عنوان الموضوع : هالمشكلة تاعبتني كثير
مقدم من طرف منتديات نساء الجزائر

هالمشكلة تاعبتني كثير



:eng:--------------------------------------------------------------------------------



السلام عليكم كيف احوالكم ويش اخباركم
انا من فترة مادخلت المنتدى بسبب نفسيتي صايرة زفت اتمنى تساعدوني اب حل هالمشكلة ببتدي لكم المشكلة
مرت اخو زوجي صديقة عزيزة علي كثير ماتتصورون اشقد غالية علي وانا معاها اكثر من الخوات والكل يشهد لنا من اهل زوجي بحبي لها وحبها لي
المهم اهي اللة يهداها كانت تحب واحد من قرايبها بس ماصار نصيب ولاتزوجتة المهم تزوجتة اخو زوجي من اربع سنوات ومثل ماقلت لكم صرنا مثل الخوات بعد هالفترة من زواجها بدت تكلم الرجل اللي كان يحبها بالتيلفون من ورى زوجها انا صراحة انصدمت لما اهي بلسانها قالت لي على كل شي وطبعا انا محط اسراها ماتخبي عني ولاشي كل اصغيرة وكبيرة تقولي عنها حتى الخصوصيات اللي بينها وبين زوجها
المهم انا تاثرت كثير لما عرفت بالسالفة وعلمت زوجي بكل كلمة قالتها لي بس واللة اللعضيم ماقلت لة انة اهي مرة اخوك قلت وحدة ماتعرفها علشان ماتصير مشاكل زوجي اللة يهداة عصب كثير وقال لي لازم تقولين لي منو هذي اللي تعرفينها وتكلم واحد غير زوجها وهو شك فيها قال لي اكيد مرت اخوي انا انجيت قلت لة ليش شكيت فيها اهي بالذات قال اعرف اكثر وحدة تعطيج اسرار اهي مرة اخوي وكذبت علية قلت لة مو اهي وانا من خوفي منة صرت ابكي بنهيار لانة معصب لدرجة ماتتصورونها وجاب لي القران وقال لي حلفي علية انها مومرت اخوي واذا ماحلفتي بطلقج انا طبعا ماقدرت احلف كذب واعترفت انها مرت اخوة وصارت مشكلة كبيرة بينة وبين اخوة
المهم اخوة ماصدق السالفة والحين زوجي واخوة مايكلمون بعض وزوجي حالف علي اني ماكلمها والمشكلة ان زوجي يقول خلاص عقب اللي صار مانتواجد احنا واهم فية يعني في جمعات اهلة والعزايم والروحات والجيات والرحلات يااحنا يااهم يقول اذا كان موجودين في محل واهما جاو لازم احنا نمشي من المحل
س1)هل زوجي معاه حق واللا مومعاة
س2)اشلون اقدر اخلي زوجي يتصالح مع اخوة مع العلم صار مايحب طارية ويقول لي طول العمر ماراح اكلمة لانة ماطلق مرتة
اتمنى على الاقل اذا صارت جمعات مانقوم لاني كثير احب اقعد مع اهلة في جمعاتهم لدرجة ماتتصورونها
سامحوني طولت عليكم بس من حر مافي قلبي واللة
__________________

>>>>> ردود الأعضـــــــــــــــــــاء على الموضوع <<<<<
==================================


حبيبتي أول شي معليش لا تزعلي إنتي غلطانه مهما كانت ومهما حبت وأمنتك على سرها لا تقولين لأحد حتى لوسوت نون وما يسطرون بكيفها هي وزوجها يختلصون ودحين نجي لحل المشكله حتى زوجك غلطا ن المفروض مايدخل في حيات أخوه حتى لو خايف على مصلحته علشان مايخسره وبصراحه الوحده لماتلعب عجلا أو أجلا بتنكشف ومالو أي حق يدخل في أخوه وزوجته هم يحلون مشاكلهم سوى وعلشان يتراضون أتركيه كم يوم وتعاليله هو رايقوقولي انا بصراحه حلمت حلم شين وقمت مفجوعه من النوم ولما فسرت الحلم تفسيره شين ويخصك إنت وأخوك أتمنى إنك تتصالحوا الأن هذي قطع رحم وهو أخوك من لحمك ودمك والمفروض ماندخل بينهم ومالك علاقه بزوجته أهم شي إنت وهو إنكم ترجعون مثل أول وأكثر مالكم غنى عن بعض وهذابنتحاسب عليه ومن هالكلا م وإنشالله يقتنع وربي يهديه وأتمنى إن الأمور كلها تتصلح وإنشاالله أكون أفدتك وسامحيني على صراحتي


__________________________________________________ __________

تبين الصراحه انتي الغلطانه لانكي ما حفظتي السر واتمني ان سري ما يكون عندك وانتي سبب المشكله
انا ما اقول انها هي ماتسوي شئ غلط بس المفروض نصحتيها يمكن انكي كنتي تغيرينها اكثر من انك تهدمين حياتها
اســــــــــــــــــــــــــــــفه علي الصراحه


__________________________________________________ __________

اسمحيلي اختي انتي ليش تقولي لزوجك على هالسرررر اللي مأمنتك عليه البنت
اشلون تقولي انج تحفضين اسرارهآ وافشيتي سررهآ لزوجك .....؟
اهوو خلاص ماينفع هالكلآآم لانو كل شي صآآر
لكن اقولج واطمنج ان هذي بس فتره وتتعدى ان شآء الله ويرجع كل شي مثل أوول واحسن بعد ^^
يعني تطمني


اللح يحفضج ان شاء الله


__________________________________________________ __________

بكل صراحه انتي غلطـــــــــــــــــــــانه من راسك الى رجليك المفروض ماتقولين لزوجك سر وحده امنتك عليه حتى لو انها مو حماتك واهي يمكن قالتك علشان تبيك تساعدينها مو تهدمين حياتها الله يهديك على اللي سويتيه وارررررررررررررجووووووووووووك لاتاخذين على خاطرك مني.......


__________________________________________________ __________

--------------------------------------------------------------------------------

السلام عليكم
اشكركم جميعا على المشاركة اللة يسامحكم اغلب اللي ردو علي يلوموني اللا القليل ليش اقول لزوجي انا واللة ماعلى بالي انة بيصر علي وبيحلفني بالقران اانها مرة اخوة لان كم مرة اقول لة وماعمرة حاول يصر علشان اعلمة صج يسال منو هذي ويحاول على خفيف بس هالمرة اصر اصرار قاطع وانا حطيت المشكلة علشان تساعدوني مو علشان تلوموني واشكر خواتي اللي تعاطفو معاي من كل قلبي
ةتحياتي