عنوان الموضوع : اريد حلا لهذه المشكلة من الاخوات -تم الرد
مقدم من طرف منتديات نساء الجزائر

اريد حلا لهذه المشكلة من الاخوات



[بسم الله اود ان استعرض عليكم مشكلتي الي تواجهني وهي عدم ثقتي بنفسي اضرب لكم امثلة عليه وهي اذا تكلمت مع احد سواء بالعمل اوكنت معزومه وجيت للبيت ابداافكر بالكلام الي قلته هل هو يزعل او مافيه شي اتعب نفسي حتى لو الموضوع تافه والثانيه / اذا جيت عند زميلاتي بالعمل وتكلمن عن لبس وقلت شي قالولي يا قدمك حتى لو الشي هذا جديد مع انهن ماعندهن انرنت ولاشي بس يسون انفسهن عارفات الموضه وكل شي والي يقولون عنه مهب زين اروح ادور غيره سواء من لبس او اكسسوار وكل شي مع اني عند زوجي وعائلتي الى لبست شي او عزمتهم يسألوني من وين جبت هالاشياء بس الشى هذا الي اشوفه يضايقني هو زميلاتي بالعمل احس انهن هن الي زودن حالتي امثله على كلامي جلسنا مرة نسولف عن لبس البنات الصغار للذهب يوم عرغن اني البس بنت الي عمره اربع سنوات ذهب قالولي انتي قديمة الناس الحين تلبس اكسسوارات واروح ا لبس بنت زي ماقالوا مع انه بالعمر هذا متلقين اكسسوار بسهوله واشياء كثيره لو ابكتب لكم اياها ماخلصت اريد حلا من الاخوات عشان اسوي والبس الي ابي ولاعلي من احد وعجزت لازم هالوسواس يجين والله يعافيكم .

>>>>> ردود الأعضـــــــــــــــــــاء على الموضوع <<<<<
==================================


السلام عليكم ورحمة الله وبركاته

الحقيقه بقول لك نبذه عن مشكله نفسيه منتشره في مجتمعنا وبشكل كبير مانسبته تقريباً 45 في الميه وهي الرهاب الاجتماعي وكثير تحصل حالات مشابهه لحالتك ..
الثقه في النفس لا تربطها اي صلة بمشكلتك لانها تصنف من الرهاب الأجتماعي..
الحل اختي الكريمه هي التواصل الاجتماعي بشكل مكثف ونسيان كلمة عدم ثقه لانها تعتبر وهم واذا فكرت الوحده فيها تزيد الوضع تعقيد..
اتمنى مااكون ثقيله بردي هذا لكن هذا اللي عندي والله يوفقك ان شاءالله


__________________________________________________ __________

كلام الاخت صابرين صحيح واحب اضيف بان اكبر غلط فى مجتمعاتنا هو ان حنا دايما انشيل هم الناس .....

وهذا غلط كبير لازم الواحد يكون له راى ويتكلم بحدود علمه

تحياتى لج.....


__________________________________________________ __________

وعليكم السلام ورحمة الله وبركاته

غاليتي رنو طريقة تعامل الناس معانا احنا اللي نفرضها عليهم

لو احسوا بضعف منا راح يحاولون يفرضون رايهم وسيطرتهم علينا ولو احسوا ان الشخص اللي امامهم متمسك برايه ما راح يحاولون يزعجونه وراح يحسوا بقوة شخصيته
يعني اني اللي تفرضين طريقة تعامل الناس معاك

با النسبه لصاحباتك في العمل احسوا انك تستسلمين بسهوله ولا تخالفينهم براي
عشان كذا يحاولون يحرجونك او يفرضون ارائهم ولو كنتي مو مقتنعه فيها
بس تحاولي تجاريهم لا انك عارفه انهم ماراح يغيروا رايهم
اتبعي معهم نفس الاسلوب يعني اذا كان عندك راي افرضيه واثبتي لهم انك مقتنعه فيه ولا في اي امل تغيري رايك
ولو كنتي الوحيده اللي مخالف رايك لرايهم يعني لو تكلموا في موضوع وكلهم اتفقوا على راي وانتي ما كنتي مقتنعه بس قا لتي اسكت يعني انا الوحيده اللي غير عنهم
وتتوقعين منهم انهم يحرجونك ما عليك قولي لا واثبتي رايك ولو كانوا كلهم ضدك

لا انهم لو شافوا انك متمسكه برايك على طول ولو كنتي الوحيده
خلاص راح يعرفوا شخصيتك وطريقتك واسلوبك مع الناس

مثلا زي ما قلتي انكم اختلفتوا على لبس البنات الصغار الذهب
وانتي مقتنعه انك صح انتي فكري برد قوي وتكلمي بثقه قولي لهم ومتى ان شاء الله راح تلبس ذهب اذا صار عمرها 14 ولا اذا اتزوجت
لا حبايبي بنتي وراح ادلعها وش حلا ت الذهب على الصغار انا صراحه ما عمري شفت احد يلبس اكسسوار للاطفال في ها العمر وش بقينا للمراهقات

واذا مثلا تكلموا على الموضه وقالوا لك قديم

قولي ومن متى انا اشوفه على كل الناس انتم بس اللي ما تعرفون
ولا قولي بتعلموني اللحين وش الموضه
ومن ها الكلام المسكت
فكري با الموضوع كانه معركه الطرف القوي هو اللي بينتصر
ولو احسوا بااي ضعف راح يحاولون فرض شخصيتهم
فلا تعطيهم اي مجال حتى يعرفوا اسلوبك وشخصيتك

ومعليش طولت با الكلام بس ان شاء اكون ساعدتك

واي سؤال تفضلي حبيبتي ولا تترددين


__________________________________________________ __________

ردود حلووه اعجبتني صراحه وبالتوفيق رنوو


__________________________________________________ __________

مشكورين اخواتي جميعا على الرد بصراحة انكم طمنتوني وحسستوني اني لي رأي وان شاء الله راح ابدا انفذ نصيحاتكم لي والله يوفق جميع الاخوات الي ابدو رأيهم .