عنوان الموضوع : هل انا عاقه ؟؟؟!!
مقدم من طرف منتديات نساء الجزائر

هل انا عاقه ؟؟؟!!



السلام عليكم ورحمة الله وبركاته
هاذي اول مره افتح فيها قلبي لاني بطق من وحدتي لا صديقه ولا اخت ولا ام اشكيها همي
انا اعيش مع عائلتي ولكن عائله بالإسم فقط،ابوي وامي بينهم مشاكل ومشاكلهم انعكست علينا كل واحد فينا مايطيق الثاني غيره وتفرقه والخ
مشكلتي اني مضايقه منهم حيل حيل حيل لانهم سبب في ضياع نصيبي والحمدلله على كل حال قدر الله وماشاء فعل
ولحين انا احاول اتحاشاهم ولا اتكلم معهم حاولت انسى وامشي الموضع لكن الى متى كل ماصابني بسببهم ضغط على نفسي مليون مره بس تعبت
سؤالي هل انا عاقه بتصرفي؟؟

>>>>> ردود الأعضـــــــــــــــــــاء على الموضوع <<<<<
==================================


اهلين اختي يسعدني اول من يرد عليكي
والله مدري ياختي
الله يكون بعونك
احنا موجودين في كل وقت بس ادخلي على المنتدى واحكي حالك ياختي
الله يفرج همك ياعمري وكل بيت وله مشاكل


__________________________________________________ __________

السلام عليكم
اختي انشاء اللة انتي مو عاقة وفيك الخير ولا كان ما سألتي واهتميتي بس اهم شئ انك تكلمينهم وتتوددين لهم
مهما كان هذولا اهلك وغير كذا امك وابوك يعني مهما تسوين ما توفينهم حقهم وصبرك عليهم فية اجر عظيم وكثري الاستغفار ربي يفرج لك


__________________________________________________ __________

حبيبتي انتي قلتي انهم السبب في فوات فرصة زواج صح؟

هذا بصراحه ظلم وبخس لحق من حقوقك في الحياه

ومالهم ابدا حق انهم يضيعوا عليك فرصة بدون سبب مقنع

>>كفى بالمرء سوءا ان يضيع من يعول<<

حبيبتي لازم تكوني قويه وتطالبي بحقوقك ترا من ابسط حقوقك قولي ليش ضيعتو الفرصه انا ابي اتزوج واجيب عيال هذا من حقي وهذي سنة الحياة قوليها لأمك أو حتى لو قلتيها بوجه ابوك عادي مافيها شي هذا حقك لاتستحين والله لايستحي من الحق
الله يعوضك خير ويوفقك ويرزقك الزوج الصالح اللي يسعدك


__________________________________________________ __________

يعطيكم العافيه على الرد والله يصبرني قدر الله وماشاء فعل


__________________________________________________ __________

دلوعه ما اقدر والله صعب ماتعودنا على هالشي صعب اني اوقف بوجه ابوي او امي
لكن سكوتي كافي وان شاء الله ربي يسهل وييسر