عنوان الموضوع : سااااااااااااااااااااعدوني ....
مقدم من طرف منتديات نساء الجزائر

سااااااااااااااااااااعدوني ....



السلام عليكم ورحمة الله وبركاته ...

خواتي تكفون ابي رايكم في موضوع مهم والله اني محتاره وكل يوم

ابكي واتضايق من هالموضوع ..

انا متزوجه من 5 شهور .. وفي اول شهر زوجي كان مطيرني فوق

وناسه وحب وسهرات وكلام حلو .. بعدين تغير صار يسهر بره للساعه

4 الفجر واذا رجع يتابع التلفزيون للساعه 8 , 9 الصبح وينام .. تخيلوا

صرت اذا نام هو اقوم انا الصبح واذا قام هو انام انا بالليل ..

مليت من هالحاله ... وترى مو هذا الشي اللي ابي رايكم فيه ..

تدرون بعدين شصار لي زعلت عند اهلي 4 ايام ورجعني ووعدني يتغير

ومااااا تغير يومين بعدين رجع مثل ما كان .. المهم انا ايميلي ما فتحته

من تزوجت وذاك اليوم كنت ضااااايقه وفتحته وكان فيه ايميل واحد كان

يبيني وكنت اكلمه قبل زواجي وخطبني وابوي رفض .. وكان موجود

على ايميلي ودخل معاي محادثه وقعدت اسولف معاه واشكي له ..

انا ادري انه غلط هالشي بس والله مو بكيفي .. تعبت والحين كل يوم

اسولف معاه بس صار 5 ايام ما كلمته واحسني مكتومه .. ياربي

مالقيت غيركم افضفض له وانا والله الحين اكتب وانا ابكي ..

وكل ما صليت ادعي لزوجي .. بس هو ما يصلي وانا خلاص تعبت

والله مرات افكر بالطلاق واني اجرب مع غيره لان هو حيل لا مسؤل

تعبت تعبت تكفون خواتي لا تنسوني بالدعاء ..

احبكم في الله فأنتم ملاذي عن كل ما يضايقني ..

الهنووووووف ... الباكيه ...

تكفون لا تطنشوني ..

>>>>> ردود الأعضـــــــــــــــــــاء على الموضوع <<<<<
==================================


هلا اختي الهنوف انتي كاتبه في اول توقيعك اللهم اني اعود بك من عمل يخزيني

وهذا العمل اختي اللي تقومين به لن يجر لكي الا الخزي في الدنيا يااختي حرام اللي

تسوينه هذا رجال اجنبي وحتى لو زوجك قصر معك حرام تسوي كذا

الخيانه اختي تكون حتى لو فكره عابره استغفري الله ولو زوجك مش ملتزم

اللي يكلم زوجة غيره مش ملتزم اكثر من الاول فاهمه قصدي

وانتي تعرفي انك تسوي شيء غلط ومشكلتنه كذا نعرف الغلط ونعرف

ويش نهايه الغلط ونمشي فيه ونقول ياربي معذورين استغفري الله

وارجعي لرشدك وتذكري (من زنى يزنى به ولو بيحيطان داره )

ومن دق باب الناس دق بابه وفهمك كفايه

تقبلي رايي صف صف


__________________________________________________ __________

السلام
ابغض الحلال عند الله الطلاق

ولاتكلمين الشخص الي عندك بالايميل واجهي الموضوع وخلي ابوك امك اخوك يكلمونه

بس الاول ناقشيالموضوع انت وياه نقاش هادي

ترى على فكره دام هذا اولها اجل بعدين لماتكبر المسؤوليات ايش بيصير

واجهي الامر يانتي يالسهره بسخلي يسهر مرتين بالاسبوع موتقفلبها مره وحده
واتمنى تردين علي


__________________________________________________ __________

يا الله يا صفاء كلامج كله صح والله اني عارفه .. وصار لي اسبوع الحين ما كلمته .. بس هو كان يقول لي اذا

تطلقتي بجي اتقدم لج مره ثانيه وابوج ماراح يردني لانج مطلقه ..

احساس دافئ والله العظيم اني اقوله واعاتبه بس ماكو فايده حتى يوم زعلت عند اهلي ورجعت ما تغير

مليت والله مليت وبعدين شلون اخليه ما يسهر ..

انا خلاااص ما عاد فيني حدي ضااايقه..

ادعوا لي ..

وجزاكم الله خير على الرد..


__________________________________________________ __________

السلام عليكم ..

اختي الهنووف اذا زوجج ما احسن التعامل معاج الجئي الى الله سبحانه ..

وكل ما شفتي نفسك ضايقه صلي ركعتين وادعي ربك ..

و لو كل وحده سوت مثلج كان الدنيا مو بخير ..

لا تعالجين الغلط بغلط ..

والله يوفقج ويسعدج ..

واصبري وتنالين ان شاء الله ..


__________________________________________________ __________