الى الطالبات الجزائريات تم الاجابة
عنوان الموضوع : الى الطالبات الجزائريات تم الاجابة
مقدم من طرف منتديات نساء الجزائر
الى الطالبات الجزائريات
السلام عليكم خياتي انا طالبة بالثانوي حبيت نسقسي برك على وحد l'idé راهو يدور في راسي وهو انو انا ملي طلعت لليسي انصدمت بالاساتذة والمستوى تاع البعض منهم ومن هداك الوقت و ليت ما نحبش كلمة استاذوللاسف طبقت هذا على كامل الاساتذة قولولي اذا كان انتوما ثاني صرالكم هكذا مع انو ثاني الي زاد الطين البلة هي الاستاذة الي درستني الرياضيات
العام الماضي اتخيلوا معايا وحدة كانت اتجيب 18-19 في الرياضيات و لات اتجيب 9-10
ربي يحفضكم
>>>>> ردود الأعضـــــــــــــــــــاء على الموضوع <<<<<
==================================
اين الردود
__________________________________________________ __________
دعواتنا لكم احبكم في الله
__________________________________________________ __________
الأساتذة ماشي كامل كيفكيف كاين اللي يزير فالنقاطي وكاين اللي لالا، وكاين اللي يعرف يقري وكاين اللي يطبع برك
وهاد الشيء تلقايه في المتوسط و فالثانوي وحتى فالجامعة، بصح ديري في بالك بلي كل ماتطلعي المستوى يطلع يعني الرياضيات تع المتوسط ماشي كيما تع الليسي يعني المواد تع لفهامة يصعابو شوية ماشي كيما تع لحفاظة
والمعدل كل ما تطلعي عام يحبط شوية، ياك حنا في المتوسط كنا نجيبو 15 و16 المعدل بصح ف الليسي ولينا نجيبو 12و 13 ههههه وكاين اللي يحلم غير ب 10
شوفي إنت متخافيش إلى راكي تخصص علوم طبيعية لازم تقراي مليح رياضيات وعلوم وفيزياء علاخاطر صعيبة ولاّ قدرتي زيدي ديري ليكور وعاوني روحك بالمواد تع لحفاظة ولغات أجنبية يطلعلك المعدل مليح إن شاء الله
أنا كنت آداب مانحبش نكسر راسي مع الرياضيات وكنت مليحة فالعربية وكنت نجيب المعدل 13
وفالجامعة قريت عربية وجبت المعدل 14 الحمد لله ، كامل النقاط تاعي فوق 10 ونجيب حتى 19
ماتخافيش وما تنسايش تدعي ربي أنا أساس نجاحي فلقرايا ندعي ربي حتى فلميموار تاعي دعيت ربي نجيب فوق 16 وأقسم بالله جبت 17 كيما دعيت الحمد لله والله ماكنت نستاهل بصح بالدعاء نحقق المستحيل
بالتوفيق
__________________________________________________ __________
ربي يحفضك اختي و يخليك للي يحبوك
اختي همسة حنين و الله غير كلامك بزاف ريحني
وفقك الله لما يحبه و يرضاه
ربي يفضكم كامل الي عملولي ردود
__________________________________________________ __________
..
رد مع اقتباس
