عنوان الموضوع : ابغا حل لمشكلتي -تم الرد
مقدم من طرف منتديات نساء الجزائر

ابغا حل لمشكلتي



مشكلتي.. ان زوجي قاعد يخونني مع وحده تانيه
ان وزوجي كنا نحب بعض ماشاء الله 5 سنين قبل الزواج وقعدت مالكه سنه وليا دحين متزوجين 5 سنين ماشاء الله بس ماعندي اطفال وحملت قريب لاكن ربي مااراد ان يكمل الحمل وولدة. ولادة طبيعيه في الشهر الخامس واتوفى النونو
واكتشفت وانا حامل ان زوجي يعرف عليا وحده تانيه.ويحبها
ووقالي هدا الشيء بنفسو بس انا مرا احبو ومني حابه اخرب بيتي صح انا غلطانه في اشياء كتيرة بداية زوجنا كانت. اهتماتي في اشياء تانيه وكنت مقصرة في حياتي شويه ومقصرة في بيتي بس كنت صغيرة.بس ماعمري قصرت معاه خوا ولا ف حبي له ولا عمري خنتة وصينتة طول حياتي ممكن تقصيري في بيتي شويه يخلي يفكر يخونني.. ابغا حل انا. فكرت بعد تعب وعذاب قلبي اني اطلق واسيبو يكمل حياتو
بس مني قادرة لاني اعشقو ووالله احبو واحب كل شيء فيه صح ان خانني لاكن مني زعلانه منو اهم شيء ابغا اقعد معاه يكفني المسو واشم ريحتو اعرف بعضكم حيقول عني ماعندي كرامه وبعضكم حيقول. عني مريضه بس انا مني مريضه بس احبو وما ابغا اخسرو ابغا حل اخلي ينساها ويسيبها ويرجعلي والله انا حاليا فترة نفاس ما اقدر استخير لا كن كل يوم ادعي ربي ان يبعدها عنو وان زوجي يرجعلي بس ابغا شيء فان ينساها خلاص للاني وربي تعبت وقلبي سار يوجعني وابغا الجميع يساعدني ويدينو رائيو

>>>>> ردود الأعضـــــــــــــــــــاء على الموضوع <<<<<
==================================


لآحول ولآقوة آلآبآلله ،، ربي يصبرك آختــى
،،،
ان شآءاللــة البنآت يفيدووك


__________________________________________________ __________

اختي لوكل النساء تطلقت بسبب خيانة الازواج لكان اكثرمن نصف نساء العالم تطلقو انصحك انك تحاولي تشغلي فراغ زوجك العاطفي والجسدي وانك تحتوي مشكلتك وانك عامليه صديق ليس فقط زوج واتمنالك الخيرانتي وكل الاخوات في المنتدى


__________________________________________________ __________

وش وش وش
بصراحة لي عودة
لاني مصدومة حاليا


__________________________________________________ __________

اختي لانه والله المشكله انا. اقرب انسانه لزوجي واحنا ماشاء الله علاقتنا ماتوقف على حياة زوجيه فقط بالعكس احنا اصحاب واخوان. وكل شيء بس مشكلتي ان دي البنت سارت اخدتو مني. لدرجه كبيرة ومرا اتغيرر معايا وسار بيننا علاقه زوجيه فقط وليا اكتر. من 3 شهور جالسه عندو حمله وضاغطه على نفسي رغم فقدي لاجمل شيء ربي كان حيرزقني بيه حتى هوا سار يتعب وسار شايف الانفصال هوا الحل عشان كدا ابغا احذ يساعدني ايش اساوي. زياده. جيت على نفسي عشان احبو مرا كتير وذليت نفسي


__________________________________________________ __________