عنوان الموضوع : من غير امى ما اسوى شى
مقدم من طرف منتديات نساء الجزائر

من غير امى ما اسوى شى



السلام عليكم ورحمة الله وبركاته

يمكن انا اول مره اكتب وانا احس انى على غير طبيعتى دايما اكتب وانا مروقه واتغشمر حيل واستضرف دمى واضحك ساعات وانا اكتب بروحى من نفسى وعلى نفسى
لكن اليوم اكتب بروح ثانيه
امى الله يخليها لى مسافره من مده تغير جو وصارلها قرابة 3شهور ومن يوم سفرها وانا احس بوحده قاتله واحسب كم يوم عدا ؟؟ وكم يوم باقى ؟؟
صحيح انا عندى اخوان لكن كل اخو لاهى مع زوجته وعياله
الصوت اللى كان يدق على ويسال عنى وعن عيالى فقدته والانسان الوحيد اللى يقولى متى تجين فقدتها
كذا مره اروح انا وعيالى لبيت امى عشان انظف وابخر البيت واتفقده ..لما ادش باب البيت اشوفه مظلم لما اشوف سجادتها اوشيلتها بمكان او اشوف سريرها واغراضها احس بضيقه ولا احس بنفسى الا ودموعى تنزل
ولما يمر واحد من اخوانى ويشوفنى يقول عالسريع :هااااااااا شلونج فلانه شخبارج شلون عيالج طيبين هاااا تامرين بشى يالله السلام ..
ورااااااااااااااح
اقول بنفسى هذا واهو يومين واحس بالضياع بعدها
تجينى افكار براسى مجنونه لو تغيب عن دنياى لو افقدها شنى حياتى وشنو معناى .... لما اشوفها احس انى انا انا البنت الصغيره الجاهل اللى عمرى ماراح اكبر وحاجتى لحنانها وحضنها يزيد ولا ينقص حتى لو صرت جده بعد مو بس ام
انا فقدت ابوى وحسيت باليتم
لكن من فقد امه بيحس بالضياااااااااااااااااااااااااع
انا اسفه على الموضوع الى يضيق خلق كثيرات منكم
بس انا حسيت بهالاحساس وحبيت افضفض لكم عنه
وبالاخير اقوووووووووووووووووووووووووووووووول :
الله يخلى لكل انسانه امها وابوها ويطول بعمرهم
ويرحم الميت منهم
ويصبر قلب من فقد احد منهم ..... اميييييييييييييييييييييييين يارب


اقول <<كان فيه فيل طالع مع حبيبته النمله على البحر نص الليل ويسولفون ويتغزلون فبعض ...وفجاه طب الفيل فالبحر وخلا النمله ..قولوووووووووووو لييييييييييييييييييييييييييييش ؟؟؟؟؟؟
لان اخو النمله كبس عليييييييييييييييييييهم...
ههههههههههههههههههههههههههههههههههههههههههههههههه

>>>>> ردود الأعضـــــــــــــــــــاء على الموضوع <<<<<
==================================


الله يخلي امج ولايحرمكم من بعض ويردها لج بالسلامة وانتي بس ادعيلها ربي يحفظها لج ويخلي لي امي


__________________________________________________ __________

الله يخلي لج امج؟انا بصراحه فقدت امي وصار لها 8 شهر انا بالخارج وهي ماتت تالمت وايد ولهالحظه ما مصدكه وطبعا الوالد تزوج ؟؟؟؟؟الله يصبرني ادعوووووووووووووولي .


__________________________________________________ __________

وعليكم السلام ورحمة الله وبركاته

عزيزتي ,, دلوعة العايله والظاهر انك دلوعة صح

الله يخليلك الوالدها يارب

لو تغيب عن دنياى لو افقدها شنى حياتى وشنو معناى ..

( تفاءلوا بالخير تجدوه )

لما كل هذا القلق على امكِ سوف ترجع بإذن الله انتِ فقط ابعدي الوساوس عنك

وحتى يطمئن قلبك اذكري الله ودعي لها

( ألا بذكر الله تطمئن القلوب )

دايما اكتب وانا مروقه واتغشمر حيل واستضرف
دمى واضحك ساعات وانا اكتب بروحى من نفسى وعلى نفسى
لكن اليوم اكتب بروح ثانيه

عزيزتي كوني مرحة مثل الاول حتى لا تتاثر نفسيتك

انتِ عليكِ فقط الاتصال بها كل حين للاطمئنان عنها

والله يحفظ امك وجميع امهات المسلمين

تحيتي ,,


__________________________________________________ __________

الله يجزاكم خير بالدعوات الحلوه ويخلى لكل وحده غاليها ولايحرمها من اللى تحبهم
ويابعد قلبى اختى <تمارا> انشودتك اللى حطيتها خلتنى ابجى وخلص الكلينكس وقاعده انطر السايق دزيته يشترى كلينكس بعد


__________________________________________________ __________

الله يخلي ليكم امكم ويحفضهن بصحة جيدة لكن ارجوكن لا تنسوا ان تترحمواعلى الي ماتوا اللهم ارحم امي واغفر لها واجعلها في الجنة