عنوان الموضوع : مقهوره
مقدم من طرف منتديات نساء الجزائر

مقهوره



السلام عليكم
شلونك حبايبي والله اشتقت لكم بس انا ماتصادفوني الا اني اشتكي اتوقع ماشفتوا لي اي مشاركات في اي مكان ثاني بالمنتدى
ادخل في مشكلتي .......
خطيبي قهرني من يومين بصراحه دايم يقلل من شأني من ناحية اني ساكنه في قريه ماهي من مستواه وبرستيجه ولاحصل مني اي موقف او اي رد باسلوب ماعجبه يعريني يقول ينسبني باسم القريه اللي عايشه فيها
امس حصل لي موقف كنا رايحين جده احنا مجموعه كبيره ومن ضمنهم عمته معانا اتوقع عرفتوها مرات كثيره ذكرتها لكم في مواضيع المهم مرت اخوي نست مخدة اختها في الباص اللي جينا فيه من شافها عمته وخذتها وعلى حسب كلامها لولد اخوها مدري شلون جات مع اغراضنا المهم هم شافوها وسخه خذوها وحذفوها رغم انهم عارفين من له
يوم تقابلت عمته مع مرت اخوي بنات عم هم
سألتها ماشفتي لنا مخده قالت الا بس ولد اخوي حذفها اللي هو خطيبي
عاااد هو تناقش معاي بالموضوع ورديت عليه انت مالك شغل بالناس هم يبون مخدتهم وغاليه عليهم وبعدين فيه اختراع اسمه غساله وصابون يقول اقول بس والله ماتقدرين تطلين فيها قلت مالك حق تتصرف بحق غيرك المهم قام يقول اقول بس ماينشره عليكم الا انتوا وقال اسم القريه اللي عايشين فيها قلت اقول هي اللي كبرت شحومك ولحومك قال ماكبرني الا خير ابوي قلت الحين تنكرت لها ابوك وينه يوم كنتوا عايشين فيها بحكم شغله البعيد ماكان يتواجد كثير وبعد ماتقاعد عنده بيت ملك بمنطقه ثانيه راحوا اسكنوا فيه المهم على قولته انا كنت بعتذر منها بس الحين هونت وقال *على زق* وانتوا بكرامه واللي مايعجبه يشرب من البياره مو من البحرالمهم قلت له وليه هذا كله قال بيتعيشون وسخين قلت الوسخ بكل مكان حتى في الاماكن الحضاريه على قولتك وانا اقصد بيتهم الله لايأثمني بس مافهم
وقلت له يكفيني برستيجك ومستواك خلاك تنزل واكون زوجتك
بس دايم يتكرر هالشي ماني عارفه كيف اتصرف بهالموقف لما يصادفتي مثله وانا بصراحه ابيه يفهم اني مو جايه من زباله
انتوا عاد لو تشوفون القريه اللي عايشه فيها انا(انا من سكان المنطقه الشرقيه وبالتحديد "عنك "هي مدينه وبصراحه راقيه شوي وتقع بين سيهات والقطيف وهي تنسب الى قبيلة بني خالد بس هي معروفه انها مدينه صغيره وعلى قولته تحبون تعجنون بالرمل والماي وتلعبون بالشارع كرة قدم وتموشون بدون نعال اقوله حلاتها خلهم يعيشون طفولتهم يقول الا وساختهم ههههههه تحفه خطيبي
الحين انا بصراحه ماتحمل لما يتكلم عن عنك كذا المشكله ان ولد خالي يعني مني وفيني بس مدري ايش شايف الدوحه ايه على فكره هو من سكان الدوحه "الظهران"المهم انا اتنرفز لدرجة ان اتشابك معاه بالكلام والسبه هالموضوع
ارجوا افادتي وآسفه على الاطاله

>>>>> ردود الأعضـــــــــــــــــــاء على الموضوع <<<<<
==================================


حبيبتي الله يصبرك عليه ونتي كده عرفتي اسلوبه وطبعه ؟


__________________________________________________ __________

حبيبتي عنك تهبل تهبل تهبل ويكفي فيها الخوالد فديتهم والدوحه شنو ترى الدوحه عاديه جدا بالنسبه للهدا والحزام الاخضربالخبر اذا بيتفشخر عليك قليله لو انك من سكان الهدا او الحزام يالخبر كان قلنا عطيه على راسه فديت عنك ياناااااااااااااااااس فديتها وترى عنك موقريه يالغلا


__________________________________________________ __________

تسلمون حبيباتي على هالردود الرائعه رغم انها مافيها اي حلول لكن اثلجت صدري صراحه
وانتظر المزيد
تقبلوا مروري
غلا خالد


__________________________________________________ __________

أسمحيلي عزيزتي بس الموضوع الي خليكم تقولون لبعض ألفاظ وسخة وتحقيرية موضوع (((سخيف)))بكرة بتتزوجون وش بتقولون لبعض؟؟ من رأيي لما يجيب طاري قريتكم وبيتكم وعيشتكم طنشية ولا كأنك تسمعي شيء...وبصرااحة مررة أسأليه لو زودها قولي ليه خطبتني إذا حياتنا ماتعجبك ؟؟؟يعني بإختصار كبروا عقولكم


__________________________________________________ __________

من جد كلامج اختي يسلم لي لسانج اهم شي بين الزوجين الاحترام
وتقبلي مروري
غلا خالد