عنوان الموضوع : مشكلتي
مقدم من طرف منتديات نساء الجزائر

مشكلتي



بسم اللة الرحمن الرحيم
عندي مشكلتين
اول مشكلة مشكلة الانجاب
وثاني مشكلة مشكلتي مع ابوي
ابدا بمشكلة الانجاب
انا متزوجة اكثر من 13سنة واللة مارزقني بعيال يعني من زوجي السبب
انا راضية بكتبة اللة
بس المشكلة اللي امضايقتني زوجي اللة يهاة موراضي يتعالج اطلاقا حاولت معاة بشتى الطرق مايبي يتعالج بتاتا وهالشي امضايقني حيل
مع العلم اني انا مع زوجي الحمدللة نحب بعض بجنون بس هذا اللي قاهرني منة ولا اقدر انفصل بسبب حبي الشديد لة وحبة لي ومعاملتة الطيبة معاي ومريحني وللة الحمد من جميع النواحي اللا هالناحية
المشكلة الثانية
اهلي واساسا ابوي
ابوي حار عصبي دكتاتوري
يعني يتحجج علي وعلى اخواني وخوتي كل مرة بروح بيت اهلي
لازم اطلع منة وانا مقهورة طبعا بسبب ابوي وتصلطة واكثر المرات واللة مااطلع اللا ابجي من كثر اصراخة وتهزيأة
زوجي رافض معاملة ابوي معاي ومع اخواني يستغرب ليش ابوج يسوي جذي
اقول لة خلاص شنسوي مابيدنا حيلة
يقول لا ماارضي يهينج بالساعة وكل مرة تدخلين وطلعين لازم ادموعج اربع اربع انا بكلمة
ومرة رحت وهو معاي دخلت الغرفة لبوي وسلمت علية وحبيت راسة
جان يقوم ويصارخ علي ويتبلى علي بتصرفات انا ماسويتها وكان زوجي بالصالة يم اخواني سمع اصراخ ابوي انا ماقدرت بجيت وابوي يصارخ علي دخل زوجي وكلم ابوي بالتفاهم بس ابوي كللس موحاس ان احد يكلمة
زوجي بعدها عصب وانقلب الهواش بين ابوي وبين زوجي
بعدها ابوي حقد علي اكثر وبعد يوم رحت انا زوجي واعتذرنا على اللي صار لانة زوجي ندم على الهوشة واعتذرنا وماكو فايدة وبعد كم يوم رحنا واعتذرنا من جديد هم ماكو فايدة وعندنا التكرار يمكن واللة العضيم اكثر من 10 مرات ولا اكو فايدة وليما الحين وانا حايرة شسوي
سامحوني عل اطالة بس من حر مافي قلبي

>>>>> ردود الأعضـــــــــــــــــــاء على الموضوع <<<<<
==================================


صدقيني انا ابوي نوعا ما فيه العصبية والتسلط والقسوة لكن صرنا نتقي شره

بارضاءه عالاقل ظاهريا لان التفاهم والمصارحه معاه ماتجيب نتايج معاه كثر

ماتتعقد الامور واتصير المشاكل بينا وبينه لكن الحمدالله على كل حال .....


انا دايما اقول احنا احسن من غيرنا نصيحتي لج انج اتجاملين ابوج انتي وزوجج كثر

ماتقدرين ....بالكلمة الحلوة .... بالهدية اللي يحبها دايم امدحي فيه واشكري فيه

قدام امج واخوانج وحتى قدام زوجج ....وان اهو شمعة البيت ومالكم غنى عنه

حسسي باهميته وبوجوده واحترامه وهيبته كل ماقالج كلمة قاسية او سبج

طيحي على راسه وحبيه وقوليله يبا كلامك كله عسل على قلبي وانت الغالي اللي

مالي غناة عنه ....... وصدقيني هالاسلوب راح يلين قلب ابوج وبيغر شوي من معاملته

وتحاشي اللي يضايقه وينرفزه وبالنسبة لزوجج لازم تقنعينه بالعلاج لانه كل مشكلة

ولها حل فليش ساكت عن عمره بالهطريقة جايز يكون الموضوع مسببله احراج وحساسية

اقترح عليج انج تكتبينله رسالة تعبرين فيها عن اللي بخاطرج من حب وشوق وتقدير

لكل شي يسويله لج وانج من كثر ماتحبينه وتموتين فيه تتمنين تحملين عياله في بطنج

لانها بتكون اعظم هدية يهديج اياها .... وان ممكن الحل يكون بايده اذا تجاوب شوي

مع فكرة العلاج وانج بتكونين معاه على طول الدرب بحلوه وبمره ومستحيل تتنازلين

عنه وتتخلين عن حبه مهما كانت الاسباب ....باسلوب حلو ورومانسي ممكن تاثرين فيه

وتجنبي انج تواجهينه لان يتحسس من هالموضوع قالاحسن انج توصلينله اللي بخاطرج

عن طريق رساله تحطينها له بمكتبه مثلا او عالفراش لما تكونين طالعه او بالمكان

اللي ممكن يلاحظ فيه الرسالة ...والله يوفقج ويسعدج دنيا واخرة ويرزقج ان شاءالله

الذرية الصالحه .....وهدي بالج وديربالج على ابووووووووج وحاولي تكونين

قوية ومتماسكه وانج ماتضعفين وتاخذين الامور ببساطه اكثر ...وموفقة ان شاءالله


__________________________________________________ __________

العنوووود مشكورة ياقلبي عل مرور
ويعطيج العافية عل نصايح وعلى فكرة الرسالة
بس حبيت اوضح لج شغلة
صدقيني ابوي تعبنا معاة من اسلوب ومن كلام حلو ون معاملة حلوة بس واللة مايعلم اللا اللة اشلون نقدرة ونحترمة بس مافية فايدة كلللش تعبنة معاة واذا انا بنتة رضيت ولد الناس مايرضة على كرامتة يقول كم مرة اعتذر ولايقبل العذر ابوح يتعب النفسية مايبي لة اللا الحقران .
عل عموم مشكورة من كل قلبي تحياتي لج .


__________________________________________________ __________

الصراحه مشكلتك تحير
كل ما بيدي ادعيلك أن زوجك يرضي يتعالج
و تجبون الذريه الصاله يا حبيبتي بدعيلك من كل قلبي.


__________________________________________________ __________


__________________________________________________ __________