عنوان الموضوع : بنات بليز ساعدوني !!!
مقدم من طرف منتديات نساء الجزائر

بنات بليز ساعدوني !!!



السلام عليكم ورحمة الله وبركاته

بنات أنا ماعرف كيف أحل مشكلتي بصراحه و أتمنى أنكم تفيدوني

أنا عمري 18 سنة مطلقة من شهرين وأنا اللي أخترت الطلاق و أصريت عليه بعد محاولة إنتحار .. أنا عايشه مع أبوي و زوجته و أعياله خادمة عندهم يعني هاتي و شلي و حطي و كنسي وإلى آخره.. أبوي زوجني واحد أكبر عني بخمس سنوات بدون شوري طبعا .. تزوجت و عشت مع زوجي و حياتي تغيرت كليا يعني أنا اللي آمر و أنهي بالبيت زوجي يحبني وااااااايد بس أنا لا أخاف منه و دايما أجرحه صبر علي شهرين و أنا لحد الآن عذراء (( يعني بنت )) أي زوج بيرضى يتزوج وحده و مايلمسها وهذا حقه الشرعي بس هو ماحب يسوي شي بدون رضاي حتى لو كان حقه ولما يتقرب مني كنت أصرخ فوجه و يطلع من البيت زعلان و معصب وكل يوم على هذا الحال و يوم من الأيام سمعته يتكلم بالتيلفون ويقول أنه يحبني و مستحيل يتزوج علي و بيصبر علي و مستحيل يخوني أنا من سمعت هذا الكلام حزنت على حاله و فكرت بالطلاق و كلمته و رفض و قالي مستحيل أطلقج حتى لو ماتبغين أتشوفيني فالبيت عادي بطلع بس طلاق لا لأني أحبج و كالعاده طلع من البيت و بعدها قررت أنتحر عشان يطلقني و يعيش حياته و أخذت حبوب و خذني للمستشفى و سويت غسيل معده و بعدها طلقني غصبا عنه لأنه خايف علي و هذا اللي قاله لأنه مايبغي يطلق و رديت عند أبوي و رديت أعاني من المذله و الشغل و النظرات الحاقده علي من زوجة أبوي و أخواني ....

زوجي طلب يدي من أبوي مره ثانيه و قال أنه يبيني أنا أنصدمت لما قال لي أبوي أني برجع لزوجي بكره و طلع بدون ماياخذ شوري ....

بنات أنا خايفه إذا رجعت كيف أتصرف أخاف أرجع نفس قبل و الله ماعرف شو أسوي و كيف أعطيه حقه و أنا راضيه ...

أنا لما تطلقت حسيت بحبي له و شوقي له بس والله خايفه...

كيف أحط عيني بعينه بعد اللي سويته ...

أنصحوني بليز بنات و الله ماعرف شسوي مالي غير الله ثم أنتوا ....

>>>>> ردود الأعضـــــــــــــــــــاء على الموضوع <<<<<
==================================


الله يهديك حبيبتي ويفتح على قلبك يارب


عاد يااختي... ارجعي كأنك اول يوم زواجك


ودلعيه وخليه ليله حلوه بينكم ×××××× <<مفهومه
وفرحي خاطره باللي يبي


وسوي كل شي يتمناه منك قبل ..


صدقيني ماراح تفكرين شلون احط عيني بعينه



وخلي ايامك كلها دلع بدلع ...لانك مو لاقيه دلع زوجك عند غيره ابدآآآآ


وحاول تتكلمين معه وانك ندمانه ع هالفعل وانك تحبيه ...... الخ


وماله داعي الخـــوف

والله يسعد قلبك يارب..

وحيــــــــــــــــــــــــــــــــآه سسسعيده


__________________________________________________ __________

اختي توكلي على مع زوجك وخصوصا انك قلت يحبك ويعزك كثير من النساء يعانين من ازواجهم وصابرين بس قلتي هذا غير حرام تعذبينه اكثر من كذا وان شاء الله ترجعين وماتسوين مثل قبلومادام انه يحبك اكيد بيسامحك حاولي تمسكين اعصابك معه ولا تبدين ضيقك له وان شاء الله ربنا يسعدك مع زوجك ويهدي سركم ويوفقكي وكيف صابره على اهلك وهذا حنون معك انصحك بصلا ة الاستخارهوالدعاء في كل الصلوات واتمنى من الله ان ترجعلي لزوجك وتعيشي حياه هنيه وتعيشين اجمل ايام حياتك امين


__________________________________________________ __________

حبيبتي يتيمه زوجج شاريج ويبيج ولو اهو مايبيج ماكان جاء واخطبج مرة ثانيه
تعوذي من ابليس وارجعي له وافتحي قلبج له قولي كل شى صارحيه لانه يحبج لا تضيعينه من ايدج وانت صغيرة وتعرفين شلون تدلعينه ،،،،
الله يوفقج ويسعدج ،،،،، وبشريني اوكي.


__________________________________________________ __________

اختي الغاليه زوجك يحبك وشااااااااااااااااااااااريك وبعد كل اللي سويتيه متمسك فيييييييييييك فلا تبيعينه
ماراح تلقين انسان يحبك بقد حب زوجك لك فلا تخربين بيتك بيدك
ونصيحه يا حبيبتي تتزوجي شخص يحبك وشاريك احسن من لوكان انتي تحبيه وهو عادي لان لو زوجك يحبك راح تضمينه بس لو ماكان يحبك ماتدرين وش ممكن يسوي من وراك

اختي قبل ترجعين لزوجك لاتفكرين ترجعين من اجل الهروب من وضعك في بيت اهلك ومشاكلك في بيت ابوك
اذا نويتي ترجعين ارجعي من اجل انسان حبك من قلبوه واخلص لك واثبت لك حبه وابدي معه حياتك وربي يسهل عليكم ويتمم عليكم بكل خيييييييييييييييييييييير ويفرج همك


__________________________________________________ __________

حبيبتي ارجعيله وعامليه زين بااين انه مو بس يحبه الا يموووت فيك

الله يخليكم لبعض ياارب ومنها ترتاحين من زوجة ابووك

الله يدووم المحبه يااارب