيب وقالت عادي مومشكله وكمان هوا وحيد أمو وهوا المسؤول عنها
وكمان مطلق ثلاثه مرات وعندو بنتين وولد البنتين عندو مع أمو عايشين وقريبتي حتعيش معاهم في البيت نفسو والولد مو عندو قالت عادي وقال مايبغى شبكه ولا فرح كبير برضو قالت عادي
وسارت الشوفة حقتها كمان شهر 3 مع العلم إنها مو من نفس بلدتو
هو من بلد وهيه من بلد شافها وشافتو وبعد كم يوم قال خلاص يبغى أوراقها علشان يقدمها وراحتلو الأوراق وبعد فترة زي شهرين قال أستنوني شويه علىشان عندي شغل كتير ومضغوط مع العمل بعدين أقدم الأوراق والبنت بتستنى مع العلم إنها والله كانت رافضه مبدأ الجواز بتاتاً لأنو ماعندها ثقه في الرجال لكن علشان نفسية أمها قالت خلاص قدايش حجلس مبلطه في بيت أهلي وألسنة الناس ماترحم البعيد والقريب بيتكلم عليها وعلى أخواتها إنهم جالسين وشوفو أعمارهم كم
ولمن شافت الأدمي دا أمنت إنو بلفعل رجال لو هيبة ,
وكمان بعد شهرين كمان قلهم أستنو عليه كمان شهرين علشان أهل طليقتو الثالثة عملولو مشكله وبرضو البنت قالت عادي أستنى ومتأمله إنها حتم هرجتا وعدت الشهرين والثلاثه والأربعة ومرت الأيام وجاها الرد المفاجيء وإلي كان صدمه بلنسبه لها وسببلها إكتئاب شديد
دقت أمو على أمها وقالتلها مافي نصيب
بعد كل هادي المده قرابة ال7 شهور والبنت بتستنى
ويجيها رد زي كدا أيش ممكن الواحد يسوي في الحاله دي ؟
والله حالها يحزن وجالسه تأنب في نفسها لأنها كانت تبغى تغير نظرتها في الرجال بس مافي فايده
ياريت تفيدونا بأرأكم في مأساة هادي الأخت علشان نرفع من معنوياتها
والله يوفق الجميع
>>>>> ردود الأعضـــــــــــــــــــاء على الموضوع <<<<<
==================================
ربنا باذن الله يبدلها باحسن منه
خليكى جنبها وقوليلها ان بيت الاهل اكرم احيانا من الجواز
ربنا يرزقها بالزوج الصالح
__________________________________________________ __________
امانه تبلغيها الكلام نصا
واذا امكن تخليها تقرأ مشاركاتنا هي بنفسها
ياعزيزتي
يعني الرجل مطلق ثلاث مرات
عندو بنتين وولد والولد مصيره يرجع لأبوه
ياعزيزتي هذا الرجل مملوء بالمشاكل وغرقان
لو كان صار النصيب كانت هذه البنت راح تغرق وياه
هو الى الان ماحل مشاكل طليقته
فوق هذا وذاك هذا انسان ماله كلمه ولا ملتزم كان المفروض من اول ايام يبعث لها خبر بأنه مافيه نصيب
ولكن يبدو انه انسان متردد وكل ساعه برأي
ربنا خلصها من هالنصيب المعثر
وخلي تخلي عينها بعين الله وراح يجيها اللي تستاهلو ويستاهلها
ثلاث طلاقات قبلها ؟؟
اصلا لو صار هذا النصيب كان كل يوم تجيها المشاكل من احد طليقاته
وخصوصا ان هناك اطفال بالموضوع
انا اصلا من رأيي اذا رجع هذا الرجل وطلبها مره ثانيه خليها هي تخلي شروط هذه المره ولا تتنازل
وتطلب المهر والشبكه اللي هي تريدها
هذا اذا كان لسه عاجبها هالنصيب
طلاق ثلاث مرات؟
لاحول ولا قوة الا بالله العلي العظيم
عندي كلمه نفسي اقولها بخصوص المطلقه والمطلق
المطلقه تستحمل ظروف تعيسه كثيره لان تخاف على سمعتها وتحاول تلين امام الامور الصعبه
ولكن الرجل المطلق ولأكثر من مره اصلا هذا خطر وغير مضمون ومتعلم على الطلاق يوميا
وكل يوم زواج وطلاق
لاعزيزتي لا
بلاه هذا الزواج وتجلس ببيت اهلها معززه مكرمه وتدعي من ربنا يبعثلها النصيب اللي يستر عليها مو النصيب اللي يتعسها
بلغيها تحياتي ودعواتي القلبيه
__________________________________________________ __________
جزاكم الله ألف خير أخواتي على تفاعلكم ومواساتكم والله أنا فرحت لمن شفت كلماتكم إلي كتبتوها وإن شاء الله أوريها هيه ودمتم لنا إخوه
__________________________________________________ __________
الله يفرج هم كل مهموم ويسهل كل عسير
__________________________________________________ __________
الله يفرج همها ويطلعها من حالتها بس والله خيره لها ربي اراد لها الخير تحمد الله الف مره يمكن لو اتزوجته كان طلقها على كدا الغلط منو في طلاق 3 زوجات مو معقوله ما في ولا وحده قدرت تكسبه وتعيش معاه يعني الغلط منو والشكل مو كل شي ولا تعرف حقيقته الا بعد العشره والله اكرم لها انها ما اتزوجت الله يرزقها باحسن منو اختي اذا هى قريبه في مكه اعطيني تفاصيل عنها بالخاص لعلى وعسى اقدر افيدها تقبلي تحياتي
رد مع اقتباس
